咖啡拉花就見得多，唔同卡通人物，2D或3D嘅都見過，但有無諗過咖啡上面嘅圖案係你嘅自拍照？
韓國弘大呢間叫Caface嘅咖啡店就可以做到啦，首先用店裡面嘅手機嚟張自拍，記得人樣要喺中間，唔係就唔完整㗎啦。雖然無得美圖秀秀，但相機預設美肌功能。
揀啱自拍就交由Cafe用美國進口嘅奶蓋機同可食用色素將照片印出嚟，再放喺咖啡上面。唔鐘意印自己嘅話，印Oppa或者自己寵物嘅大頭一樣得，印出嚟嘅拉花清晰度都幾高，Selfie一流。
兩位店主原來係香港人同澳門人，而家喺弘益大學讀書，所以了解年輕人鐘意創新嘅心思。喺Facebook專頁裡面仲話考慮遲啲返香港都開一間，咁就唔洗得登飛一轉韓國啦！（開心跳起Yeah！）
圖：Caface
