SandyLai083的个人专页

高質之選《WM Café & Bar》餐廳裝修有格調📸，打卡一流，環境光猛又舒服，啱晒情侶拍拖、閨蜜聚會，甚至一家人一齊嚟 chill 都好適合😌。食物方面選擇都幾多，而且質素有保證，性價比相當高。海虎蝦・香煎帶子・香煎穀飼牛柳 (5成熟)：主菜拼盤有誠意😋，海虎蝦大隻新鮮，煎到外脆內彈牙，蝦味鮮；帶子煎到微焦，但唔過火，入口嫩滑，鮮甜味出眾🦐。牛柳五成熟，切開仲見到粉嫩色，肉質嫩滑又juicy，唔韌唔鞋，配埋特調醬汁，食到停唔到口🥩。特別一提主菜可以升級做套餐，有得加是日餐湯、餐前沙律。另外，小食可二選一，可以揀雞翼兩隻或者吉列炸蠔兩件👍🏻。蟹膏海鮮墨魚意大利粉：意粉有驚喜🖤，蟹膏香濃，撈晒喺墨魚汁入面，整體味道好立體，帶少少咸香。海鮮配料足料，有蝦有蜆有魷魚，口感豐富，意粉煮得啱啱好，有咬口唔會淋，啖啖都食得出有誠意🤤。蒜香牛油香炸單骨雞翼：小食邪惡到極點😈。雞翼炸得金黃香脆，牛油味滲入雞肉入面，再加埋蒜香，未上台已聞到香味😍，一啖咬落去仲有肉汁爆出嚟，唔會乾柴，超正😄。熱抹茶牛奶：抹茶控必定試，抹茶味濃郁，但唔會好苦，入口香滑，比例調得啱啱好。飲完之後成個人都暖晒，啱晒就黎冬天，飲返杯慢慢嘆☕️。芒果百香果青檸特飲：芒果味香甜，百香果酸酸甜甜，再加埋青檸清新，真係即刻醒神。飲落去酸甜平衡，解渴又解膩，打卡影相更加係正正📸。總結：餐廳無論環境定食物都好有水準，餐廳裝潢時尚打卡一流📸，食物選擇多，價錢合理，而且套餐配搭彈性大，啱晒唔同口味人士😋。…查看更多

有質燒肉之《Yakiniku Kakura》Yakiniku Kakura絕對係和牛驚喜之選，餐廳空間寬敞，環境乾淨舒服，座位設計令人坐得chill，不論朋友聚會還是二人慶祝，呢度嘅氛圍都恰到好處。前菜：野菜沙律清爽醒胃，個沙律應該係自已調制，有少少粟米味；前菜盛合包括泡菜、芽菜、菠菜、青瓜同蘿蔔，款式多樣，醃製得宜，為接下嚟嘅肉食盛宴做好準備。二人和牛套餐：▪️鰻魚 - 店員上台前，教導先燒皮2-3分鐘，再燒肉4-5分鐘，之後掃上鰻魚汁後，入口皮脆肉嫩，油脂溢出。▪️鹽味上牛舌 - 簡單同鹽調味已帶出濃郁牛味，口感爽口彈牙。▪️黑毛豚脛肉 - 油花分布均勻，肥瘦適中，入口嫩滑。▪️若鶢雞脛柳 - 配少許檸檬汁提鮮，肉質爽滑，調味恰到好處。▪️黑毛和牛精選 - 牛脂醇厚濃郁，配燒肉醬汁層次分明好▪️封門柳 - 肉質彈性十足，入口牛味濃。▪️大判燒(黑毛和牛西冷) - 有驚喜，必試，雪花均勻，入口即化，蘸上蛋黃汁後味道係絕配，每一啖都係味覺享受。甜品：杏仁味既布甸，口感十分細滑，雲呢拿味雪米糍夠哂凍，為豐盛和牛餐畫上完美句號。總結：餐廳員工態度親切友善，會主動幫忙燒製大判燒，服務質素十分好。無論食材質素、用餐環境同服務都值得一讚，價錢合理，係銅鑼灣區內高質燒肉之選。…查看更多

