CARAT Fine Indian and Mediterranean Cuisine (盈豐商業大廈)

有人想食印度菜便試下呢間位於尖沙咀的印度餐廳地點尚算方便星期日，7點餐廳都約有五成客比想像中多人和熱鬧餐廳氣氛不錯以英語溝通服務不錯，侍應有禮有笑容亦會主動走來添水和換碟今次我們點了收據所示的食物我未去過印度食印度菜都難以評餐廳出的菜正不正宗只可以話食物有另一番風味感覺唔錯但……個人覺得我們點的2款咖哩，一款羊肉，一款菠菜雞，重咸味欠咖哩香味，未有引起我想用naan一口接一口的蘸咖哩來吃，只可以講用naan配吃可減低一點咖哩咸味，易點入口。Chakori kebab 就令我認識到原來kebab 唔一定以wrap形式或配包類上，圖見便是4舊雞加一小碟醬料上，與我認知的很不同，味道方面可以的，雞肉有肉汁。至於杯wellness frappe，味道ok的，但不是甚麼出眾之作，略厭貴了點點由於seating環境不錯，如想食下印度食物，可以考慮下呢間，但價錢偏貴。…查看更多

不嬲鐘意食東南亞菜。如果要食印度菜，當然首選過嚟尖沙咀區。近排就同2個朋友試咗CARAT Fine Indian and Mediterranean Cuisine。一入呢間樓上印度餐廳，好闊落，有氣氛，當然都好乾淨，仲要有室外區，啱哂三五知己上嚟食好嘢傾吓偈。由於唔係好熟悉印度菜，就問吓侍應推介。雖然我哋係咁問嘢，但侍應態度好好，好有禮貌好耐心解答，仲主動幫我哋影相。好Friendly！最後我哋試咗：👍🏻Afgahani Mushroom 阿富汗瑪莎拉香料芝士釀蘑菇每串蘑菇燒得剛好，唔會太Dry，連埋芝士、馬莎啦，各種豆醬，好有趣又惹味，好食！👍🏻Butter Chicken 印度牛油咖喱雞呢道菜可以話係經典印度菜必食。特別欣賞呢間餐廳份量足夠，雞都好多件，夠哂我哋三人分！醬汁好香又滑，蘸Naan 食，多多都食得落。👍🏻Palak Paneer 菠菜芝士咖喱又係份量十足，好多芝士，菠菜蓉都好嘢味，送Naan一流。👍🏻Sunhari Laccha Naan 皇室烤餅份Naan烤得剛剛好，熱辣辣上菜，而且咁油，真心推薦！CP高又好食，服務好坐得舒服。總而言之，值得再翻轉頭！📍CARAT Fine Indian and Mediterranean Cuisine 尖沙咀寶勒巷6-8A號盈豐商業大廈4樓…查看更多

搵到間不錯既印度餐廳，就係尖沙咀寶勒巷(馬會對面)，相當易搵!一進入餐廳，就聞到淡淡既香料味道，增加了食慾感；店內環境寬敞舒適，牆裝修簡約帶華麗；更有戶外地方，座位充足，適合多人聚會👫👬👭主打北印度菜，適合不吃辣的朋友，提拱不同款式的印度菜餚、香料咖喱、烤餅及印度小食，價錢經濟，真的很值得一試！💥天多里爐烤肉拼盤 - 烤雞、鯖魚及羊肉以乳酪及香料醃製，再放入烤爐焗，即叫叫燒🔥✨烤雞 - 未食之前，我覺得肉質應該很紮實鞋口，食後完全諗錯晒!雞肉十分嫩滑，而且Juicy，完全無雪味而且味道濃郁，很贊✨鯖魚 - 炭烤香氣濃烈，魚皮表面烤得乾脆，魚肉質嫩滑，厚身啖啖肉，以香料醃製，加入薄荷醬有另一種風味羊肉腸 - 帶點點羶味，香料味幾重，羊肉味好濃郁，鐘意食羊既，一定要試💥瑪嘉烈特意大利PIZZA基本既Margherita使用傳統食材羅勒、芝士及蕃茄醬，三款餡料製成，再用炭火爐烤，令餅底及餅邊脆口! 食落充滿麵粉香同埋橄欖油嘅香，咬落軟熟煙韌，餅面布滿濃郁芝士，中間既蕃茄汁又唔會好乾Yummy✨北印度羊肉咖喱唔好睇佢細細碟，內裏羊肉份量十足而且有羊羶香味，肉質鬆軟加上豐富嘅奶油及印度香料，味道香濃，口感豐富，配搭薄餅或者飯，超夾！✨KULCHA芝士烤餅🫓 $32芝士烤餅即叫即製，上桌時仍熱辣辣，入口綿密煙韌，芝士味濃，富蓬鬆空氣感，沾咖喱吃一流！🌟地點方便，位於熱鬧嘅尖沙咀，推介約埋一班朋友嚟飲番杯再食下野，店舖印度菜好適合港人口味，可以再encore👍🏻…查看更多

