影片
更多
2010-01-07
33 浏览
6-1-2010(以下又一勁長自助餐食評, 怕悶的話齋睇相好了...)記得細個第一次食 buffet 係九龍 Shangri-la 的 Christmas lunch, 港島呢間反而從未嚟過, 呢日有幸嚟「見識見識」, 多謝晒 C 氏伉儷的邀請!近年來對 buffet 愈來愈一般, 對呢度期望其實亦不大, 食後印象亦一般而已, 叫做穩穩陣陣吧:海鮮冷盤當中食了開邊龍蝦, 三點蟹, 花蟹及翡翠螺... 龍蝦有唔少膏, 肉亦結實, 但兩者都乾乾的, 膏直程硬硬實實的, 食落又無喱味道, 其實無乜吃頭; - 翡翠螺就好 d, 雖然比較 chewy, 但起碼食落都覺鮮甜味; 兩款蟹都有膏而且幾香, 肉較散係意料之內, 不過起碼未至於水汪汪, 食落都算甜, 可以吧. 整體有少少失望, 海鮮還是回憶中的 Harbourside (http://www.openrice.com/restaurant/commentdetail.htm?commentid=1918250) 最好, 都幾懷念的. 日式 counter 試了刺身, tuna tataki, soba 及一不知名 appetizer..
(以下又一勁長自助餐食評, 怕悶的話齋睇相好了...)
記得細個第一次食 buffet 係九龍 Shangri-la 的 Christmas lunch, 港島呢間反而從未嚟過, 呢日有幸嚟「見識見識」, 多謝晒 C 氏伉儷的邀請!
近年來對 buffet 愈來愈一般, 對呢度期望其實亦不大, 食後印象亦一般而已, 叫做穩穩陣陣吧:
海鮮冷盤當中食了開邊龍蝦, 三點蟹, 花蟹及翡翠螺... 龍蝦有唔少膏, 肉亦結實, 但兩者都乾乾的, 膏直程硬硬實實的, 食落又無喱味道, 其實無乜吃頭; - 翡翠螺就好 d, 雖然比較 chewy, 但起碼食落都覺鮮甜味; 兩款蟹都有膏而且幾香, 肉較散係意料之內, 不過起碼未至於水汪汪, 食落都算甜, 可以吧. 整體有少少失望, 海鮮還是回憶中的 Harbourside (http://www.openrice.com/restaurant/commentdetail.htm?commentid=1918250) 最好, 都幾懷念的.
日式 counter 試了刺身, tuna tataki, soba 及一不知名 appetizer... 刺身切得厚厚的, 赤身無乜味 (朋友仲話佢嗰幾塊「唔新鮮」, 拎了 4 塊食剩 3 塊...); 北寄貝腍腍的又帶點黏滑; 鯛魚就爽而無味; 連 wasabi 及豉油都係淡淡的.
喬麥麵有蝦, 玉子及唔知乜嘢豆, 麵汁較甜, 但又幾稀; 喬麥麵腍腍的, 玉子實實的又甜得離奇, 其他就無味道...
仲有小玻璃杯的青瓜 + 飛魚籽 + 蝦 + 白色 mousse 狀疑似忌廉撈埋一堆, 有點爽, 有點酸, 但又有點 creamy / 奶味, 味道怪怪的.
其他菜系的前菜 / 沙律亦一般:
Parma ham 勝在即叫即(機)切, 哥哥仔切得雖然夠薄, 但「一抽二 lung」, 一餅嘢咁遞俾我真係麻麻 食落唔太鹹, 不過唔算好香, 配上水果 counter 拎來的麻麻哋甜哈密瓜, 味道一般.
Caesar salad 自行落了 Parmesan 及 bacon bits, Romaine 尚算新鮮爽脆, dressing 份量味道都 ok, 而croutons 就腍腍濕濕的, 早知唔拎
泰式粉絲蝦沙律就十分開胃, 帶魚露鹹香之餘, 勁酸又勁辣, 食到我噴火 @_@
Sambal okra 就唔係好掂, 仍殘留手指豆的滑潺潺, 食落就一味酸, 唯有放棄.
Smoked salmon 唔多 "smoked" 又切得有點太厚, 自行落的生洋蔥又唔夠味, 感覺可有可無.
試了點中湯, 好似係淮山杞子煲瘦肉, 味道淡淡的, 火喉亦一般, 還是中式酒樓好/
最有特色, 反而係即煮的「川湖香辣龍蝦」... 要求「少一點辣」, end up d 湯係清了, 但龍蝦應該一直用辣湯浸泡, 食落都幾辣, 不過唔多「麻」.
甜品款式唔少, 但左睇右睇, 只食了即做 crepe 配 banana 及 vanilla ice cream
即做原味 souffle, flan pudding 及 chocolate fountain 的士多啤梨... souffle 發得不錯, 熱辣辣的, 面頭有點脆身又有點蛋糕 feel, 中間就一陣風無咗, 但食到底有點鹹牛油的痕跡及味道 , 咦? Crepe 皮有點厚, 但食落都幾鬆軟, 甜甜哋又帶蛋香牛油香, 加埋幾香滑的 vanilla 雪糕, 幾好食, 可惜 d 蕉唔太夠熟啦. Flan pudding 一般滑溜, 食落蛋香輕輕的, 甜度又稍高, 唔太喜歡; chocolate fountain 就好玩多過好食, 朱古力漿濃度麻麻咋喎.
餐後仲有一杯熱咖啡, 聞落好香, 飲落卻又稀又淡, 把鬼
食物典型 buffet 的不過不失, 環境, 衛生及 service 就不錯, 不過呢度係港島 Shangri-la, 唔好就大件事了.
點都好, 多謝 C 氏伉儷請食飯, 希望你哋喜歡盒茶葉吧.
张贴