隱世食府「家嫂」隱世工廠區既柴灣家嫂，一反舊式工業大廈裝修，餐廳空間開揚，桌距寬鬆，無左鬧市食肆既壓迫感。簡約裝修搭配暖黃燈光令人有舒適感，同過往既「工廠飯堂」感覺不一樣。店家提供任食火鍋及單點套餐兩種選擇，隨餐附贈每日例湯及無限靚仔白飯。例湯絕非敷衍之作，老火冬瓜薏米煲豬骨不是味精湯，火候十足，套餐抵食及有飽足感。魚生海膽飯食：$68蚊有魚生海膽飯食，真係一個字抵。醋飯基底鋪滿三文魚、希靈魚、八爪魚刺身，頂部海膽，色質靚，絕無腥苦味，份量還不少，令人驚喜。隨餐送醃蘿蔔與蜜瓜粒，可以解膩。乾炒海鮮手打烏冬：鑊氣十足既日式烏冬，烏冬口感十足。蝦仁、帶子、魚柳等等海鮮份量大方，味道有層次。家嫂陳醋小籠包(招牌必點)：每隻小籠包頂都插住迷你陳醋針筒，食客可自行注射醋汁。皮薄餡靚，湯汁多不在話下，最正係陳醋經注射後，味道同豬肉餡好夾，比傳統薑絲蘸醋既食法更顯特別。松露蝦多士 (精緻小食)：一口尺寸容易入口，多士炸得金黃酥脆，但不油膩，蝦膠彈牙，重點係勁多松露醬，每口都有濃郁菌香。建議上台即食。蜜汁雞翼：看似普通的家常菜，但有驚喜。雞翼外皮烤至蜜糖色，咬開肉汁溢出，秘製醬汁甜甜地，尾帶少少檸檬香。總結街坊價錢，高質既物品，而且家嫂堅持大份量與創意並重，十分難得。特別欣賞將傳統菜式注入玩味元素(陳醋針筒)，每道菜都顯出出廚師團隊用心。午市人均消費不過百元，絕對係抵食。…查看更多

高質之選《OX Steak Lounge》難得搵到一間有格調又高質西式菜餐廳，真係要推介俾大家😎 。食物有驚喜，環境仲舒服到不得了，無論情侶拍拖、或者一家大細嚟chill吓都一流😆。自家製生牛肉他他：呢個牛肉他他真係要畀個Like👍🏻，牛肉切得細緻，口感幼滑，完全唔腥，調味岡好，食落微微酸香，及少少鹹香味，十分開胃。配埋脆多士一齊食，真係正到無朋友🤤。三文魚沙律配蜜糖芥茉醬：三文魚新鮮肥美，配埋蜜糖芥茉醬，酸酸甜甜中又帶微辣，沙律菜夠新鮮，食完唔會滯，反而想再食多啲添😋。牛肝菌野菌忌廉湯：一入口已感受到濃濃牛肝菌香味🌰，忌廉香滑細膩，仲有啲野菌粒粒增添口感，近排開始轉冷，呢d天氣飲返碗，真係暖到入心❤️。自家製牛骨髓牛油包：牛骨髓煎得啱啱好，香濃又滑溜，搽喺自家製牛油包上面，十分邪惡，加上外脆內軟既口感，絕對係一大驚喜🫶🏻。黑松露鵝肝威靈頓牛柳(7成熟)：呢個成晚嘅主角✨，牛柳做到7成熟，切開仲見到粉紅色，juicy又唔韌，外層酥皮焗到金黃酥脆，包住鵝肝同擁有濃厚既黑松露味，香味一層層出嚟😍。每一啖都係享受，五星級水準🌟。西京燒比目魚：比目魚煎得外脆內嫩，魚肉鮮甜，配埋西京味噌醬，鹹香中帶微甜，有日式風味，成個或感覺太heavy，食完仍然口齒留香😌。特濃開心果麻糬杯：甜品控必點💚，開心果味超濃郁，仲有煙煙韌韌嘅麻糬粒粒，層次豐富，食起上嚟好滿足😋。擺盤又靚，打卡一流📸！總結：OX Steak Lounge令我大開眼界，餐廳裝修有格調，環境靚到可以影相打卡打唔停📷，食物質素高，擺盤精緻，味道又唔輸比高級餐廳。無論你係想同另一半嚟浪漫一下，定係一家大細週末嚟個輕鬆晚餐，都一樣啱晒💑👨‍👩‍👧‍👦。…查看更多

