影片
更多
2025-02-22
315 浏览
Music box樓上餐廳越開越多，今晚朋友介紹去咗一間位於銅鑼灣嘅樓上餐廳Musicbox Grill House and Bar呢度有各類套餐和單點美食，我哋選咗一個套餐，加一個單點意粉，還有一款小食。套餐先上凱撒沙律，雖然呢款沙律好多地方都有得食，但係水準就好參差，而呢度嘅出品都幾高質素，首先賣相幾靚，各樣材料新鮮乾爽，沙律汁嘅調較非常好，濃淡適中唔會水汪汪，份量以一人餐計係非常足夠！就算我同朋友一起享用，分出兩碟都好夠食小食係炸秋葵，漿粉剛剛好，秋葵冇乾身好香口好有咬口，好輕微嘅調味，還有微微辣，的確好正！跟住上餐湯，係我鍾意嘅周打蜆湯，仲要係我鍾意嘅濃湯呀，又香又滑蜆肉大大粒又新鮮，加埋片香噴噴嘅蒜蓉包浸湯，好享受呀！跟住上鮑魚海鮮拼盤，又係出色嘅賣相令人食慾大增，選擇咗蒜蓉牛油汁，原來配鮑魚都係好襯，鮑魚煙煙韌韌咬口極佳，仲有鮮蝦，墨魚仔，青口，大蜆等海鮮，望住都覺得好豐富好滿足！再嚟黑松露意大利雲吞，上菜時已聞到陣陣黑松露香味，雲吞的的骰骰，咀嚼時連醬汁入口好黏口好煙韌，正！主菜榖飼阿根廷安格斯肉眼牛扒嚟啦！選擇半熟，真係做得到鎖住肉汁剛剛好，呢度唔係用鐵板上，但反而咁樣
樓上餐廳越開越多，今晚朋友介紹去咗一間位於銅鑼灣嘅樓上餐廳Musicbox Grill House and Bar
呢度有各類套餐和單點美食，我哋選咗一個套餐，加一個單點意粉，還有一款小食。
套餐先上凱撒沙律，雖然呢款沙律好多地方都有得食，但係水準就好參差，而呢度嘅出品都幾高質素，首先賣相幾靚，各樣材料新鮮乾爽，沙律汁嘅調較非常好，濃淡適中唔會水汪汪，份量以一人餐計係非常足夠！就算我同朋友一起享用，分出兩碟都好夠食
小食係炸秋葵，漿粉剛剛好，秋葵冇乾身好香口好有咬口，好輕微嘅調味，還有微微辣，的確好正！跟住上餐湯，係我鍾意嘅周打蜆湯，仲要係我鍾意嘅濃湯呀，又香又滑蜆肉大大粒又新鮮，加埋片香噴噴嘅蒜蓉包浸湯，好享受呀！
跟住上鮑魚海鮮拼盤，又係出色嘅賣相令人食慾大增，選擇咗蒜蓉牛油汁，原來配鮑魚都係好襯，鮑魚煙煙韌韌咬口極佳，仲有鮮蝦，墨魚仔，青口，大蜆等海鮮，望住都覺得好豐富好滿足！再嚟黑松露意大利雲吞，上菜時已聞到陣陣黑松露香味，雲吞的的骰骰，咀嚼時連醬汁入口好黏口好煙韌，正！
主菜榖飼阿根廷安格斯肉眼牛扒嚟啦！選擇半熟，真係做得到鎖住肉汁剛剛好，呢度唔係用鐵板上，但反而咁樣就唔會過熟，點少少蜜糖芥末同埋燒汁係非常美味。單點嘅鵝肝松露意大利粉，又係抵讚，鵝肝煎得甘香，入口即溶，意粉嘅處理亦好出色，有咬口得嚟又掛到汁，冇得彈！
主餐咁美味，甜品亦都好出色，法式焦糖燉蛋，焦糖做得好好，焦脆又香甜，蛋就好幼滑。另外，要讚下佢哋嘅服務，細心有禮貌，而且上菜嘅時間配合得好好，小食，餐湯，主菜，甜品每樣都緊接，成個過程好流暢好用心我會再encore
张贴