今年母親節去左食間高質印度菜，尖沙咀寶勒巷馬會隔離勁易搵。裝修高級但價錢合理烤肉拼盤-烤雞，香氣撲鼻，表面有橙色印度香料，肉汁多，雞肉嫩滑鯖魚-烤後香口，魚肉滑滑羊肉-用乳酪與香料醃製，再放入烤爐慢煮，羊肉會更嫩滑，加入薄荷醬更令升華Lucknowi Lamb curry-羊肉超嫩。咖喱香料味令到更有層次感，不太辣，帶點奶香芝士烤餅-有咖喱當然配烤餅，新鮮烤起好軟熱，上面有芝士香味加入咖喱，簡直回味Margarita pizza-薄餅估唔到出色，乾身脆口，有蕃茄，鮮羅勒，水牛芝士，邪惡起來但又一口接一口啤酒-媽咪都話飲，當然要叫啦地點方便價錢又合理，正…查看更多

I need to search a fine dining restaurant for meeting my good friend from US.Finally I choose CARAT Fine Indian and Mediterranean Cuisine at Tsim Sha Tsui.It surprised me with the nice environment and high quality service at first glance.We ordered the signature Tandoori chicken and Lamb chop. Both are delicious. Captain recommended a mixed vegetable and Chapati. Both are freshly prepared and served at the right time.We took the refreshing Mango lassi too.I would recommend it to my friends in near future. …查看更多

香港真係美食天堂，前排同朋友食咗一間好好食嘅印度餐廳，令到我對印度菜好感大增，原來印度菜可以咁好食印度乳酪口感好軟實，味道似奶味比較重嘅酸奶，非常開胃新德里懷舊三式小食拼盤 呢種味道，我係從來未食過，非常清心可口，酸酸甜甜，而且有少少奶香味皇室烤餅 油香十足，而且煙靭香腰果奶油咖喱羊肉奶油香味非常濃郁，羊肉亦都炆得好腍，少少腰果，口感更有層次，好味到我係連所有汁都撈埋食晒馳名牛油蕃茄咖喱雞。雞肉肉質鮮嫩就唔使講，最主要係佢個牛油蕃茄咖喱嘅醬汁，真係好有風味，奶油好香，但同咖喱係非常夾，又係成個碟清晒鷹嘴豆醬口感很黏口，好有質感，味道好濃嘅豆味。薯仔栗子再加少少奶感覺，撈埋薄餅一齊食，估唔到都幾好食椰子雪糕 入邊有椰子肉，好香嘅椰子味，我食過最好食嘅椰子雪糕，重點去自己做而唔係買返嚟，先做到呢個味道杏仁碎奶蜜荳蔻煮甘筍蓉甜品淡淡嘅紅蘿蔔味道，再加上幾香濃嘅奶味，仲有少少杏仁碎，好有風味總結呢間印度餐廳，菜式好有水準，全部都係靠食材嘅配搭帶出鮮味，同香港本地菜式去到非常唔同，大開眼界…查看更多