老字號真係真材實料，店內充滿傳承既故事同人情味，門口祝賀花已經感受到街坊既支持。老闆延續父親係觀塘既老招牌，不僅僅係延續生意，更加係一份對傳統風味既堅持。招牌雙拼 (虎蝦雲吞 ＋ 新鮮騸牯牛肉) / 可選擇配粉麵或撈麵湯底金黃清澈，陣陣既濃郁大地魚香，入口鮮甜而不帶味精鹹，飲得出係真材實料熬製，食材原汁原味。虎蝦雲吞每粒都似元寶咁大粒飽滿，咬開見到有整整三隻虎蝦，蝦肉爽脆鮮甜，口感爽，真材實料無欺場。騸牯牛肉薄切，師傅功夫精準，肉質呈粉嫩色澤，肉質柔嫩不韌；牛味濃郁，入口淡淡油脂甘香，與清湯、蔥花交融味道有層次。炸鯪魚球即叫即炸，外皮金黃酥脆，魚肉脹卜卜，口感彈牙緊實，魚鮮味十足；蜆芥醬有驚喜：蜆肉大粒鮮明，鹹香惹味。…查看更多

港式地道日本居酒屋之《朝asa》想搵間環境靚、嘢食又好味嘅日本居酒屋？太子大南街嘅《朝asa》就啱晒你啦😍！裝修優美舒服，座位都幾闊落，好適合同朋友仔或者情侶嚟Chill吓。 今次試咗佢哋嘅刺身同串燒，真係唔錯😋。背景音樂都係廣東歌，夠晒地道，好有Feel呀。海膽帆立貝海苔包：呢個海膽帆立貝海苔包，賣相一流，海膽鮮甜，帆立貝都好新鮮，包埋喺香脆嘅海苔入面，口感豐富，係餐廳極推介嘅一款菜式😇。原條池魚刺身：池魚刺身真係超新鮮！魚味濃郁，入口即溶，好正🤤。油甘魚刺身 ＆ 帶子刺身：油甘魚都好新鮮，油脂分佈均勻，入口即化，味道鮮甜😙；帶子刺身，夠晒彈牙，鮮甜味十足，口感一流👍。燒大啡菇：呢個燒大啡菇，燒得啱啱好，菇味香濃，juicy多汁，唔錯😋。醬油煮蠔：醬油煮蠔，味道鮮甜，醬汁都好濃郁👍🏻。串燒雞軟骨：串燒雞軟骨，香脆可口😎。串燒豬頸肉：串燒豬頸肉，燒到外脆內嫩，肉汁豐富，唔會乾，正😆。串燒豚腩串：豚腩串，燒得香噴噴，肥瘦適中，入口即化，好食到停唔到口😆。鹽燒牛面肉：鹽燒牛面肉，肉味濃郁，口感嫩滑，燒得啱啱好😊。串燒白鰻串：串燒白鰻串，鰻魚燒得香口，配埋啲醬汁，好惹味😊。明太子燒飯糰：明太子燒飯糰，外脆內軟，明太子嘅鹹香，配埋飯糰，一流💪🏻。白桃果汁 ＆ 日本果酒：白桃果汁，清清甜甜，解渴一流；日本果酒嘅酒味香醇，有多份唔同嘅味道揀架😙。總結：《朝asa》嘅刺身非常新鮮甜美，串燒類食物燒得剛剛好，環境又優美舒服，真係好正！而且佢哋喺太子站出口一出，行三分鐘就到，非常方便。餐廳好地道港式化🙈，背景音樂都係廣東歌，好有Feel🤭。…查看更多

