影片
更多
2021-11-26
2986 浏览
今次輪到港島香格里拉staycation啦之前硬係覺得香格里拉好舊話晒都幾十年歷史😅喺kkday見到香格里拉嘅 staycation offer包dinner&breakfast buffet 仲有海景房$$4140又好似唔錯喎,一於試吓先因為想搵有dinner buffet嘅staycation 但其實好多都唔包或者果間酒店出名buffet唔好食😅因為生日月入住打去問佢有啲咩安排佢答我係神秘驚喜😂check-in之後一路都諗緊係咩神秘驚喜呢🤔一打開房門見到有三個氣球癡喺窗上面我真係幾驚喜喎😂Btw,其實佢仲送咗一支紅酒同埋一個大約半磅嘅生日蛋糕嘅，都幾好啦😌check-in之後一路有個工作人員跟我哋上房一路行一路介紹酒店，特別要講吓嘅係由41樓至56樓有幅勁高嘅壁畫，聽工作人員講話幅畫入咗世界紀錄大全🤭搭酒店中間嗰架透明電梯就可以睇晒成幅畫好壯觀入到房之後佢仲好仔細咁介紹酒店房入面嘅設施，話間房係新裝修嘅，好多設備都係比較新，例如有個水喉撳個掣直接可以出凍水同熱水，唔使再一支支礦泉水咁飲，工作人員全程好Nice好親切，又係咁話幫我哋影相，呢個服務都唔錯嘅👍🏻夜晚個dinner buf
之前硬係覺得香格里拉好舊
話晒都幾十年歷史😅
喺kkday見到香格里拉嘅 staycation offer包dinner&breakfast buffet 仲有海景房$$4140又好似唔錯喎,一於試吓先
因為想搵有dinner buffet嘅staycation 但其實好多都唔包或者果間酒店出名buffet唔好食😅
因為生日月入住打去問佢有啲咩安排佢答我係神秘驚喜😂
check-in之後一路都諗緊係咩神秘驚喜呢🤔
一打開房門見到有三個氣球癡喺窗上面
我真係幾驚喜喎😂
Btw,其實佢仲送咗一支紅酒同埋一個大約半磅嘅生日蛋糕嘅，都幾好啦😌
check-in之後一路有個工作人員跟我哋上房
一路行一路介紹酒店，特別要講吓嘅係由41樓至56樓有幅勁高嘅壁畫，聽工作人員講話幅畫入咗世界紀錄大全🤭搭酒店中間嗰架透明電梯就可以睇晒成幅畫好壯觀
入到房之後佢仲好仔細咁介紹酒店房入面嘅設施，話間房係新裝修嘅，好多設備都係比較新，例如有個水喉撳個掣直接可以出凍水同熱水，唔使再一支支礦泉水咁飲，工作人員全程好Nice好親切，又係咁話幫我哋影相，呢個服務都唔錯嘅👍🏻
夜晚個dinner buffet 喺KKday訂嗰陣已經要揀定時間,去到直接俾返房號佢就可以入去食嘢㗎喇
嘢食選擇都多嘅，都係一貫食buffet食嘅野唔係太特別，冷盤差少少囉，選擇少而且唔係好好食，值得一讚嘅係甜品選擇好多，平時我每款可以食一件，但係今次真係做唔到每款食一件啊🙈
佢個早餐buffet都唔錯，食材新鮮選擇都幾多，服務員嘅笑容同態度都好好👍🏻
成件事唯一美中不足嘅係間房唔係對正成個海，要靠近個窗望出去先會見到海景囉
张贴
