開飯仔日前請中醫師黃曦民提供3款居家防疫食譜（按此），等大家簡易咁從飲食做防疫。但喺中醫角度，重有咩方法可以祛濕排毒，增強防疫、抗疫效果呢？醫師就話：「濕係指水液代謝障礙，除咗飲食同藥物外，但凡能夠促進水液代謝嘅方法都可以祛濕排毒，例如傾訴哭泣、排解鬱悶情緒、運動排汗、小便同大便等，都係祛濕排毒嘅途徑，並不限於飲食同藥物。」。以下係黃曦民醫師介紹嘅簡便居家防疫功法，動作簡單易學，有助增強心肺功能、促進水液代謝、提升免疫力。

居家防疫功法 – 八段錦三式
第一式：兩手托天理三焦 
第二式：左右拉弓似射鵰 
第三式：調理脾胃須單舉
(以下附圖為國醫大師鄧鐵濤親身示範嘅八段錦)

第一式：兩手托天理三焦

【預備姿勢】
直立，兩臂自然下垂，手掌向內；兩眼平視前方，舌尖輕抵上齶；自然呼吸，周身關節放鬆，足趾抓地，意守丹田，以求精神集中片刻（圖一）；兩臂微曲，兩手從體側移至身前，十指交插互握，掌心向上（圖二）。

【動作】
1. 兩臂徐徐上舉，至頭前時，翻掌向上；肘關節伸直，頭往後仰，兩眼看手背，兩腿伸直，同時腳跟上提，挺胸吸氣（圖三）。
2. 兩臂放下，至頭前時，掌心由前翻轉向下，腳跟下落，臂肘放鬆，同時呼氣。如此反複16-20次，使呼氣吸氣均勻，最後十指鬆開，兩臂由身前移垂於兩側，以作收勢。此為第一段。

【說明】
呢一節動作睇落係四肢同軀幹嘅運動，以挺胸仰頭為主。活動中心有利於胸廓擴張，活動頸部諸肌；加強深呼吸，吸入更多新鮮空氣，使身體有更多嘅氧氣，同時加強心血循環，尤其係頭腦嘅血液循環，並將動脈血液運輸到全身肌肉同各個器官，以解除疲勞，清醒頭腦。
而三焦即上焦、中焦、下焦，係中醫指人體部位嘅名稱。上焦係指胸腔部器官，主要包括心、肺等臟器；中焦則指上腹部器官，主要指脾胃等臟腑；下焦就係下腹同盆部器官，包括肝、腎等臟腑。所謂「理三焦」係通過呢節運動，調理同強健身體各內臟器官。動作強調挺胸，頭往後仰，所以主要以調理肺臟同心血循環（上焦）為主，增加呼吸同血液循環。

第二式：左右拉弓似射鵰 

【預備姿勢】
左腳向左側跨一步，兩腿屈膝成馬步，上體挺直；同時兩臂平屈於兩肩前，左手食指略伸直，左拇指外展微伸直，右手食指和中指彎屈，餘指緊握。

【動作】
1.  左手向左側平伸，同時右手向右側猛拉，肘屈與肩平；眼看左手食指，同時擴胸吸氣，模仿拉弓射箭姿勢（圖四）。
2.  兩手收屈於胸前，成復原姿勢，但左右手指伸展相反，同時呼氣（圖五）。
3.  右手向右側平伸，同時左手向左側猛拉，肘屈與肩平；眼看右手食指，同時擴胸吸氣（圖六）。如此左右輪流進行開弓16-20次，最後還原預備姿勢且收勢。此為第二段。

【說明】
呢一組動作嘅重點係運動胸部頸椎，兩臂外展且左右交替猛拉，促使胸廓擴大，增強呼吸功能同血液循環，有利於神經體液調節，糾正體內不協調因素；而頸椎左右旋轉運動，可增加頭部嘅血液循環，有利於心神健康。

第三式：調理脾胃須單舉

【預備姿勢】
立直，兩手手掌微微張開如抱球狀，腳尖向前，眼平視前方（圖七）。

【動作】
1. 左手翻掌上舉，五指伸直併攏；掌心向上，指尖向右，同時右手下按，掌心向下，指尖向前，拇指開展；頭向後仰，眼看左手指尖，同時吸氣（圖八）。
2. 復原呼氣，雙手抱球（圖九）。
3. 右手翻掌上舉，五指伸直併攏；掌心向上，指尖向左，同時左手下按，掌心向下，指尖向前，拇指開展；頭向後仰，眼看右手指尖，同時吸氣（圖十）。
4. 復原再呼氣。如此反復16-20次，運動時宜注意配合呼吸均勻。此為第三段。

【說明】
第三段動作係兩臂交替上舉與下按，上下用力牽拉，同時仰頭，直腰脊柱側屈，使兩側內臟器官同軀幹肌肉作協調嘅牽引。主要使中焦，尤其係脾、胃等器官受到牽拉活動，促使胃腸蠕動，增強消化功能。經常鍛鍊，有助於加強脾胃功能，增進食慾。

在此必須強調，以上嘅建議目的在預防，唔能夠代替治療。如有不適，應該馬上求醫。

抗疫小百科（中醫篇） 解構診療過程+中藥如何減輕病情：（按此）
抗疫小百科（中醫篇） 解構連花清瘟膠囊 主治功效+5類人忌食：（按此）
抗疫小百科（中醫篇） 3款居家防疫食譜 簡易湯水/粥品：（按此）