近期食過覺得服務非常好嘅印度餐廳！所有嘢都好好食😋環境都好好，地方又大仲要有室外添！真係好啱同朋友一齊傾吓偈聚吓～❤️Afgahani Mushroom 阿富汗瑪莎拉香料芝士釀蘑菇 $128呢款前菜好得意呀！佢每一串都有四個蘑菇，兩個蘑菇之間夾住一啲芝士、自家製馬莎啦、仲食得出有啲豆醬，非常好食！❤️ Butter Chicken 馳名牛油咖喱雞 $148呢款非常易入口！無論係個質定係啲雞都好滑！butter chicken 食得多，但係真係覺得呢個好好食！❤️ Palak Paneer 茅屋芝士球 菠菜蓉咖喱 $138好多芝士球喎！目測大約有10粒咁多！菠菜蓉都好嘢味，食得好舒服！❤️ Sunhari Laccha Naan $52呢款皇室烤餅佢話材料有番紅花、罌粟籽、杏仁，整得好鬆脆👍🏼又唔會好似Paratha 咁油，一樣推薦！整體覺得好滿意👍🏼特別係啲服務好好！食完前菜幫你碗碟、隨時幫你斟水、主動幫你影相！所以有加一都抵比佢呀！…查看更多

相約朋友來試試地道和高級的印度和中東菜，環境有格調、暗暗的燈光非常有舒服的感覺。❤️Old Delhi chaat platter 3款色彩繽紛小食拼盤：乳酪扁豆蓉薯餅、酥炸燒扁豆餅、鷹嘴豆空心脆乳酪扁豆蓉薯餅：鷹嘴豆和馬鈴薯混合，再加上酸奶和各種醬汁鷹嘴豆空心脆：香辣的鷹嘴豆與鬆軟的油炸餅相得益彰，十分滿足酥炸燒扁豆餅：香料土豆餅外酥內軟，裏面填滿綿密的酸奶和香濃的甜辣醬，口感層次豐富。❤️Punjabi Paneer印度乳酪Paneer 是通過將牛奶煮沸後加入檸檬汁或醋來凝固，然後將凝固的奶酪分離並壓制而成，因為不經鹽醃，所以味道清淡一點，配上特別的薄荷醬汁同埋上面嘅青椒，吃到食物嘅原味，亦是一道優質蛋白質！❤️Sunhari Laccha 皇室烤餅番紅花、罌粟籽、杏仁這烤餅是食過最難忘的一個印度薄餅，因為它的口感最能迎合到我的口味。外面香脆得來又很有實在感，不會過份油酥感，亦帶有一點焦香，加上表面的罌粟籽香味，很開胃可口，還未沾上咖喱已經吃了一半。❤️Carat's Butter Chicken牛油番茄咖喱雞奶油和蕃茄的酸味之間有種化學作用，加上微微香辣，層次更豐富，令人胃口大開。雞肉亦很嫩，與奶油咖喱汁很夾！❤️Sindhi Gosht 羊肉咖喱一道印度傳統咖喱，用馬拉香料如孜然、肉桂和丁香做的咖喱，香味撲鼻，一般餐廳不容易試到的味道。紐西蘭慢煮羊肉 在慢燉中吸收了香料的精華，醬汁濃厚，帶有微微的辣味和甜味，羊肉非常腍，和印度飯一起吃真的可以吃很多。❤️Mediterranean DIPS系列鷹嘴豆醬 with pita bread Pita bread 份量很多，pita bread 沒有印度烤餅那麼酥脆，而是多了一份鬆軟帶微甜的口感，這款鷹嘴豆醬加了一點檸檬汁，酸酸甜甜的，相信孩子和女士會更加喜歡。❤️Carrot Halwa 杏仁碎奶蜜荳蔻煮甘筍蓉有點驚訝這款甜品是熱的，甘筍打成蓉的程度有點似肉碎，加上豆蔻和杏仁奶充滿了果仁香味，甜甜香香的，第一次吃真是感覺有點新鮮，不仿一試！❤️Coconut Ice Cream椰子雪糕這款自家製雪糕我會給一百分，椰子奶味道超濃，有椰子肉碎，增加口感之餘更加有椰子味，非常推薦！…查看更多

