Mata Japanese Cuisine

营业中

休息中

今日放工同fd黎食野，行到長沙灣廣場3樓見到間日式餐廳，位置幾寬落，就揀左食呢間，張椅幾舒服，員工倒左啲玫瑰花茶俾我地，幾香幾好飲，仲有啲小前菜，個玻璃碟好精美，有啲蘿蔔同海帶。good service 🫶🏻先黎叫個酒，呢個藍色嘅vodka, 呢款飲落有荔枝味，易入口，重點係個樽同杯好靚！跟住黎左烤牛蒡，炸到片片都好脆，有啲椒鹽撒係上面。之後係南蠻雞，上面伴有蛋黃沙律，都幾好食。This is the signature dish ! Love it so much 🫶🏻再叫兩串串物，第一串串物個碗都好靚，好有特色，下面有雞蛋，店員話食嘅時候要攪拌佢黎食。第二串就食雞屁屁，面撒左啲調味，唔知係味椒鹽呢。食完再叫左個醬油燒年糕，燒得幾好食，上面紫菜脆，個年糕皮脆入面軟，口感都好好，又唔會太咸。叫埋個甜品杏仁餅，飽曬。員工服務態度非常好，環境唔錯，重點推介叫個酒打卡。唔飲得酒嘅人都飲得，個酒精濃度唔高，可以邊飲邊叫野食。