麻辣派對 (金百利廣場) (已結業)

環境4分：正常樓上餐廳格局，派對主題四周圍七彩繽紛，中國菜嚟講環境都算前衛，有格調果種，氣氛都唔錯，枱同枱之間唔算太迫，可以畀四分。衛生4分：地方都好乾淨企理，枱面又冇黐立立，都係畀四分。服務 5分：服務員唔囉唆，夠爽手，態度好好，服務可以畀滿分。味道4分：1)      戀味毛肚雖然叫BB辣，但係越食越辣，非常惹味，送啤酒一流，一D部位爽，一D部位淋，非常得意。2)      七味雞脆骨，名正言順七味粉炸雞軟骨，脆卜卜，又一送酒好菜。3)      黑醋伴秋葵D秋葵好長，好脆，好新鮮，酸酸味味咁非常開胃。4)      大刀牛肉小麵份量非常之多，有牛展，酸菜，花生，肉碎，蔥，Ｄ麵食得出係手打，煙煙靭靭，吸曬湯，非常有味。5)      飯後送桂花啫喱甜品，又香又可以解辣。抵食5分：四十八蚊一碗麵係晚餐價位，絕對抵食，畀滿分。

突發去大坑睇舞火龍，大坑的餐廳大多數係小型，一定坐滿，唔想同人廹，商量後決定先去麻辣派對再去睇火龍。喜歡麻辣派對的環境，食物好，服務好，當然價錢又合理。清炒萵筍， 在街市見到萵筍但係未食過。一碟好青綠色，口感好清爽，脆脆的，清甜， 很嫩， 帶小小麻香味，好開胃七味雞脆骨，雞軟骨炸得甘香鬆脆，帶著小辣， 停不了口鮮椒味型桂花魚， 顏色非常養眼， 有多種辣椒，花椒混合，祛了魚的睲味，更帶出鮮椒的香。魚的肉質滑嫩， 鋪在底的芽菜及水晶粉吸收了魚的精華， 非常惹味。凍密語水果茶，食到火辣辣，飲啖立即透心涼，有多種水果，香甜，紅茶帶著果香。

這晚本來約了朋友在大坑食飯，怎知遇上舞火龍，怕人多所以立即改在銅鑼灣搵食算了。想起附近有一間型格川菜，剛巧朋友也嗜辣，於是亳不猶疑帶她來試試這間新派川菜！朋友非常喜愛這裏的環境，場內燈光昏暗，浪漫有情調， 牆邊掛滿壁畫及一些精緻擺設，不知道還以為是西餐廳呢！天氣炎熱，先來一杯"凍蜜語水果茶" $35 解解暑。花果茶味香茶濃，配以多種新鮮水果，大大杯好抵飲！必食這裏的招牌菜水煮魚，有四種口味任君選擇，而魚的種類也有三款，我們選了"鮮椒味型桂花魚"$268, 另加鮮牛肉$58和黑木耳$23。一般水煮魚是紅紅的，這窩卻是綠綠的， 感覺新鮮, 配上精美銅盆，更具特色。 綠綠的青椒辣味十足, 桂花魚魚肉嫩滑，鮮味無比！另加的鮮牛肉和黑木耳原來已放在鍋內，牛肉稔香軟彈，雖然是另加的，但份量也不少呢！惹味小食"七味雞脆骨" $68 外脆內嫩，雞脆骨 鬆化香口，令人難以抗拒， 不宵一刻，已給我們吃過清光 菜名非常特別的"戀味毛肚" $58， 以為是牛肚，原來是牛柏葉。 辣辣的牛栢葉爽滑無比，風味獨特，令人回味！最後，侍應主動送上小巧精緻的甜點"桂花涼糕"，每人一杯，給客人解辣，非常的細心體貼，確是值

