經常打入開飯十強嘅Passion by Gérard Dubois，最近又擴大勢力範圍，喺朗豪坊插旗，人在MK都一樣食到正宗法式甜點同主食！
新店獨家推出gelato，口味有野莓、熱情果、榛子等等，可以揀窩夫筒裝同杯裝，30幾蚊有交易，唔貴。
又新加咗意粉，除咗牛肉肉醬扁意粉、牛肉千層麵等之外，仲有專for素食一族嘅青醬開胃扁意粉、忌廉蘑菇長通粉、青醬大啡菇扁意粉同香炒疏菜千層麵。
至於薄餅，就有兩款新嘅手工酸麵種餅底，白色餅底用法國麵粉製作，深色餅底就用上法國黑麥麵粉炮製，搭上煙三文魚、印度烤雞等toppings至惹味。
至於一向多人柯打嘅蛋糕甜點、麵包同法式燉鍋等，亦會照舊供應。
文：fi
隨時接收最新資訊
讚好OpenRice專頁！
