十下火鍋

一直聽人講銅記有間打邊爐好懷舊好好feel😌，聞名不如見面，今日終於有機會見識到果然名符其實😋😋～地方好大好開揚，裝修懷舊，十足老香港感覺，好有特色😎～仲會播廣東經典老歌，連杯碟都係70年代風，幾盞鬼的說😺～ ------------------------叫左海蝦鮑魚海鮮窩，細細煲多多料🍲，有一隻大龍蝦、4隻帆立貝、尤魚、兩大隻鮑魚、兩隻翡翠螺同很多蜆💁🏻～ 因爲湯底係茄底，所以加埋龍蝦真係非常鮮味同滋味🍅～貝好大隻，其實食完個鍋底已經有啲飽😂⋯ 呢度除左裝修特別，野食都幾有特色😗！ 隊長B特別中意佢地炸魚骨，好似魚皮咁🐠，炸得超鬆化超脆，雖然食落比魚皮費勁啲，但魚味濃更多亦更香🤤～ 另一樣特別的仲有三寶滑🍡，分別係墨魚滑、牛肉滑同鯪魚滑～墨魚滑 放左咸蛋黃，加埋墨魚肉，味道好突出，打破左傳統無咩味的墨魚滑習慣🦑🐙🐡～ 牛肉滑好爽🐮，加左黑椒同馬蹄，又脆又惹味，仲有辣椒碎粒添🌶！至於鯪魚滑因為加左陳皮同爉腸所以有啲似食緊「老少平安」，都幾得意💫！本來仲有兩粒餃子🌚但唔知點解烚烚吓唔見左啲餡⋯自製的餃子就咁消失了😓😓下次再去食過先😬～ ----------------