L'AMOUR

一直好想去試嘅餐廳，見Restaurant Week有參與，即時訂位食lunch，餐廳位於蘭桂芳，復活節入座率只有5成，餐廳氛圍好酒吧，食法國菜好似唔多夾，不過食物質素都ok嘅，呢個價錢絕對超值。Lunch Set $148—————————🥢洋蔥薯仔湯⭐️⭐️⭐️質感細滑，飲到淡淡洋蔥薯仔味道。🥢魚子醬蟹肉火箭菜沙律⭐️⭐️魚子醬欠缺咸香味道，要配上蟹柳肉一齊食先ok。🥢塔斯曼尼亞海膽多士⭐️⭐️海膽味唔算濃郁，味道一般。🥢傳統法式油封鴨髀配焦糖蘋果⭐️⭐️⭐️⭐️第一次食油封鴨髀，肉質juicy外皮香脆，配料精緻又好味，仲有阿sir鍾意嘅肉桂蘋果。🥢法式鵝肝牛柳 +$38⭐️⭐️⭐️⭐️牛柳五成熟剛好，肉味重又夠腍，鵝肝夠香油脂豐富，值得加錢試。🥢原隻海膽雪糕 +$48⭐️⭐️⭐️個膠海膽造型好娘，雪糕味道幾得意，底好似食到豆腐味。二人共消費：$420