火土燒肉

個營地配置幾有feel，三五知己圍埋一齊飲酒一流，戶外感覺幾空曠。全牛特選拼盤（牛肋肉/牛里脊肉/牛舌/牛胸腹/雪花牛小排）佢呢度嘅肉全部都好有質素，我最鍾意牛胸腹肉味好重之餘仲有咬口。另外雪花牛小排個油脂分布都好充足，燒到有網紋勁正。牛肋肉質地口感有啲唔同，食落比較有彈性。塩燒虎蝦虎蝦勁大隻同埋勁新鮮，一燒嘅時候已經有好香嘅燒烤蝦味，食落去肉質勁實，必定要叫。唐揚魷魚個炸漿用得啱啱好，入面個魷魚都好鮮嫩。玉子海苔飯食燒肉一定要配白飯，入面仲勁多紫菜每一啖飯都超級好食。日本椰菜估唔到活動送嘅椰菜都咁出色，加啲柚子醬一齊燒，食落去勁甜。