星耀廳

終於嚟咗試富麗敦海洋公園酒店嘅自助餐，落地大玻璃窗，望住出邊日落用餐，座位尚算闊落都坐得幾舒服，食物種類有好多唔同國家嘅菜式，中式、日式、西式、印度、星馬第一輪一定係食凍海鮮，長腳蟹蟹腳肉質，屋企人更加鍾意食蟹鉗啖啖肉，龍蝦肉質紮實一樣好鮮甜刺身方面，三文魚同甜蝦都比較新鮮，屋企人試咗另外幾款話不過不失第一次食鹿肉有驚喜，味道同牛幾相似，但肉質比較嫩，試左印度咖喱羊肉配薄餅幾好味燉湯極力推介必飲，今次係茶樹菇燉瘦肉，好清甜嘅湯，我飲咗三碗湯粉麵點咗泰式牛肉濃湯底，湯底比想像中清，墨魚丸好味可以一試甜品幾精緻，芒果椰子蛋糕整成迷你椰青咁好得意，鯛魚口感軟紮實有蛋味，斑蘭蛋糕鬆軟好香斑斕味，椰汁糕煙靭好味仲有朱古力噴泉，小朋友都玩得開心仲有好多水果選擇，西瓜同哈密瓜好甜又多汁飲品方面就有橙汁、蘋果汁、凍檸茶、咖啡任飲，仲有一款好特別叫做排毒美顏水，見有好多水果蔬菜喺入邊浸住餐廳內有安排一隻好大隻既熊貓mascot同大家影相，外面有條走廊，食得太飽可以出去睇下海景散下步，仲有一堆發光兔仔可以影相打卡…Read More

就算港人唔北上消費，亦都唔好消費港人！未試過呢間酒店嘅自助餐，見到有買一送一嘅優惠，姑且試吓。食品方面，非常一般，所有海鮮淡而無味，食完一輪後悔放咗入肚。刺身還可以，食到兩轉。熟食就乏善足陳，唔該俾啲誠意啦。燒味差過街邊嘅兩餸飯，啲叉燒燒鵝同白切雞都煙靭都食唔到。去到燒牛肉個位，負責嗰位仁兄雖然戴住口罩，都難掩佢嘅黑口黑面，好似個個排隊問佢攞肉眼扒都係爭佢錢咁，就算行多次隊諗住攞多轉，都即刻俾個西面你嘆。甜品選擇唔多，還可以一試。總括而言，無下次。…Read More

今我和太太往富麗敦海洋公園酒店星耀廳食自助午餐,自助餐食品豐富,這裡有冷盤,凍海鮮,刺身,熱食和甜品,冷盤有巴馬火腿和沙樂美腸,食落咸度剛剛好而不感油膩 ,凍海鮮有蟹腳,蟹鉗,蝦和蜆,食落味道新鮮味美,口感鮮甜味美,刺身有鯛魚,三文魚和希靈魚,食落新鮮,肉質鮮甜味美,味道鮮甜,入口即熔,熱食有燒魷魚,燒牛肩胛,朱柳,西冷和紅酒燴牛尾作主打,蘋果醋煎鴨肝食落蘋果醋香,燒魷魚食落彈牙,燒牛肩胛肉質香濃,口感一流,朱柳食落啖啖肉,有油花,西冷肉味香濃,紅酒燴牛尾食落啖啖肉,口感一流,甜品款式多有咖啡薑汁焦糖燉蛋,泰式奶茶蛋糕,朱古力,鯛魚燒和熊貓主題蛋糕仔和啫喱,薑汁燉蛋甜度適中,薑汁香濃,泰式奶茶蛋糕奶茶味道香濃,朱古力食落香脆,鯛魚燒熱辣辣,紅豆甜度適中,熊貓蛋糕仔和啫喱賣相吸引,十分可愛,蛋糕軟綿,啫喱食落彈牙,雪糕我選了朱古力和雲呢拿,味道香滑,食落口感滿足,酒店有凍橙汁,蘋果汁和lemon茶咖啡提供,而且可以添飲,酒店座位闊落舒適,食物美味,冷盤, 凍海鮮和熱食有水準,我和老婆食了一頓美味中午自助餐PS:現在社交平台打卡讚好送熊貓曲奇餅兩件…Read More

富麗敦酒店的甜品區簡直是甜點控的天堂！手工朱古力濃郁絲滑，黑巧微苦回甘；斑斕蛋糕清香鬆軟，椰香四溢；娘惹糕Q彈香甜，傳統風味十足。必試的還有蘋果金寶，酥脆外皮包裹着酸甜蘋果餡，肉桂香氣誘人；每款甜品都精緻得來味道滿分，甜度拿捏恰到好處，食完真係幸福感爆棚。記得預留「甜品胃」，否則一定會後悔啊！仲有各款精緻蛋糕仔，件件都係水準之作，芝士蛋糕濃郁、慕絲幼滑，甜品控真係會食到停唔到口。呢度嘅甜品絕對係第二個胃都要撐爆先肯收手，下次嚟一定要預留多啲quota專攻甜品區！ …Read More

