旺角海鮮菜館

营业中

休息中

一直好中意食新加坡的黑椒蟹，但係香港越來越難搵好食正宗嘅黑椒炒蟹。以前食開個間美麗華商場入面間餐廳又執咗。係雜誌見到介紹呢間餐廳個廚係新加坡做過，識煮新加坡式蟹，終於搵到機會去試喇。夜晚八點幾到沒book位都即時俾到兩人臺。坐低睇咗餐牌好多套餐，但兩個人驚食唔晒叫咗個黑椒炒蟹 避風塘炒蜆 椒絲腐乳炒通菜。最先上嘅係通菜，腐乳落得太多 好鹹 賣相麻麻，第二個餸係炒蜆，食落 望落同普通炒蜆差唔多，淨係多咗少少蒜香，隻隻蜆都有沙 仲食到一隻死蜆，成個口都臭埋，沒興趣再食。唔明一間做海鮮嘅餐廳點解蜆都沒吐沙就攞來炒？最後一個亦係重頭黑椒蟹，睇個賣相就幾吸引，啲黑椒汁杰杰啲，食落口個蟹同黑椒味都好接近新加坡煮法，蟹又新鮮，值得讚。服務相當麻麻，個骨碟堆到滿晒都沒人來換碟，差唔多食完先來換個一次碟。坐低淨係畀咗壺茶，到後面好濃，飲唔到。揭開個蓋好耐都完全沒人理，惟有開聲叫加水。個蟹係值得再來嘅，但其他真係麻麻哋