黑門水產すいさん (Fashion Walk)

今晚七點幾嚟食堂食，由於我個位收電話收得唔好，scan完個QR code都load唔到個電子menu，所以就搵店員人手落單。整體嘢食水準都還可以。埋單嘅時候發現個「黑門令海膽鮭籽活火山」由menu上嘅五百幾蚊，變成七百幾蚊，立即向店員了解。原來menu底下有一行好細好細好細好細嘅字，寫住價錢係會調整，以QR code電子menu為準。雖然估唔到佢調一調整，就調高咗成差唔多二百蚊，但係人哋有行咁細嘅字寫到明，就算係俾得唔舒服嘅，都係要俾錢。有興趣嚟食嘅朋友真係要留意翻，嗌嘢食嘅時候打醒十二分精神。