盈館

營業中

休息中

星期六Honey想飲茶食點心，又再帶左佢黎呢間盈館撐台腳，之前已經黎過一次，今次第二次到訪，鐘意呢度坐得幾舒服，比平時酒樓冇咁嘈吵。鋪面屬於傳統茶樓乾淨企理， 店員及點心姐姐都好有禮貌。 傳統點心紙落單，款式選擇數量可以，大部份喺見慣見熟嘅款式，兩個人點左六個點心： 鮑汁炆鳳爪 黑金流沙包抹茶流沙麻球晶瑩鮮蝦餃手剁陳皮牛肉球一口鮑魚燒賣 點心上枱速度都好快，唔駛等好耐，樣樣點心味道仍然幾唔錯，最緊要係上枱嘅時候仲見到一籠籠點心出哂煙仲好熱，特別推介以下 ：牛肉球～平時其他茶樓一般食到嘅比較林身鬆軟，可能手剁牛肉關係，呢度嘅牛肉球相對明顯有咬口有牛肉味！ 蝦餃～皮夠薄，塞滿新鮮蝦肉爽脆弹牙，有水準！ 燒買～升級版製作，頂頭放有入味鮑魚，賣相已經好吸引，豬肉夠味新鮮，真材實料！最後茶位服務加一合共$303

出旺角睇手機，中午想食點心，在OpenRice搜查到這間見評價好唔錯就來了。環境唔錯幾舒適，裝修新淨，坐窗口位的話可以望到繁華彌敦道車來車往，而且夠光猛，枱與枱的距離寬躺，餐具亦衛生。食物兩個人點了8個點心，份量亦十份足，又不想浪費，所以最後吃得很飽。整體食物水準唔錯，其中覺得最好食是一口鮑魚燒賣、蘿蔔絲鹹水角、菜苗餃及可愛爆汁的豬麥包，尤其一口鮑魚真材實料，蘿蔔絲鹹水角感覺很糯棉。其他各項都唔錯，香煎椰汁黃金糕亦煎得很香但覺得比較甜。服務雖然客人比較多但服務員態度有禮勤快，送餐的姐姐亦很有禮貌，點了的點心亦很快送上枱，每碟點心都是熱辣辣的。總結最後價錢連服務費$327埋單算可以。一口鮑魚燒賣絕對值得一試

久違早上的時間來到旺角飲茶，今次來到這間位於旺角創興廣場7樓的盈館。座位很闊落，我們也坐得很舒服。今次叫了六樣點心，包括鮮蝦菜苗餃，脆網金鈎銀羅腸，脆皮鮮蝦餃，櫻花蝦煎薄罉，懷舊乾蒸牛肉燒賣和一口鮑魚燒賣。款式有很多的選擇，有傳統的點心，也有比較新式的點心。例如脆皮鮮蝦餃，第一次吃這樣的蝦餃，蝦餃外皮炸得很香口，很脆，很好味，而裏面的蝦也很大粒。一口鮑魚燒賣也是他們很推薦的，鮑魚配合燒賣配搭很新鮮，而且鮑魚味道也很濃郁。脆網金鈎銀羅腸皮薄餡靚，腸粉很滑，而裏面也炸得很鬆脆。菜苗餃和蒸牛肉燒賣也是飲茶必叫的，分量很大粒。櫻花蝦煎薄罉煎得很香口，很大塊。

之前同同事傾開計我哋兩個都想食點心做午餐，但係公司附近啲酒樓通常都好嘈坐得唔舒服係比啲一大班人食嘅話就會好方便！有日聽朋友講哩度開左間精緻點心酒樓，唔會覺得嘈又坐得幾舒服，於是約同事黎食！唔知係樓頂高定啲枱有足夠嘅空間，真係坐好多人都唔覺得嘈，岩哂同同事講下八卦傾下計，起碼唔洗吵架咁大大聲叫出來！食物係走精緻路線，叫完一堆野食感覺好新鮮，唔係平時果啲！我最欣賞係佢個日式胡麻鮮淮山，加左少少芥末味，醒神好味👍🏾👍🏾👍🏾鮑魚燒賣，賣相精緻，唔會一大舊肥肉😋😋😋蝦餃，如果唔係喉嚨痛怕熱氣，我地會食脆皮果款，下次就叫脆皮蝦餃先得☺️☺️🤗🤗黑金流沙包喺炭黑嘅包包面有一劃金彩，特別吸精😌😌一撕開，超級流心😍😍😍唯一後悔嘅係我地叫哂野食先發現未叫叉燒，但因為驚食唔哂冇追加叫到佢個叉燒☹️☹️☹️下次我一定要食😌😌😌🥳🥳🥳總括來說「會有下次啦！😋」