〔烤魚〕之烏蠅館烤魚必選，呢間真係好正🐟，間舖夠大夠舒服，裝修新潮，無論同屋企人嚟👨‍👩‍👧‍👦，定同friendgathering👭都坐得舒服，氣氛好輕鬆😌。我哋今次試咗自選烤魚套餐，套餐包火鍋料及小食(可自選)，真心好滿足！角係「蒜香清江魚」魚肉新鮮，肉質嫩滑彈牙，個蒜香湯底真係冇得輸，勁多蒜同蔥🌿，越滾越香，重口味朋友必食，無論係涮肉定係烚菜夾到爆💥。另外仲加咗幾款料：套餐自選小食「四川傳統酥肉（孜然味）」：脆得嚟唔油，孜然味好出，佐酒一流；「牛板腱」：超嫩滑🥩，淥幾秒就食得，索晒蒜香湯超正；「墨魚滑」：彈牙又鮮味；「黑豚肉」：肉質軟熟，油香滿滿；「特級香菇貢丸」：彈牙，菇味香；「唐生菜」：清甜解膩，平衡返個濃味。成餐飯食材新鮮、湯底夠味、環境位置舒服，鍾意烤魚同打邊爐嘅真係要試！絕對會再encore🌟！重點係2個人食，埋單都係$600幾咋，抵食！仲有而家做緊優惠，只要留個好評就送甜品一份。…查看更多

【串燒好去處】之芝加哥串燒酒場收工想同朋友chill下，搵個地方飲杯啤酒、食下串燒傾計，蘭桂坊「芝加哥串燒酒場」絕對係個唔錯既選擇！地點就腳，氣氛好，最重要係串燒款式多又經濟實實惠，而且唔同日子有唔同啤酒買一送一優惠，真心抵！🍺 必搶啤酒優惠 (記得mark低日子，每日都唔同)🍢 串燒試咗好多款，以下呢啲真心值得試：人氣海鮮組合：一次過試晒4款口味！包括手打鮮滑、無骨白鱔串、芝士魚糕同魚肉蛋賣，每樣好好食。芝士和牛串：和牛油脂豐腴，配上半溶既芝士，好邪惡，但滿足。牛油帆立貝：大大粒，燒得啱啱好，牛油香突出。雞皮餃子：創意之選，用香脆雞皮代替餃子皮，口感一流。風味羊肉串 & 羊西冷：羊肉控必點，羶香惹味，肉質軟淋。珍寶生蠔串：蠔肉飽滿，燒至半熟狀態，非常juicy。燒汁牛頸脊 & 鹽燒牛舌心：牛味濃郁，質感軟嫩。肥腸串 & 炭燒豬頸肉：燒得香口，送酒一流。總括，呢度串燒選擇多，價錢合理，環境適合同朋友暢聚吹水、飲酒。…查看更多

VIP房之《瀛鍋》今日幸會造訪九龍城瀛鍋，餐廳以新鮮刺身同鍋物聞名，用餐體驗十分印象深刻，職員服務良好，餐廳有多間VIP房，人頭消費$400/位，而且歡迎帶同毛孩及小孩，餐廳有一個少少area可以比小朋友玩樂，令大人可以安靜一會進食，另外食物絕對高質，特別係刺身拼盤同鮮味卜卜蜆底鍋。餐廳為十週年慶祝，送左鮑魚刺身，鮮甜可口，仲好大隻，口感滑嫩，每款刺身都十分鮮甜，鮮味令人忍唔住一口接一口。另外餐前小食炸蝦餅亦值得一讚，外皮酥脆，內裡的蝦肉餡，鮮香四溢，佐酒非常不錯。餐廳自製既餃子都係亮點之一，每一款都係親自包製，口味多樣化，四款口味亦各有特色，餡料新鮮，皮薄肉多。總括，瀛鍋既刺身、同自製餃子讓我留下深刻印象，絕對值得再訪。…查看更多

抵食任食之《牛站(駅)麻辣火鍋放題》抵食既放題真係可以一食再食，而且有乳鴿任食，中意飲啤酒既朋友可以啤酒放題，而且有Asahi飲，美國極黑和牛片放題，多款牛肉同食物隨而選擇，湯底有多款選擇，揀左焉鴦鍋(清甜椰子雞鍋、 蕃茄豬骨鍋)，椰子雞湯好清甜，蕃茄豬骨鍋夠濃郁，$3xx 放題套餐，有美國極黑和牛(2款)、手切封門柳、美國安格斯牛版腱、美國牛肩胛片等等，其他肉類有梅肉片、豬柳片、澳洲羊肉片等，海鮮類有沙白、大頭蝦、水魷魚、日本帆立貝、青口、手打墨魚滑等，沙白非常好食，order左3次，仲有我中意食既田雞，自助區好多食物選擇，有麻辣小龍蝦、魚皮、小青瓜、螺肉、滷肉飯、前菜多款等等，火鍋區多款有丸類、蔬菜，茹類、響鈴、炸魚皮等等，任飲區有珍珠奶茶同台灣飲品，冷泡茶、汽水，仲有啤酒、梅源、清酒可以任飲，總之一定有款岩你食岩你飲，甜品區有Häagen-Dazs同movenpick任食，甜區櫃有Tiramisu、椰子芒果布甸、3.6牛乳布甸、朱古力蛋糕等等，總括，呢個價錢絕對抵食，而且會食到好飽，晚上好多人，要食既朋友記得book位先。…查看更多

