影片
更多
2020-07-02
182 浏览
好好彩喺紅日都book到呢個聯乘下午茶，本身自己對甜品唔算特別大興趣，但喺友人極力推薦下，就一齊去試左！入邊環境相當闊落，位同位之間保留幾大空間，落地大玻璃設計下引入大量自然光，非常舒服。首先嚟嘅係酒店自家製嘅鬆餅，個餅好鬆軟又有香味，加上奶油忌廉同士多啤梨醬令餅生息不少，但蘸士多啤梨醬應該要少過奶油，如果唔係果醬味會太搶！另外個榴槤蛋撻超鬆軟、濃濃榴槤味，正！接著落嚟係Baileys朱古力火鍋，我就覺得一般，Häagen-Dazs雪糕都係好似平時就咁食好味啲，加左朱古力醬味道一般。再嚟就係一個鹹點加甜點嘅拼盤：煙三文魚卷正常發揮、脆炸生蠔炸得好脆口、忌廉蘑菇酥啲蘑菇粒幾好味，至於Impossible肉丸味道似內臟味、肉質較結實唔鬆軟，同真正肉丸嘅口感同味道差好遠。而甜點方面，我最鍾意係蛋白杏仁餅，餅皮脆脆加上入邊嘅醬，口感同味道都唔錯。忌廉泡芙啲忌廉一咬就爆發出嚟！飲品叫左兩杯特色雞尾酒，一杯係Baileys Nutterlicious，感覺一般，只係杯邊加左花生粒咁樣；而另一杯係Baileys Coconut Frappe，呢杯感覺特別啲，椰子味同Baileys味幾夾，但椰子味再重
入邊環境相當闊落，位同位之間保留幾大空間，落地大玻璃設計下引入大量自然光，非常舒服。
首先嚟嘅係酒店自家製嘅鬆餅，個餅好鬆軟又有香味，加上奶油忌廉同士多啤梨醬令餅生息不少，但蘸士多啤梨醬應該要少過奶油，如果唔係果醬味會太搶！
另外個榴槤蛋撻超鬆軟、濃濃榴槤味，正！
接著落嚟係Baileys朱古力火鍋，我就覺得一般，Häagen-Dazs雪糕都係好似平時就咁食好味啲，加左朱古力醬味道一般。
再嚟就係一個鹹點加甜點嘅拼盤：
煙三文魚卷正常發揮、脆炸生蠔炸得好脆口、忌廉蘑菇酥啲蘑菇粒幾好味，至於Impossible肉丸味道似內臟味、肉質較結實唔鬆軟，同真正肉丸嘅口感同味道差好遠。
而甜點方面，我最鍾意係蛋白杏仁餅，餅皮脆脆加上入邊嘅醬，口感同味道都唔錯。忌廉泡芙啲忌廉一咬就爆發出嚟！
飲品叫左兩杯特色雞尾酒，一杯係Baileys Nutterlicious，感覺一般，只係杯邊加左花生粒咁樣；而另一杯係Baileys Coconut Frappe，呢杯感覺特別啲，椰子味同Baileys味幾夾，但椰子味再重啲就更好，感覺略淡。
最後嚟一杯Baileys軟雪糕，雲呢拿加Baileys係絕配，而且再加上Baileys酒，絕對係Baileys粉絲至愛！
张贴
