唐述

营业中

休息中

近排實在太stress，要同閨蜜好好食返餐獎勵自己，閨蜜左揀右揀，覺得呢間景靚食物靚，所以揀左佢黎試下👭🏻最鐘意食set,唔使選擇困難症😬Fancy既擺盤🍽️慢煮九層塔蟶子皇我唔係特別好九層塔，但呢個都ok 窩，好清新，蟶子爽口，合適既開胃菜🍽️前菜三弄櫻桃蘿蔔/三絲海蜇/風乾醬香鵝翼三樣都好味，蘿蔔無酸味適中無澀味，海蜇清爽，鵝翼夠味拆左絲啖啖肉🍽️金腿雪燕烏雞羹燕窩分量好足下，烏雞平時煲湯飲多，整成羹就未試過，一上菜仲以為係芝麻糊。烏雞味幾濃，個羹好濃稠，口感好似有渣既芝麻糊。🍽️脆皮海參鵝掌鵝掌炆得好唸，一咬就脫骨，醬汁味道好，我平時係酒樓都唔多掂鵝掌，但呢個真係好唔錯👍🏻 黑色個件就係脆皮海參，外脆內煙韌，幾特別。🍽️珍寶珠我睇餐牌就好好奇珍寶珠究竟係咩，原來係雪芭整既珍寶珠。呢個係我其中一樣我最鐘意既菜式，一大亮點。食到中場有呢個甜度適中，清新果香既珍寶珠refresh個味蕾🥰 非常合適同有心思既安排🍽️潮式老菜脯蒸鱈魚魚無腥味蒸得剛好，清淡既魚肉加惹味老菜脯，夾。🍽️胡椒香蔥生煎雞香蔥味十足，雞肉幾嫩口。食到呢道菜已經飽飽地😁🍽️花膠蝦湯稻庭麵個湯頭好濃郁，飲曬個湯底但個麵就飽到已經食唔曬