晝夜星月之《昼月居酒屋》銅鑼灣鬧市中，「昼」讀音晝，宛如月光秘境。牆上點綴的月亮同天花打燈裝飾與店名遙相呼應，淺黃燈光及原木桌裝修，為現代感十足的日式空間添了詩意。入座後店員介紹$88三小時清酒放題，20餘款清酒列陣以待，由甘甜如月既「大吟釀」到辛烈如劍既「純米酒」， 一應俱全。刺身拼盤：率先登場，擺盤靚，三文魚腩脂香味重，油甘魚色澤虹光，赤蝦鮮甜，最驚喜係池魚與左口魚雙重奏，前者清甜，後者油脂香重，配上現磨山葵的微辛，配搭合宜。雞皮餃子邪惡既代表，將雞皮炸作金黃脆殼，內裹肉汁奔流的雞肉餡，充滿罪惡感同滿足感；蒲燒鰻：醬汁恰到好處，魚皮焦香；黑豚肉腸：咬爆時，口裡散出淡淡蒜香，佐酒正是絕配；免治雞棒：摻入軟骨增添口感，蘸透蛋黃汁更顯豐潤雞中翼；燒厚燒豆腐：外層香韌，入口滑，內裡如豆花般細嫩；牛柳串：火候精準，肉芯泛著櫻粉色，簡單海鹽調味已足；天扶良炸蝦卷脆軟交疊；而蔥拖羅蓉手卷將鮪魚腩濃郁而清淺餘韻。總結各款燒物表現亮眼，舉杯邀月，88元消酒放題不只是清酒自由，更是與朋友舉杯暢談的一夜 。…查看更多

浪漫歐陸小館之【The Grill Room】隱身於The Humphreys既The Grill Room，以低調奢華裝潢營造舒適氛圍，昏黃燈光十分浪漫，襯托係深木色調，半開放式廚房不時聞到陣陣炭烤香氣，店員有禮及細心介紹菜單，餐廳環境好適合情侶談心，或與好友把酒暢談整晚。我地選擇左✦ 2人套餐 ✦。頭盤：「三文魚慕絲捲」如絲般滑順，入口魚鮮香與淡淡既奶油重溶在口中，鮭魚提鮮；而「黑松露脆薯」十分邪惡美味，巴馬臣芝士與松露香交隻，味覺享受，脆薯佐酒一流。主菜：「香煎黑鱈魚」火候精準，魚皮金黃酥脆，而肉質柔嫩，香檳忌廉汁輕盈不膩，襯托雪魚鮮甜；「紅酒燴牛面肉配薯蓉」真係慢工出細貨，牛面肉膠質豐腴，用叉輕輕劃開，濃郁既肉香吸引食慾，薯蓉香幼，雖然份量不多，但飽足感十足。總括：以人均計$400位，不算貴，高質食材同味道都有保證，加上貼心服務與餐廳環境，絕對係難得既選擇。…查看更多

