十下火鍋

好耐無打邊爐啦！ 之前見到有間懷舊邊爐好得意， 今次終於同爸爸去試下！  餐廳喺燈籠街好易搵， 連個門口位都已經好懷舊， 好似番左八十年代屋邨咁呀～～ 一早訂左位七點，但六點九已經到左，上到去已經有幾台客食緊。 餐廳雖然有D簡陋，但都幾花心思，好有番左「屋企」既感覺  食物方面有套餐有散叫， 因為唔想諗所以就揀左呢個二人餐 XD 睇落去都幾多野食呀 飲品方面都有汽水、涼茶、酒等等 點好左野食，店員左送上一盤配料，可以「混醬」啦～ 飲品點左酸梅湯 湯底揀左火瞳花膠魚肚雞湯，感覺好滋補！D湯奶白色，有好多花膠魚肚，中間仲有大大隻雞脾！ 店員話可以試左D湯先再打邊爐，好濃～ 然後再將大大隻雞脾斬件，D雞肉都好嫩滑，好食喎！ 湯料一D都唔馬虎，真係有大大件花膠喎。。。正！ 火鍋配料有蒜味香腸同醬爆貢丸，呢種腸仔係台灣果種香腸，甜甜地幾好味～貢丸真係會醬爆，食果時要小心熱！ 呢個蟹肉蟹粉餃好味！入面真係啖啖蟹肉，唔係蟹柳！可惜得兩隻啦～ 呢個三寶滑，一個係牛肉加馬蹄、一個係蝦肉加蛋黃、一個係魚肉加臘腸～同平時既「滑」唔同，都幾特別！ 響鈴 呢個係炸魚骨，味道似平時食開既炸魚皮，但就大件D同硬D，