各位精明消費者留意返，去開小食天堂葵涌廣場，識用一定用Alipay找數！而家做緊特別優惠，香港新用戶可享高達$115獎賞，而且可以即場使用，掃小食、買飲品即減$5-$10，都咪話唔抵 !

呢個優惠有四種唔同獎賞，由即日起至14/12分兩階段進行，迎新優惠可享價值$10元之電子禮券5張。而額外獎賞每階段有$5電子禮券3張，兩階段合共6張，只需掃瞄葵廣內的QR code，即可領取使用。而即日起至10月31日，亦可儲印花換電子禮券，綁定中銀信用卡亦有中銀電子印花，總值$115優惠，詳情可以去到葵廣專櫃了解多啲。

場內有大約30間小食店已經接受Alipay付款，掃一掃QR code即可成功俾錢，唔使搵銀紙散銀，夠晒方便，而家仲有減$5優惠，更加抵食！第一站當然要直上三樓最多美食聚集嘅大街，有唯一一間主打台式麵線嘅台南皇麵線。

麵線有台北阿宗麵線影子，可以揀蚵仔、大腸、赤肉羹等唔同配料。麵線做得條條分明唔漿口，湯底鹹度適中帶木魚香，而且有齊莞茜、蒜蓉、辣醬及烏醋等調味，味道都唔錯。

舖頭亦有售魯肉飯，綜合有齊雞翼、滷水蛋同豆腐，魯肉落得好慷慨，肉質偏瘦，但都有唔少醬汁吊味，去唔到台灣都可以止吓癮。

第二站去食個甜品先，呢間呦呦鹿鳴布丁燒專門店，開業約三個月，日賣200個相當受歡迎。店主自行研發多達十種口味布丁燒輪流推出，即日新鮮製作，兩小時出一次爐。出爐可以熱食，質感如燉蛋加梳乎厘。

布丁燒有三層，包括底層輕芝士蛋糕、布丁以及焦糖醬。店主不惜工本用靚料製作，好似北海道忌廉、牛奶同埋京都宇治丸久小山園抹茶。最好賣係椰爺布丁燒，用泰國新鮮椰青肉加椰青水製作，清甜自然，質感滑溜。

咖啡味都好受歡迎，濃郁少甜，抹茶味就有甘甜茶香，連蛋糕都係抹茶味。不時會推出特別口味如豆腐、伯爵茶，又會自製雪糕請客人食，相當窩心。

食咗咁多都有啲口渴，去到地下飲杯台式飲品先。呢間悟茶茶飲來自國內，專選用靚茶底沖製，煲茶茶葉18號、紅黑烏龍、梨山烏龍及茉莉花茶五款，仲引入萃茶機以特製茶包即沖即調。

最出色係奶蓋系列，用紐西蘭芝士、忌廉及牛奶製作，味道有幾分似喜茶，更加入少少玫瑰鹽調味，比大陸配方少鹹。更可以選擇低脂般，好似健康少少。果茶都係用新鮮生果加梨山烏龍茶，味道酸香清爽。

近期好紅嘅黑糖珍珠奶一樣有，用上日本明治4.3牛奶製作，奶味濃郁香滑。

呢間茶飲店飲品因為用較好食材製作，價錢比出面貴少少，用Alipay減返$5就最好喇。