GREEN

同兩個好姊妹提早咗兩個星期預約 weekday (星期二) 既 Godiva afternoon tea，當日準時 3 點到達，心諗 Godiva 門市買一杯 dark chocolate ice-cream 都 $55，今日個 tea 係任食喎，點都要食返 3、5、7 杯啦 😂 結果食完個 tea set 本身有既野之後，死撐頂硬上先食得果 1 杯咋 🤪 原因係整個 set 都甜點偏多，當中又已經包咗一杯限量版雪糕，真係食唔到更多... 洩晒！😝鹹點當中最有印象嘅係鵝肝，鵝肝形成一個圓球，面層包左一層朱古力... 雖然話好有印象，但其實味道就一般啦，其他鹹點都係一般。雖然個 tea set 未算有好多驚喜，主要都係為咗 Godiva 而一試。環境方面一流，坐位闊落、空間寬敞，同姊妹吹水講八婆野啱晒啦(唔怕隔離聽到)！🤣