影片
更多
2022-10-03
527 浏览
平時食得多中菜、日本野、西餐，所以想試下新野，見餐廳主打印度同地中海菜，就俾佢吸引左。餐廳位置方便，尖沙嘴地鐵站行過去都係5分鐘嘅路程。一入餐廳就會見到個金光閃閃嘅bar，可以俾食客飲番杯傾下計先食dinner。燈光依得登較暗配合番成間餐廳嘅格調，俾人一個好放鬆嘅感覺。坐低之後，店員好好招呼即刻問候我同朋友然後再簡單介紹食物，等我地都有少少頭緒去揀食咩好Palak Patta Chaat 菠菜葉豆蓉脆餅 配薄荷羅望子酸甜醬及乳酪($98)( ⭐️⭐️⭐️⭐️⭐️)第一道菜我地嗌左印度特色小食Chaat。佢嘅口感香脆，有齊酸辣甜鹹，加上用唔同嘅香料同油炸方法，令成個口感都好豐富，甚至係有啲衝擊我地嘅味蕾。Mediterranean dips platter 地中海四式醬拼盤($118) (⭐️⭐️⭐️⭐️⭐️)第一次食地中海菜，對菜式嘅擺盤同味道都充滿期待，而依款前菜正正試到當地最常用到嘅醬，包括有中東茄子醬、鷹嘴豆醬、紅椒合桃醬、中東芝麻醬同埋塔布蕾菜粒沙律🤤🤤。最令我回味嘅係茄子醬，因為佢將茄子放喺烤爐，佢嘅煙燻味係最開胃最特別。Grape Leaves 🍇🍇葡萄葉捲飯 配乳酪醬($78) (⭐️⭐️⭐️
Palak Patta Chaat 菠菜葉豆蓉脆餅 配薄荷羅望子酸甜醬及乳酪($98)( ⭐️⭐️⭐️⭐️⭐️)第一道菜我地嗌左印度特色小食Chaat。佢嘅口感香脆，有齊酸辣甜鹹，加上用唔同嘅香料同油炸方法，令成個口感都好豐富，甚至係有啲衝擊我地嘅味蕾。
Mediterranean dips platter 地中海四式醬拼盤($118) (⭐️⭐️⭐️⭐️⭐️)第一次食地中海菜，對菜式嘅擺盤同味道都充滿期待，而依款前菜正正試到當地最常用到嘅醬，包括有中東茄子醬、鷹嘴豆醬、紅椒合桃醬、中東芝麻醬同埋塔布蕾菜粒沙律🤤🤤。最令我回味嘅係茄子醬，因為佢將茄子放喺烤爐，佢嘅煙燻味係最開胃最特別。
Grape Leaves 🍇🍇葡萄葉捲飯 配乳酪醬($78) (⭐️⭐️⭐️⭐️💢)堪稱爲土耳其國民美食，依款小食就係用葡萄葉捲住飯，一啖塞幾個入口都得。食落有好香嘅橄欖油同檸檬味，飯入面亦配上洋蔥同埋幾種香料（有薄荷、肉桂等等🌿🌿），葡萄葉有獨有酸甜味道，作為餐前小食，十分開胃。
Tandoori Chicken 🥘🥘 天多里燒連骨雞腿 ($128) (⭐️⭐️⭐️⭐️⭐️)作為印度名菜，當然要試一試佢啦。一上檯我地都wow左一聲，因為非常之惹味，我地問左店員，佢地話用左唔同嘅印度香料，包括有甜椒粉、孜然粉、薑黃等等🌶🌶。食落都好開胃，少少辣，絕對印度人嘅口味！另外，雞肉都幾嫩🍗🍗，肉汁都保持到，如果配埋白飯啤酒就最好喇！
總括而言，今次係一個非常特別嘅體驗🤩🤩，每樣食物都令我同朋友大開眼界，打卡一流。餐廳亦另設一個戶外地方俾一班人食飯傾計，係一個可以放鬆心情嘅好地方。~~~~~~~~~~~~~~~~~
CARAT Fine Indian and Mediterranean Cuisine 尖沙咀寶勒巷6-8A號盈豐商業大廈4樓
👍地點方便
👍地道傳統
👍環境舒適
张贴
