影片
更多
2024-04-11
65 浏览
🔸樂意🔸🔆又同朋友仔係尖沙咀食飯，今次依間，我同朋友仔都一致覺得CP勁勁勁高，又好食，所以要介紹比大家。🔆我地係星期六around 5:45pm去到，都要排大概半個鐘先有得入去，周圍都係東南亞地區嘅旅客，唔通依間點心係東南亞地區推薦必食嘅(?)🔆茶介正常就$8位，如果跟佢個籠仔飯餐就有一位食客茶介係收$5。普通茶佢都有嘅，特別啲就有玫瑰同菊花茶。我地今次就叫左菊花茶，唔好睇佢咁鬼淡色，菊花味都好香。餐廳因為都真係幾多人等位，所以就有限時食嘅，位置比較逼，但總算坐得舒服嘅。🔆絕配套餐 $68 (另加2款點心 每款加$10)👍籠仔蒜蓉海蝦飯 另加$10一上到枱，好大籠飯呀！仲好香蒜蓉味，一共有3隻都幾大隻嘅海蝦，睇到我地心心眼。籠仔飯食落軟香，滲透住淡淡蝦味，同好勁嘅蒜味。海蝦新鮮爽口，鮮甜，好滿足！👍椰子燉烏雞湯好清甜椰子味，唔係味精味。盅湯好足料架，有啲烏雞，瘦肉，比你一路飲一路食，烏雞仲非常之滑呀！👍鮮竹牛肉球嘩.....真係好大粒，好彈口，食口都係肉嘅感覺真係好爽！👍白灼菜心無咩特別評價，我地就純粹想食條菜😂👍越式米網炸兩腸粉 $33皮夠滑，入層炸兩香脆，唔係個啲腍哂好韌個隻炸兩。
🔆又同朋友仔係尖沙咀食飯，今次依間，我同朋友仔都一致覺得CP勁勁勁高，又好食，所以要介紹比大家。
🔆我地係星期六around 5:45pm去到，都要排大概半個鐘先有得入去，周圍都係東南亞地區嘅旅客，唔通依間點心係東南亞地區推薦必食嘅(?)
🔆茶介正常就$8位，如果跟佢個籠仔飯餐就有一位食客茶介係收$5。普通茶佢都有嘅，特別啲就有玫瑰同菊花茶。我地今次就叫左菊花茶，唔好睇佢咁鬼淡色，菊花味都好香。餐廳因為都真係幾多人等位，所以就有限時食嘅，位置比較逼，但總算坐得舒服嘅。
🔆絕配套餐 $68 (另加2款點心 每款加$10)
👍籠仔蒜蓉海蝦飯 另加$10
一上到枱，好大籠飯呀！仲好香蒜蓉味，一共有3隻都幾大隻嘅海蝦，睇到我地心心眼。籠仔飯食落軟香，滲透住淡淡蝦味，同好勁嘅蒜味。海蝦新鮮爽口，鮮甜，好滿足！
👍椰子燉烏雞湯
好清甜椰子味，唔係味精味。盅湯好足料架，有啲烏雞，瘦肉，比你一路飲一路食，烏雞仲非常之滑呀！
👍鮮竹牛肉球
嘩.....真係好大粒，好彈口，食口都係肉嘅感覺真係好爽！
👍白灼菜心
無咩特別評價，我地就純粹想食條菜😂
👍越式米網炸兩腸粉 $33
皮夠滑，入層炸兩香脆，唔係個啲腍哂好韌個隻炸兩。又軟又脆，雙重口感呀！
👍帶子菜苗餃 $26
好翠綠色嘅皮，煙韌唔削。菜苗又香，仲有大大粒帶子係面，爽滑好味！
👌紅菜頭蘿蔔絲酥餅 $30
個酥做得好好食，好鬆化，但紅菜頭嘅內餡無調味可言，其本上食落口無咩味，食到最後有少少肥膩感。
🔆Overall我地每人先食左60幾蚊，仲要食唔晒要打包，真係好抵食。雖然蘿蔔絲酥餅爭左啲，但其他野都真係好好食，而且又平。唔怪得6點前黎食都要等位啦。我同朋友都真係幾推薦，覺得可以再黎食呀！！
🔆Pleasure指數（滿分5粒🤩）
🐭小姐：🤩🤩🤩🤩+0.5
📌地址：尖沙咀漢口道19-21號漢宜大廈地下C號舖
张贴
