十下火鍋

長大了就喜歡懷舊，今日嚟到銅鑼灣一間樓上鋪十下火鍋，主打60-70年代懷舊風格，以不同的擺設餐具同燈飾，將餐廳營造當年家庭感覺，不停播住懷舊金曲，首首都耳熟能詳，感覺的確唔錯！餐廳lunch time有車仔麵泡飯等等，都可以打邊爐，除咗我哋都有兩枱食客專程嚟打邊爐！睇餐牌選擇好多，都係嗌個一個二人餐$288/位，可以揀單一或鴛鴦鍋，同十幾樣火鍋食材，張枱都放滿哂，等個湯滾嘅時候，最好影張大合照😁📷揀咗十下麻辣湯底有好多乾辣椒，麻辣味非常香，另外養生豆乳白鍋，除咗紅棗同杞子仲有好多藥材，兩個湯底都放咗鴨血同蜂巢豆腐，索下啲味。二人套餐材料有本地牛肉、果皮魚丸、五花腩片、鳳城水餃、十下三寶滑、三星蔥爆貢丸、流心粟米丸、響鈴、蔬菜拼盤、寬冬粉。特別介紹第一次食嘅鴨血，鹹鹹香香質感有啲似軟熟嘅豆腐。鳳城水餃有3隻小蝦仔，仲有木耳、筍同冬菇口感唔錯。十下三寶滑有牛肉、蝦同鯪魚肉，都好新鮮牛肉味好濃！餐廳服務貼心食材新鮮，環境懷舊溫暖，碗碟都用青花瓷同萬壽無疆圖案，令上碟更有特色，整體都唔錯，lunch time有車仔麵、泡飯等家常料理，下次係銅鑼灣可以再嚟試下☺️十下  星期一至日12:30-16