初嘗印度菜的我，叫左一個小食拼盤, 2款咖哩, 2款簿餅。Old Delhi Chaat Platter, 岩哂我地咩都想試D既人, 呢個小食拼盤, 有印度出名既Pani, 入面填滿左薯仔蓉, 洋蔥, 藩茄, 豆蓉, 再溝左D綠色微酸靈魂汁，係令人一試難忘既印度小食。另外一款, 有塊小脆片係底, 乳酪, 綠色醬, 唔係好肯定係唔係牛油果, 加左D脆米既野, 一啖入口, 脆, 香, 滑, 有微微酸，好特別, 好開胃。最大兜果個, 都係一個脆卜卜既兜盛住乳酪，薄荷醬, 同埋紅石榴粒, 清新微酸。呢個拼盤3款小食, 都係清新, 唔油膩, 微微酸, 好開胃。Carat's Butter Chicken 真係好正！呢道菜醬汁濃濃，香料味道恰到好處，唔會過於搶味，而且係少有唔辣既印度菜, 小朋友都岩食。雞肉煮得超嫩，配埋滑滑嘅奶油醬，每一口都好滿足。再加上熱辣辣嘅Garlic Naan，真係可以將醬汁吸到一滴不剩！Shrimp Kadai 的醬汁好有驚喜！色澤橙紅，望落去就覺得好有食慾。佢嘅醬汁香辣，帶有淡淡的香料香氣唔算濃烈，將D蝦的鮮味完全襯托出來。食落唔單止有微微的辣味，都食到淡淡蝦味！再加上，醬汁夠濃，又不油膩，非常適合用黎點 Garlic Naan。Shrimp Kadai 的醬汁均勻調和，味道非常出色。Nachos非常吸引！脆口的粟米片夾雜住溶左既芝士，豐富嘅口感。搭配3款醬,忌廉醬滑溜濃厚，唔會過於油膩，牛油果醬就打到好細滑，入口好清新。藩茄沙沙醬酸酸甜甜，有少少洋蔥粒, 呢3款醬刺激味蕾之餘與同粟米片形成極好的對比感。呢碟 Nachos 值得試下，肯定會令你食落意猶未盡！"重點係3款醬都好多, 一D都唔孤寒。我地叫左Garlic Naan同 Laccha Paratha黎點咖哩！Garlic Naan基本上係必點, 而且都係正常發擇, 煙銀有有蒜香, 就咁食都可以食哂成塊！而另一款Laccha Paratha第一次點， 都幾好味！外層香脆，咬下去有啲焦香味，裡面又鬆軟。搭埋咖哩食，真係係絕配，咖哩的味道同餅的口感搭得好好，令每一口都好滿足。無論你係單食或者配埋其他菜，都好適合。值得一提, 餐廳侍應好好人, 因為出面有生日會, 有小朋友不停走出走入，侍應走黎同我地講, 唔好意思, 打擾到我地食飯。唔知以為自己去左5星級餐廳。而且我地食飽之後, 繼續係咁傾, 侍應都無趕我地走, 仲不停幫我地加叫我地慢慢坐。一間好味, 服務又好既印度餐廳。非常開心既一餐即興飯。…查看更多

今晚去咗一間環境比較舒適食印度菜，呢度除咗有outdoor，仲有包廂，以印度人為主，都幾地道。頭盤-新德利懷舊三色小食拼盤，其中有我鍾意食嘅鷹嘴豆空心脆，酸酸甜甜，又有啲脆脆嘅口感開胃好食。另外仲有兩個印度特色小食，都係脆口，以豆蓉為主。小食-自烤玉米片配牛油果蓉、酸忌廉、芒果沙沙，呢個好啱餐前送酒食，過口癮，大量芝士一齊焗，且配不同的醬，有開胃，有fresh。牛油蕃茄咖喱雞-雞係無骨雞肉，肉質嫩滑同咖哩汁一樣幾滑，配埋蕃茄再提升香味。連埋印度手抓餅食，清晒成個咖喱。燈籠椒黑胡椒炒大蝦，呢個比境咖喱更香，而且胡椒再惹味，而大蝦都剝晒殼，唔算好大隻，但彈牙。呢個配左蒜香烤餅，應該配原味烤餅都好夠。菜式份量都偏大份，好飽。…查看更多