媽媽好喜歡食辣的食物，所以決定帶佢去食新開的麻辣派對。去到餐廳門口已經被招牌所吸引，用了花做裝飾的招牌真係好漂亮。店內的環境用了紫色為主題，牆紙是花的圖案，還掛上花球，好像一個開派對的地方，真是一間好特別的餐廳每樣的食物都可以選擇原辣、減辣、唔辣或者加辣。菜單有三個系列包括水煮、香辣鍋和酸辣系列，可以自選輔菜自由配搭，又或者餐廳已經安排好的菜式七味雞脆骨 (減辣)，雞脆骨外層炸到脆卜卜，又夠香同有少許的辣。味道同平時食的有少許分別，蛋味好香涼拌黑木耳 (減辣) ，清爽脆嫩最岩夏天食媽媽的紅燒排骨小麵 (減辣)，陽春麵我真係好少食，我試咗一啖，估唔到麵質都唔錯，硬道適中。媽媽話碗麵好好食夠麻辣，排骨入味又淋。香鍋米線，有花生、碎肉和蔥令碗麵更加香。我平時就好喜歡食米線，但呢到的米線真係冇得頂，好爽口又彈牙而且米線比出面既幼身。最重要是份量好多，而且一邊食個嘴就開始出現麻痺的感覺，好刺激呀。突然覺得餐廳真係無改錯名黃燘辣子海蝦，一大碟海蝦，新鮮又爽口每隻蝦都大大隻，大量的洋蔥、芹菜、蔥和菇一齊煮好惹味蜜語水果茶，裡面放入各種的生果，包括西瓜、檸檬、青檸、奇異果、橙和火龍果。感覺清甜，有濃濃

好耐無黎金百利食野，上到去4樓嘅麻辣派對，一入到去就聞到好香嘅麻辣味，見到每枱上嘅食物都好多辣椒，流哂口水。入面裝修好特別好有特色。餐牌，餐具設計精美。手撕包菜$68，聽個名以為係生菜包住D野黎食，原來係炒椰菜，揀左減辣仍然好辣。七味雞脆骨$68，都係減辣，無椰菜咁辣，OK。雞軟骨味道。水煮江團店員話江團比較少骨，食入口果然一條骨都無，口感唔似魚，但好滑。之前俾個椰菜嚇親驚呢個會好辣，但又OK食得到，但一邊食一邊流汗。食到個嘴麻痺。加左午餐肉，肥牛，蓮藕。餐廳有凍水，我地無叫野飲都OK，食物份量好多。埋單$498，每人$250。

麻與辣是兩種不同的味道、但因為實在太匹配，所以經常形影相伴，尤其在四川菜上。中國四大名菜之一的川菜，在香港愈來愈流行，雖然大部分香港人並不能嚐太辣，但在不知不覺中受內地遊客、新移民、港漂學生及來往中國兩地親友影響，也開始欣賞四川菜，何況聰明的四川菜館，皆會提供不同辣度、甚至完全不辣的選擇，辣不起的朋友們，亦可以無擔憂地一嚐四川菜之香料層次。傳統的四川菜館，裝潢皆是中菜格局，新開的麻辣派對，大膽打造中菜西吃的環境，卡位座椅，柔和燈光，皺紙花球，九乘九如國內卡拉ok之氣氛，引發客人在此開派對的興趣，並命名為"麻辣派對"，阿麻與阿辣攜手發請柬開派對，我怎可推搪，端午節假期的前夕，正是派對時。原來此店只正式開張了兩天，我們是早鳥，新張優惠有八折。見有生客，經理Tony親自招呼，細心地解釋菜式，這店的主打是鍋物，分水煮、香辣及酸辣三大系列，而主打是水煮魚，有草魚、江團及鱸魚三款魚可選，而做法有水煮、酸菜及鮮辣味型；其次推薦麻辣雞鍋及辣子海蝦，可惜我們只是二人小局，若吃鍋品就變成單一口味，於是決定先嚐小菜，期望多元化一點。小菜雖然只有一頁紙，但可以自選辣度實在窩心，而且菜單上的指引非常有趣，用圓圈