帝樂德國餐廳 (Fashion Walk) (已結業)

前幾日見到銅鑼灣嘅King Ludwig 呢間老牌嘅德國餐廳做緊週末早午餐weekend brunch， 價錢又唔貴，人均都係二百幾三百蚊， 決定同朋友過黎試下！佢哋嘅早午餐套餐唔單止可以揀一道主菜，仲包有任食嘅自助沙律bar、ham、青口，蝦，車打湯、麵包、兩款唔同嘅香腸、德國蛋餅同其他熱食， 青口同蝦都十分之新鮮。 德國香腸任食又係一個賣點，出面嗌過香腸拼盤都幾百蚊， 真係幾抵食。我地揀咗德國豬手做主菜，份量超多，係兩人portion。豬手外皮超脆，內裡肉質嫩滑， 配菜有超夾嘅酸菜同埋炸到香脆嘅薯角。除咗主菜另外仲有各種水果同埋豐富嘅甜品。每樣嘢都okay， 最好食係嗰個酥皮pie同麵包布甸。呢度嘅早午餐性價比好高。食物質素都有一定水準， 真心推介大家過嚟試下！