影片
更多
2022-10-11
4934 浏览
去年第一次去海洋公園水上樂園，Fullerton Hotel 正在進行最後階段工程，當時已經好想入去 staycation。今年年初搜尋資料，官方消息係下半年開幕；六月中偶然跟進，原來提前於七月中開幕試業，馬上去官網訂房。正值暑假旺季，僥倖早發現這個消息，搶到一個抵玩嘅 staycation 連 water park 入場門票嘅package。入住當天在 water park 盡情嬉戲完後，當然要試一下新酒店「Lighthouse Cafe」的自助餐。週末及假期自助晚餐分兩個時段（平日就沒有分時段），成人每位 $788，小童每位 $394。建議揀頭段 5:30~7:30；太陽尚未下山、兼橫跨黃昏時段，既可欣賞大白天的海景，緊接又有日落美景。Fullerton 隸屬於信和集團，裝修風格雖然以度假酒店為主調，仍難免滲入星加坡南洋風情：黑白色簡潔圖案地磚，仿竹藤編織而成的假天花及大吊扇等等。室內空間非常寬敞，並利用通道將用餐區及食物區分開左右兩邊佈置；座位區佈置在靠向落地玻璃的那一邊，用餐環境更舒適。尤其靠近酒店大堂前端部份的用餐區，樓底超高；如果早訂枱，可獲編配在毗鄰落地玻璃的第一排餐枱，
週末及假期自助晚餐分兩個時段（平日就沒有分時段），成人每位 $788，小童每位 $394。建議揀頭段 5:30~7:30；太陽尚未下山、兼橫跨黃昏時段，既可欣賞大白天的海景，緊接又有日落美景。
Fullerton 隸屬於信和集團，裝修風格雖然以度假酒店為主調，仍難免滲入星加坡南洋風情：黑白色簡潔圖案地磚，仿竹藤編織而成的假天花及大吊扇等等。
室內空間非常寬敞，並利用通道將用餐區及食物區分開左右兩邊佈置；座位區佈置在靠向落地玻璃的那一邊，用餐環境更舒適。
尤其靠近酒店大堂前端部份的用餐區，樓底超高；如果早訂枱，可獲編配在毗鄰落地玻璃的第一排餐枱，景觀更佳，可飽覽黃昏日落海景。美中不足餐廳只位於一樓，儘管酒店基座夠高、離水平線已經有相當高度，日落海景仍不免被鴨脷洲稍為遮擋。
按種類分成多個食物區，有效分散人流；但有部份食物擺放在靠牆位置，好易走漏眼。沙律、壽司、水果等等就是放在靠牆的凍櫃內，而且全部高於水平視線，小朋友更加唔夠高自取，安排並不理想。自選沙律的蔬菜款式選擇少，亦欠缺一盤盤的預制沙律如薯仔沙律、蘋果沙律、及凱撒沙律(Caesar Salad) 。雖然沙律在講求回本菜的自助餐並不是重點環節，但作為每位接近 $800 的五星級酒店自助餐，就不應該忽視，否則失去了應有的級數。
日式冷盤同樣失望，只有三文魚壽司、鰻魚壽司、兩款卷物及凍蕎麥麵。雖然自助餐壽司質素一向一般，但貴價自助餐始終應該供應多一些款式才配合定位。
水果勝在款式非常多，可以形容為鮮果放題。切粒鮮水果有菠蘿、西瓜、火龍果及蜜瓜；原個水果就有橙、蘋果、番石榴及布冧。擺放位置有待改善，更多人喜愛的切粒鮮水果應該放在較當眼的下層。
英式貴族茶點克力架配果仁及乾水果在自助餐較為罕見。不過，就觀察所得，沒有太多人取用，似乎大部份客人並不欣賞這種小眾趣味。
第一組食物區是冷盤。凍海鮮只有五款：開邊龍蝦、沙白、凍海蝦、翡翠螺及淡水小龍蝦。以這個級數的自助餐來說，竟然沒有即開生蠔、又欠蟹腳或麵包蟹，款式偏少。味道方面一般，回本菜式之一的開邊凍龍蝦肉質雖算彈牙，但海水味太濃、太鹹，掩蓋了鮮味。整體來說，凍海鮮的味道很一般，未配合 Fullerton 的級數。
刺身選擇同樣偏少，只有4款：吞拿、油甘、三文及八爪魚。雖然如此，以自助餐來說，質素算幾好；有光澤、亦有魚鮮味。這樣說形容吧：貴精不貴多。
凍肉冷盤有4款：salami、Parma ham、煙三文魚及風乾辣牛肉腸。煙三文魚差不多是所有自助餐的必備冷盤，這裏的質素很好，入口爽滑油潤。Parma ham 入口油潤軟滑，火腿鹹香味道濃淡適度。
第二組食物區以 carving station 及西式肉食為主。鑄鐵板即烤澳洲M5牛小排、海鱸魚及大虎蝦最多人取，味道方面果然幾好，尤其鱸魚及虎蝦。澳洲M5牛小排就略為失望，肉味一般，肉汁未夠多，亦唔夠鬆軟。
另一邊就有烤原件牛肋肉配搭三款蔬菜及三款醬汁。肉汁豐富、肉味濃郁，估唔到竟然比鐵板烤澳洲M5牛小排更好食，值得捧場，食多兩三片！
