更多
2022-12-13
319 浏览
最近身邊好多人都陸陸續續去左唔同地方旅行,雖然我同朋友未去到,但就係香港揀左呢間法國菜餐廳試下,就當去左一轉法國啦!TISAROM - Smoothing花草茶 - 舒緩$45(⭐⭐⭐⭐💢)由菩提樹、接骨木莓、罌粟花、薄荷、士多啤梨同蘋果乾沖調而成~味道重薄荷味同微微嘅果香莓香,口味清新,加少少糖漿甜甜地,正好舒緩一日嘅工作壓力。TISAROM – Anti-stress 花草茶 – 抗壓$45(⭐⭐⭐⭐💢)有香茅、薰衣草、玫瑰花瓣同蘋果乾~無諗過香茅嘅鮮草味同濃濃花香仲有清甜嘅蘋果味係咁夾,飲緊嘅時候令我有放鬆心情嘅感覺!而薰衣草嘅香氣令我有如置身法國南部一樣~花草茶碟邊仲有一塊Lotus 焦糖餅乾,花草茶嘅清甜正好中和咗塊餅嘅甜味。French Polmard Steak Tartare法國生牛肉他他$145(⭐⭐⭐⭐⭐)未食過生牛肉他他既我地見到呢碟頭盤都覺得好特別,牛肉望落十分粉嫩新鮮,而且廚師選材同處理上都一定落左唔少功夫,所以牛肉完全唔覺得乾,反而濕潤柔軟。原本以為生牛肉都會有少少血味或者肉腥味,但食落口完全無呢d味道,而係有一陣淡淡咸香、配合香草醃料同麫包,十分開胃!Cr
由菩提樹、接骨木莓、罌粟花、薄荷、士多啤梨同蘋果乾沖調而成~味道重薄荷味同微微嘅果香莓香,口味清新,加少少糖漿甜甜地,正好舒緩一日嘅工作壓力。
有香茅、薰衣草、玫瑰花瓣同蘋果乾~無諗過香茅嘅鮮草味同濃濃花香仲有清甜嘅蘋果味係咁夾,飲緊嘅時候令我有放鬆心情嘅感覺!而薰衣草嘅香氣令我有如置身法國南部一樣~
French Polmard Steak Tartare法國生牛肉他他$145(⭐⭐⭐⭐⭐)
未食過生牛肉他他既我地見到呢碟頭盤都覺得好特別,牛肉望落十分粉嫩新鮮,而且廚師選材同處理上都一定落左唔少功夫,所以牛肉完全唔覺得乾,反而濕潤柔軟。原本以為生牛肉都會有少少血味或者肉腥味,但食落口完全無呢d味道,而係有一陣淡淡咸香、配合香草醃料同麫包,十分開胃!
雖然而家好多西餐廳都有豬既選擇,但要煮到令人眼前一亮既豬肉就唔容易。呢個餐廳既燒豬腩絕對令筆者同朋友十分驚喜!豬皮燒得十分香脆,而且燒得十分完整均勻,唔會一邊燒焦、另一邊仲有軟糯感。豬肉亦比其他餐廳軟嫩很多,加上豬腩本身既油香,令到成道菜都十分惹味,而旁邊既配菜就中和到豬肉既濃厚感,我地比100分!
上菜嗰時見到成盤咁多海鮮真係好震撼!有半隻龍蝦、盲槽魚、同大量黑青口、大蜆同魷魚,而碟邊仲有麵包,好大碟呀!
所有海鮮都好新鮮—龍蝦肉厚,盲槽魚皮脆內嫩,黑青口大蜆鮮甜、而魷魚彈牙。海鮮底下係馬賽濃湯,配料有蕃茄、洋蔥、西芹、大蒜、香草同埋橄欖油,非常鮮味,麵包點呢個湯真係一流。海鮮、湯同麵包呢個配搭完美!
先講個賣相—係法式嘅優雅!蛋白唧花每個都會排列整齊,廚師仲用火槍燒過,都仲有幾片薄荷葉同紅色果漿為檸檬撻帶來清新感覺,完全滿足咗我中意打卡嘅少女心。而個有檸檬撻淡淡新鮮清新嘅檸檬香味,蛋白霜豐盈好smooth,入口即融!甜度啱啱好,正好為一頓完美法國大餐作結。
Odelice! (The ONE) 尖沙咀彌敦道100號The ONE4樓L407號舖
👍地點方便
👍正宗味道
👍法國體驗
张贴