影片
更多
2023-04-06
1568 浏览
🦞尖沙咀泰國皇家風味酒店自助餐 泰式生蝦 香茅炒蟹 鮮甜龍蝦 香煎鵝肝 全新榴槤甜品🦞尖沙咀一間出名主打榴槤甜品，龍蝦長腳蟹鵝肝的酒店自助餐，因為每次去都好有驚喜，一直係我哋心目中自助餐排行榜係好高位置，所以通常重要事情都會book 呢到食，雖然最好要預早少少訂檯，但一定值得，佢地最近餐廳換咗做「泰國皇家風味」為主題的自助餐，最鐘意食泰國菜嘅我哋就啱曬，時間6:30 開始食到10:00 ,食足3.5 小時🦞凍海鮮盤每次來到佢哋的凍海鮮都永無失望，今日提供龍蝦，青口，小龍蝦長腳蟹腳，最鐘意就係長腳蟹係非常新鮮鮮甜，蟹肉剪開後一絲一絲咁，一睇就知道新鮮，咸度剛剛好，龍蝦係有膏而且肉質爽口，小龍蝦的蝦頭有膏而蝦肉幾結實味道甜美🦞刺身刺身重本用上原隻有頭甜蝦非常鮮甜，仲有一定要食的原粒厚帆立貝，夠厚身一口一粒非常滿足，其他刺身仲有提及供八爪魚，吞拿魚及三文魚🦞泰國美食食泰國菜就係最鐘意食生蝦刺身，生蝦加入特製泰式海鮮汁，辣辣哋好惹味，另外必食嘅係避風塘炒麵包蟹，麵包蟹蓋入面係滿滿蟹膏蟹黃，用避風塘手法炒製帶蒜香味道，另外仲有十三香沙律，泰式豬頸肉，泰式烤魚，仲有新親鮮的大樹菠蘿提供🦞加勒比海青
64 浏览
0 赞好
0 留言
44 浏览
0 赞好
0 留言
🦞尖沙咀一間出名主打榴槤甜品，龍蝦長腳蟹鵝肝的酒店自助餐，因為每次去都好有驚喜，一直係我哋心目中自助餐排行榜係好高位置，所以通常重要事情都會book 呢到食，雖然最好要預早少少訂檯，但一定值得，佢地最近餐廳換咗做「泰國皇家風味」為主題的自助餐，最鐘意食泰國菜嘅我哋就啱曬，時間6:30 開始食到10:00 ,食足3.5 小時
47 浏览
0 赞好
0 留言
🦞凍海鮮盤
每次來到佢哋的凍海鮮都永無失望，今日提供龍蝦，青口，小龍蝦長腳蟹腳，最鐘意就係長腳蟹係非常新鮮鮮甜，蟹肉剪開後一絲一絲咁，一睇就知道新鮮，咸度剛剛好，龍蝦係有膏而且肉質爽口，小龍蝦的蝦頭有膏而蝦肉幾結實味道甜美
41 浏览
0 赞好
0 留言
🦞刺身
刺身重本用上原隻有頭甜蝦非常鮮甜，仲有一定要食的原粒厚帆立貝，夠厚身一口一粒非常滿足，其他刺身仲有提及供八爪魚，吞拿魚及三文魚
39 浏览
0 赞好
0 留言
🦞泰國美食
食泰國菜就係最鐘意食生蝦刺身，生蝦加入特製泰式海鮮汁，辣辣哋好惹味，另外必食嘅係避風塘炒麵包蟹，麵包蟹蓋入面係滿滿蟹膏蟹黃，用避風塘手法炒製帶蒜香味道，另外仲有十三香沙律，泰式豬頸肉，泰式烤魚，仲有新親鮮的大樹菠蘿提供
44 浏览
0 赞好
0 留言
37 浏览
0 赞好
0 留言
🦞加勒比海青龍蝦尾
仲有一定一定要必食的係一款師傅即席用了龍蝦汁去煮的龍蝦尾，見到擺位上放滿了青龍，將龍蝦加入汁醬煮熟，龍蝦味道超級香濃，而且肉質係非常新鮮，好似食緊即劏龍蝦嗰種有結實爽脆彈嘅口感，所以忍唔住食完再出去攞多次
29 浏览
1 赞好
0 留言
🦞香煎鵝肝
香煎鵝肝係好多人鐘意食嘅一樣嘢，師傅即席煎一大堆，所以唔需要等好耐，通常就咁出去等一等佢煎完就攞得，油份豐富充滿鵝油香
🦞魚子醬蟹肉沙律多士
平時無咩機會食到魚子醬，今次來到見到有多士又攞咗件試試，香脆多士上的蟹肉，一絲絲的蟹肉加上沙律醬，一口咬落去會感受到魚子醬的香氣混合起來非常夾
33 浏览
0 赞好
0 留言
🦞甜品今次見到自助軟雪糕機提供GODIVA 軟雪糕，有純朱古力味及香朱古力，朱古力味強烈香醇可口，另外仲有好多不同款式的甜品杯，烏冬茶凍，雪糕櫃入面仲有多款movenpick 雪糕
🦞全新榴槤甜品
今次推出了全新榴槤甜品，食到咁上下聽到店員敲鐘，提示即將新鮮出爐的榴槤咖央菠蘿包，出去排隊攞完即刻食熱辣辣，口感鬆軟中間充滿了咖央榴槤肉好鬼正。如果有得買返屋企食就好啦，另外仲有榴槤糯米飯配貓山王果肉，榴槤杏仁酥，仲有我哋最鐘意食的榴槤奶凍，同埋榴槤雪糕仲可以瘋狂咁落榴槤肉
41 浏览
0 赞好
0 留言
🦞湯品
今次的湯忘記了咩名，但忘記唔到個味道，奶白色的有少少椰香又有點杏汁加上雪耳的味道非常幼滑又清甜，另外仲有龍蝦湯，濃郁強烈的龍蝦味，究竟要落幾多龍蝦先煮到咁鮮呢
32 浏览
0 赞好
0 留言
🦞飲品
食到中間時段會有位靚仔oppa 出來親自調配一種甜酒，味道幾清新帶點果香，酒味唔濃幾易入口，另外仲有新鮮果汁，檸檬茶及咖啡提供
🦞今次係慶祝友人生日，所以訂位特別要求，當日店員就會為你送上小蛋糕，靚女姐姐仲主動幫手揸機影相，仲影得幾靚，呢個係加分位，今次真心驚喜呢
🦞鐘意每次過來有時都會提供不同美食主題充滿新鮮感，而食物質素每款都非常高質新鮮，由其好多人都鐘意食的龍蝦，蟹腳及鵝肝，刺身，今次仲提示平時好少食到的魚子醬，泰式主題亦係今次賣點，好喜歡炒蟹同生蝦，另外就係鐘意酒店的服務做得好好，店員個個都好好笑容而且好有禮又主動收檯，主動幫手影相，所以第時有重要日子都會再過來呢到的
🦞泰國潑水慶典自助晚餐
(4月份晚餐價錢）星期一至四 $858星期五至日 $908
(4月7-10 復活節晚餐價錢 )$958
📍 The Market (尖沙咀) @hoteliconhk
尖沙咀科學館道17號唯港薈2樓
张贴
