樂意點心

营业中

休息中

之前食過性價比幾高嘅點心，唔使加一又坐得舒服，目測今次多咗好多遊客幫襯，可能同個地點方便都有關係~🔘牛肝菌燒賣飲茶最愛食燒賣，有得叫兩粒太好，大粒飽滿，味道對板～🔘帶子菜苗餃賣相精緻，上面仲有兩粒帶子，好大粒多餡料～🔘花雕蛋白蒸紅花蟹飯🔘鮮花甲粉絲湯呢度除咗點心，蒸飯都係招牌菜，原隻紅花蟹賣相吸👀 ，成個碟咁大隻，紅花蟹肉質鮮甜，個蔥油汁係重點，同蒸蛋白一齊撈飯食一流~個湯好有芫荽味，花甲大隻份量都幾多~🔘腰果露湯圓好少有機會食到腰果露，質地杰身，味道濃厚，仲有兩粒芝麻味湯圓，呢個抵食呀～