世界各地嘅奇珍料理都匯聚喺香港呢個美食之城內，呢度曾經日夜都係燈火璀璨，無論幾夜都總能夠喺街度搵到嘢食。可惜呢幾年受疫情影響，加上多項防疫措施令到呢個美食之城，變成冰封之城。要將冰封之城再次燃亮，除咗靠業界努力外，最重要都係靠大家嘅支持，集合力量燃起「美食之火」！6月15日，一人一票，完成任務，喚醒美食之城！投票支持心水熱店後，更有機會贏取獎品總值超過30萬！
美食之城內有多間港式茶餐廳，為大家提供別具特色嘅本土風味料理，當中有唔少充滿童年回憶嘅食品，而且無論獨食定一班人齊齊開餐，都滿足到唔同人口味。今次入圍嘅10間茶餐廳，當然都有呢份能耐啦，即刻睇下佢哋嘅介紹：
家常口味 閨•家
圖：港式茶餐廳除咗鑊氣小菜，其實都有家常便飯。閨•家主打無添加、無味精嘅菜式，其中香煎藕餅豬扒飯為人氣菜式之一，手剁藕餅有咬口，而豬扒則軟滑入味。配搭每日唔同款嘅足料湯品，令大家外出用餐都品嚐到家嘅味道。而精神奕奕嘅粉色系店面，同富本地特色嘅牆畫，令環境輕鬆舒適。
滋味值 🔥🔥🔥🔥
地道值 👍🏻👍🏻👍🏻
老字號冰室 雪山冰廳
圖：位於深水埗有60年多年歷史嘅雪山冰廳，菜式同裝潢都集懷舊與創意於一身。喺度食到芝蛋牛肉漢堡、避風塘生炸雞髀、蔥油大碗飯等懷舊茶記菜式外，仲有選用波士頓龍蝦製作檳城叻沙摻摻，以及多款南洋、日式風味菜餚，等食客有更多選擇。另外，卡座保留硬板櫈設計，牆身則有噴漆風格牆畫，既保留傳統，又帶點新鮮感。
滋味值 🔥🔥🔥🔥🔥
地道值 👍🏻👍🏻👍🏻👍🏻
新一代Fusion茶餐廳 友利冰室 x 勿當奴
圖：玩味十足嘅友利冰室，以卡通版「勿當奴」快餐店角色為設計靈感，主攻年輕人路線。餐廳自設工場炮製古法明火燒味，製作中西合璧嘅創新菜式，例如乳豬卡邦尼意粉、美國穀飼叉燒煎蛋飯等，另有腐乳西式燒羊架、吉列丼配溫泉蛋等西日風味料理。想懷舊啲嘅話，港式漢堡、蒜蓉大蝦籠仔荷葉飯同燉湯都係唔錯嘅選擇。
滋味值 🔥🔥🔥🔥
地道值 👍🏻👍🏻👍🏻
路德圍平民小店 樓下冰室
圖：番茄濃湯麵食同瑞士雞髀、雞翼，可以話係茶餐廳不可缺少嘅菜式之一，而呢兩味亦係樓下冰室嘅招牌食品。番茄濃湯用新鮮番茄製作，面頭放上口感滑溜嘅牛乳炒蛋，再配鹹香嘅瑞士雞髀或雞翼，夠晒豐富。另外更供應充滿童年回憶嘅飲品，如綠椰冰、紅豆咖啡、新鮮菠蘿冰等。不過呢度空間細啲，多人嚟會迫少少。
滋味值 🔥🔥🔥🔥
地道值 👍🏻👍🏻👍🏻👍🏻👍🏻
佐敦人氣餐廳 澳洲牛奶公司
圖：hangrysis_foodie、fatdragonloveu
澳洲牛奶公司由1970年開業至今，早年輕微翻新過，但並冇大變動。食物款式簡簡單單，冇爆炒小菜，反而以叉燒雞湯通心粉、厚身蛋治、蛋白燉鮮奶作招徠。燉鮮奶同燉雞蛋每日凌晨時分製作，混合日本北海道鮮奶和日本鮮雞蛋，清甜香滑。另外凍果汁鮮奶係坊間少見嘅飲品，將鮮橙放入牛奶中，冰涼微甜，好啱熱天飲。
滋味值 🔥🔥🔥
地道值 👍🏻👍🏻👍🏻👍🏻👍🏻
另外5間入圍嘅港式茶餐廳仲包括香港永年車仔麵茶冰廳、四寶食堂、大渣哥茶記、龍泉冰室同荔香園冰室，揀啱就快啲去投票啦，投票有機會獲得豐富獎品，要知道，你哋每個人嗰票都好重要，係喚醒美食之城嘅重要力量！是次投票分為兩個階段進行，共四個投選組別。每完成一組投票/回答問題(簡稱「任務」)皆可取得火炬，累積滿4枝火炬或以上即有機會可獲$100 OpenRice現金券獎賞！完成所有任務並累積滿6枝火炬，更有機會贏取豐富獎品！
想支持心水餐廳，記得注意返投票日期：
菜式組別： 2022年 6月15日 - 6月28日
地區組別： 2022年 6月29日 - 7月12日
外賣自取及訂座組別：2022年 6月15日 - 7月12日