自助餐不能缺少印度咖喱，加上酒店集團源自星加坡，咖喱款式夠多元化，有雞、蔬菜、印度香米及印式羊肉咖喱飯。淺嘗一小碗羊肉咖喱飯，味道意料之外地非常出色，直逼正宗印度餐廳。味道香辣平衡，羊肉香而不羶、肉質鬆軟。飯粒乾身，雖然並不軟糯、但絕不硬身，煙韌有咬口；果然是正宗印度香米。
其他西式熟食有慢煮牛面肉、香草煎羊架及牛油忌廉煎鱸魚，味道中規中矩，欠缺煎鴨肝之類的回本美食。這組食物區全部味道偏向濃郁，亦較重口味；如果口味偏好清淡就要選擇第三組食物區了。
第三組食物區雖然同樣以西式熟食為主，但同時設有日式Live Cooking Station。西式熟食有蕃茄燴海鮮、香煎雞卷及燴雜菜，款式很普通，沒有回本菜，勝在味道比較清淡健康
日式美食有即炸天婦羅，款式選擇很多，有雞、魷魚圈、軟殼蟹、紫菜、冬菇、南瓜及蕃薯，偏偏沒有最經典、大部份港人都喜愛吃的天婦羅蝦。味道方面，同絕大部份酒店自助餐的天婦羅一樣，脆衣很厚，更似中式酥炸或者西式炸魚；唔好期待係真正嘅天婦羅就唔會失望。
最特別係大阪燒配煎帶子，只不過這種配搭有點奇怪。大阪燒一向只是平民大眾化小食，材料主要是麵粉、雞蛋、水、鹽、鰹魚粉，再加入大量高麗菜、魷魚絲、豬肉片等價廉食材。刻意加件鐵板煎帶子格格不入。
西式熱食的 Live Cooking Station 有Pizza及兩款意大利麵，當晚是肉醬意大利麵及焗芝士忌廉長通粉。無論醬汁味道及麵條質素皆很好，可以媲美坊間不少正統意大利餐廳。
中式食物區在盡頭。中式燉湯當然不能缺少，另一邊廂的青紅蘿蔔煲豬展及椰菜花忌廉湯明顯給比下去。雖然只是雪耳圓肉燉瘦肉，並沒有冬菇、螺頭之類的貴價食材；但味道確實清甜，飲了兩盅。
中式粉麵檔當然不能缺少。廣東燒味就比預期中失望，見到賣相已經知道唔會好味。叉燒、燒鴨、白切雞可以不理，唯獨燒腩仔不容錯過，皮脆肉嫩、五花腩肥瘦相間，好食。
其他中式熟食有辣爆雞球、粟米斑塊、柚子骨、清炒時蔬、素菜炒麵及楊州炒飯，有齊肉魚菜飯麵。雖然味道相當好，尤其粟米斑塊的炮制方法夠傳統，粟米汁及吉列斑塊分開處理；但全部菜式及食材相對普通，沒有回本菜及特色，較難引起食慾。
最後輪到甜品，也是各組食物區之中最大，並設置在靠近餐廳門口位置。款式多、品種多，非常吸引，係整晚自助餐最滿足的環節！
兩個大雀籠最搶眼，上面放滿 cup cake；前面還有3款完個切餅：Japanese Cheese Cake、Chocolate Fudge 及 Pandan Cake。貫徹新加坡南洋風味，刻意加入班蘭蛋糕；不過論味道，就及不上前兩者。Japanese Cheese Cake 帶有淡淡芝士味、入口鬆軟，日式口味很正宗；Chocolate Fudge 味道香甜濃郁、啖啖充滿可可原味。
旁邊的雪櫃内有多款賣相精緻的細細件切餅，芒果、藍莓、綠茶、朱古力、栗子、芝士，總有一款啱口味；只略嫌全部偏甜。
另外，還有其他迷你甜品檸檬撻、Melton Chocolate Cake、葡撻、白朱古力、曲奇餅。以Melton Chocolate Cake 最好味，介乎 choco mousse 及 choco fondant 之間，較切餅 Chocolate Fudge 鬆軟，內裏的朱古力漿更有畫龍點睛之效。
Apple Strudel 配搭雲呢拿汁及鮮忌廉同港式雞蛋仔放在相鄰位置，一款是歐陸經典奧地利甜品，另一款就是每個香港人都一定食過的土產甜品小食，對比強烈，味道皆很好。旁邊還有 Chocolate Bonbon (朱古力球)，可可味濃郁。
另外還有雲石蛋糕、果仁撻，及中式甜品桂花糕、豆腐花。
難得有小朋友最愛的朱古力噴泉，配料有香脆麵包粒、士多啤梨及棉花糖。
共有六款口味雪糕，味道一般，勝在有芒果及椰子兩款夏日水果口味。原來並非自家製作，亦並非什麼名牌；試了芒果及椰子口味，果味有點假、很甜。
以 Fullerton 的級數、加上優越地理位置、以及五星級價錢，雖然未算是香港最貴的自助餐，但對比其他同級自助餐，質素明顯稍為遜色。食物款式選擇雖然很多，但欠缺驚喜特色、亦沒有回本菜，只以甜品較為出色。單純論食品質素，其他五星級酒店的自助餐會有更佳選擇。不過，「Lighthouse Cafe」的無敵海景及開揚景觀就真係冇得輸，相信香港云云各間酒店的自助餐，可能只有 Ritz Carlton 可以更勝一籌。
张贴
