家賀屋

家賀屋15週年慶🎉有着數帶俾大家😍 今次去銅鑼灣分店，行入去第一印象係「型格日式居酒屋格局」，牆上貼滿日文餐牌海報同浮世繪裝飾，氣氛熱鬧. ⭐️麒麟一番榨 生啤（買一送一‼️）生啤夠凍，泡沫綿密，入口清爽帶微微麥香，冇苦澀餘味，好解渴飲到停唔到口，配燒物一流，尤其係食牛舌嗰陣，冰涼啤酒瞬間中和油膩感。而家仲要做買一送一，點可以唔飲. ⭐️鹽燒三文魚腩邊三文魚腩邊油脂爆燈，鹽燒的手法保留了魚肉的鮮甜，外焦內嫩，燒到邊位微脆，入口即溶，魚油香加粗鹽鹹香，送酒一流。搭配少許檸檬，增加了清新的風味。⭐️鹽燒仙台熟成牛舌芯牛舌芯厚切到似牛排，咬落彈牙有嚼勁，外層焦香，中心保留肉汁，簡單鹽燒已經帶出濃郁牛味。最正係嗰陣炭燒香氣，食完想encore！⭐️特選海鮮丼 定食海鮮丼擺盤幾靚，三文魚、吞拿魚、油甘魚、帶子、赤蝦鋪滿，魚生算新鮮，米飯的質感軟糯，吸收了海鮮的鮮味。定食跟海帶味噌湯、日式燉蛋同沙律，沙律係胡麻田園沙律. ⭐️特盛山椒鰻魚丼（二重鰻）定食「二重鰻」即係雙層蒲燒鰻魚，視覺效果霸氣！鰻魚厚身，肉質軟淋唔腥，醬汁甜度適中，面頭撒咗山椒粉，微微辛香好過癮，食到尾段都唔會膩。定食跟茶碗蒸，蒸蛋滑溜. ⭐️