想喺尖沙咀搵間環境靚、食物精緻又有格調嘅印度餐廳？CARAT絕對適合你！CARAT的印式招牌菜，每一道都好有驚喜💯🍛 Lucknowi Lamb Curry：羊肉超嫩滑，咖喱香料味層次豐富，唔會過辣，仲帶點奶香～配埋脆卜卜又香口嘅Butter Naan一齊食，完美👏🥙 Murgh Najrana Seekh Kebab：雞肉卷香氣撲鼻，口感彈牙，餡料夠足，加入香草、甜椒等，清新又惹味，沾薄荷醬更提味～🥤 Acqua Panna天然礦泉水：配餐解膩，口感柔滑～餐廳環境舒適高雅，有夢幻吊燈同半開放式廚房，可以見到廚師即場燒烤，好有氣氛。店員服務親切，落單快而準確，完全係朋友聚會、情侶約會嘅好選擇❤️…查看更多

Went to Carat restaurant in TST today for a birthday buffet luncheon. My first time there and I liked the ambience, decor and atmosphere. The food was good and the service great, the staff were attentive and friendly. They serve Indian and Mediterranean cuisine. There were interesting appetisers which included Indian street food and starters plus Mediterranean dips etc. There were lots of curries to select from and even biryani and Dhal (lentils). Also a dessert selection. I would recommend this and so do check it out.…查看更多

尖沙咀放工同朋友食飯，咁啱記得之前朋友推介過嘅一間印度餐廳就喺附近話可以試到正宗嘅印度菜可以去試一下入到去睇落裝修都幾有特色有印度傳統嘅裝飾之餘仲有添加咗少少現代嘅元素北印度爪餅$38食落去超香脆, 有微微嘅牛油香味而且內裏好鬆軟配搭咖哩真係一流惹味燴羊膝$165香料味非常粥有少少微辣，羊肉煮得非常淋，再配搭埋印度手抓餅真係絕配 招牌牛油番茄咖哩雞$138咖哩雞做得非常嫩滑而且好入味，咖喱香味濃郁之餘，味道亦都好足，又唔會太辣再加上有少少牛油香同埋番茄酸酸嘅味道非常開胃…查看更多

呢間印度高檔餐廳，氣氛好濃厚，令人一踏入就感受到印度文化嘅魅力🎆我哋試咗 Old Delhi Chaat Platter，呢個小食拼盤色香味俱全，各種口味交融，特別係嗰啲香脆嘅餅，搭配酸酸甜甜嘅醬汁，感覺好特別💖而Achari Fish Tikka嘅魚肉鮮嫩🐟，醃製得入味，微酸嘅香料味道令我哋口水直流，絕對係一個驚喜。而 Mango Lassi 更加係必試嘅飲品，清甜嘅芒果味配上滑順嘅酸奶，飲落去好舒服，完美解渴🥭最後又叫咗個Lucknowi Veg Biryani ，🍛米飯香氣撲鼻，配料豐富，口感層次分明，係我未食過嘅口味。呢次嘅用餐體驗好愉快，店員十分友善，強烈推薦畀鍾意印度菜嘅朋友！🍛…查看更多

我想同你一齊食…誘惑我的印度香料燒雞🤭一入門口👀裝修幾有格調。食印度嘢都係鍾意食傳統菜式，單點印度香料燒雞、Tandoori Chicken Masala 同埋 Garlic Naan印度香料燒雞一上枱已經聞到好香嘅香料味，雞肉燒得外皮香脆，入面仲好嫩滑，蘸埋佢哋特製嘅醬汁，味道更加豐富。Tandoori Chicken Masala，呢道菜嘅香料味更加濃郁，雞肉煮得好入味，醬汁香濃但唔會太辣，配埋飯或者 Naan 食都一流。Garlic Naan新鮮出爐嘅 Naan 熱辣辣，蒜香味好突出，口感鬆軟有咬口，點埋咖喱汁食真係無得彈。整體嚟講，CARAT Fine Indian and Mediterranean Cuisine 嘅食物質素幾好，鍾意食印度菜嘅朋友可以一試！CARAT Fine Indian and Mediterranean Cuisine📍尖沙咀寶勒巷6-8A號盈豐商業大廈4樓#尖沙咀美食#尖沙咀印度菜#尖沙咀好去處 #印度咖喱#尖沙咀餐廳…查看更多