戲劇川魯饗宴之【星·South Beauty】米芝蓮餐廳《魯上魯》與川菜名門《俏江南》攜手，餐廳以戲曲文化為主題。餐廳【星·South Beauty】裝修元素加人頭飾、戲服、京劇道具點綴。水晶垛子黃牛肉：頭盤既水晶垛子黃牛肉如薄片透光，肉質香嫩，配上少許辣椒粉更添川味。熗拌濰坊鮮蘿卜皮：以青瓜詐欺視覺，入口原來係醃蘿蔔，新清爽脆，味道少酸。松茸清湯雞豆花：豆花入口綿密，松茸香氣撲鼻，鮮而不濁，味道入口細緻。魚子醬烤鴨配煎餅：廚師係客人面前切開烤鴨，同時可欣賞廚師刀工，五豆薄皮而香，鴨皮同魚子醬一同入口，絕對係視覺同味覺享受。青花椒毛血旺：落單時同店員講花椒不用太多，因食唔到辣。入口麻香特別重，配料肥牛、毛肚、大腸等配菜吸滿湯汁精華，薯粉滑溜，味道辣而不燥，食後暖身。海捕大蝦燒：白菜超入味，味道溶入左大蝦鮮味，蝦鮮同白菜清甜互相輝映。慕斯大油條：手臂般粗既油條，蘸上腐乳慕斯既小磚塊(有2種味)，腐乳既鹹香或鳳梨慕斯既果酸，2者味道有濃列精比，十分有趣。拇指生煎包如丑角靈動，一啖一顆的脆嫩惹人莞爾。終曲阿膠絲滑酸奶更將補品變甜點，阿膠的醇厚與酸奶的輕盈，竟如旦角與小生合唱，餘韻悠長。總結：菜色如戲碼般考究，川魯風味係餐廳文化氣息下十分夾，細節處見功力(如：豆皮印花、慕斯醬巧思)，價錢高尚絕對可再訪。…查看更多

懷舊風之《紅椒力量》估唔到喺紅磡，一間充滿港式懷舊風格嘅茶餐廳，都可以食到咁正宗嘅星馬泰菜式😋！紅椒力量真係夠晒特別，裝修都充滿懷舊氣息。炸絲網春捲：炸絲網春捲真係好特別，外皮炸到金黃香脆，入面餡料好豐富，有菜有肉，蘸埋啲酸甜醬汁，卜卜脆，口感一流👍🏻。印尼炒飯：炒得粒粒分明，配料好多，有蝦仁、雞肉、蔬菜等，味道香濃惹味，份量勁足，兩個人食，每人可以分到三碗多啲🤣，食到飽哂🤤。豬頸肉撈檬：豬頸肉煎得香噴噴，肥瘦適中，口感爽脆，撈埋啲檬粉同埋酸甜汁，好清新😎。椰青：飲番個椰青，清清甜甜，解渴一流🤩。椰汁冰：椰汁味香濃，消暑一流，絕對係夏天嘅最佳伴侶😇。總結：餐廳為港式茶餐廳嘅格局，可以食到星馬泰菜，真係特別既，而且味道都唔錯，價錢合理。另外，餐廳位置方便，喺黃埔地鐵站行5分鐘就到，下次一定會再嚟試吓其他菜式😋。《紅椒力量 》必嘉街紅磡灣中心12號地舖…查看更多

米芝蓮級漢堡之「Burger Joys」推開Burger Joys的玻璃門，紅黑主調既空間瞬間營造出美式餐吧的活力氛圍。牆上掛滿的漢堡特寫照，其中有多位名人食客的滿足表情，讓人未點餐已食指大動。半開放式廚房傳來煎肉餅既聲味，混合著烘烤麵包的香氣，係味覺享受。肉雞漢堡：作為入選全球50大漢堡，麵包採用法國米芝蓮認證既麵包🍔，表皮微脆內裡蓬鬆，帶有微甜奶油香，豐盛餡料而不塌軟。雞腿肉厚切能鎖住肉汁的同時，更加有口感層次，秘製香料醃漬十分惹味，同左自製蒜味蛋黃醬與微焦的洋蔥絲交融，尾調有一絲檸檬酸香解膩。  黑松露薯條：粗薯條炸至金黃，薯條上撒滿黑松露醬，上桌時松露油香氣撲鼻。特別欣賞店家附上金屬小叉，方便優雅地挖起沾滿醬汁的薯條🍟。蒜香雞翼：驚喜之作。雞翼🍗外皮如玻璃糖漿般晶亮，咬落口有脆卜卜既聲音，蜜糖蒜香醬甜中帶微辣，肉質嫩滑。凱撒沙律：誠意十足，份量多。羅馬生菜冰脆新鮮🥗，麵包粒烘烤後脆口，帕瑪森芝士現刨成薄片。輕炙過既煙肉碎，油脂香氣令沙律更有層次。總結，從麵包到醬料，都能夠感受餐廳同廚師既堅持。…查看更多