好少寫食評，食完覺得呢個自助餐唔值呢個價。自行考慮。當日友人生日，日頭去咗海洋公園玩，諗住順便食埋自助餐慶生。做功課睇到網上介紹至少有熊貓或者海洋主題甜品，就算唔好食影吓相打卡都唔錯，點知去到乜都冇，問職員話6月已經完左，好失望。環境一般，安排咗窗邊二人位，比較焗及熱。而且好多人，比較嘈。想安靜食飯要三思。職員服務唔錯，收碟好快，問佢拎凍鮮奶都有提供。食物質素總括嚟講好一般，燉湯唔錯，飲湯飲飽左。中式野食比較正常。其他就大部份麻麻哋，凍海鮮全部都唔合格，蟹腳唔好食。海南雞飯唔好食連龍蝦都麻麻哋，好硬無乜鮮味，拆肉放落南瓜湯食😅甜品總括一般，斑斕蛋糕OK，後面啡色果件好食。芝士蛋糕好難食。冇咗熊貓同海洋主題嘅甜品，好失望！訂位時有表示慶祝生日，職員主動送上生日甜品👍🏻(兩款蛋糕係同出面自己拎嘅一樣。)價錢唔算平，自助晚餐，旅遊局買一送一優惠，埋單要$958/2位。食物質素、環境嚟講，非常唔值！如食物質素及價錢無改善，相信唔會再幫襯。…Read More

一早訂了週末海洋公園富麗敦酒店房間加自助早、晚餐，出行前2天天氣預告有颱風，到星期五打去酒店欲查詢改期3次無人接聽，再留埋言直至出行都沒有回覆，唯有繼續出發。星耀廳位於一樓 ，就在大堂旁邊，位置寬敞。晚餐安排了我們坐在門口窗口位，感覺好開揚舒服。食物區行了一轉，第一圈龍蝦已經清空了。第二圈廚師就攞左少量出黎。食物區好寬闊，所以都唔會太擠迫。雖然海鮮不多，但其他食物種類都多，基本上必定飽肚而歸。味道方面，龍蝦有膏但肉質比較硬，蟹腳咸而無肉。貝殼類就質素正常。煎牛扒好味 ！！刺身有幾款，姐姐好好，俾左一大碟，一次食夠，唔使行來行去♡另外，熟食都好多，有海南雞、小菜、印度菜……我實在試唔到咁多♡甜品種類好多，蜂蜜蛋糕 、斑蘭蛋糕、紅絨蛋糕……都好美味！另外，仲有蔬菜水果沙律。早餐就有好多酥餅，我個人鍾意牛角飽 好好味！食到中段，突然一下爆玻璃聲音，隔離枱先生急步回來話：痴線既爆玻璃 。行過去8下，大門成塊玻璃爆左，成地玻璃碎，職員好狼狽拉開圍欄收拾。其實都唔明白 ，點解咁鬆懈？已經預告颱風，竟然玻璃都唔貼，無做好預備。如果傷到人真係危險，酒店真係要留意。…Read More

垃圾既自助晚餐，只值兩百元！食物cheap到爆，味道又難食，所有嘢都煮到十成熟！未見過啲蒸龍蝦擺喺度會冇人攞嚟食，d肉鞋到直情攞嚟做船攬繩 都得，三星酒店既質素。日式放題三百元仲好食過佢一萬倍！…Read More

.今日帶咗兩兄妹去富麗敦酒店食自助餐🔥慶祝返papa 生日🎂其實呢間酒店對我哋嚟講都有一個情意結😬陀住妹妹嗰陣已經去呢間酒店staycation🤭今次已經係第二次帶埋兩兄妹嚟食buffet😋搬咗嚟黃竹坑真係超近，以後可以成日黎食喇😌佢既海景+美食真係冇得輸🙌🏻而且呢間酒店以熊貓🐼為主題妹妹可以熊貓影相好開心😁坐住180°無敵海景食嘢真係chill到爆🌇海鮮控天堂• 冰鎮龍蝦鉗🦞一啖爆肉爽到彈牙！• 長腳蟹腳🦀多膏到漏 我夾咗3轉！. 蒜蓉龍蝦🦞妹妹都差唔多食咗成隻！而且仲唔少得有翡翠螺，蜆，海蝦等等嘅冷盤海鮮！性價比高食材高質👍🏻熟食區更有燒雞翼，意粉，燒牛肉，中式點心，印度薄餅，薯條意粉，飯麵，燉湯，小菜等等包羅萬有🤩甜品區調返轉係我嘅主菜😬女人嘅第二個胃🤭特別大讚蘋果金寶好出色😍芝麻糊唔甜好重芝麻味！仲有多款嘅蛋糕仔，小朋友最愛嘅朱古力噴泉🙌🏻真係大滿足妹妹都食咗好多唔同種類嘅甜品🍮…Read More

生日想食自助餐，有朋友推薦這間，於是當日長途跋涉入了海洋公園內，環境是優美的，先來一個好印象，可惜跟住食的每一樣食物水準都幾乎不合格，又魚生到沙律到熱食沒有一樣對得起價錢，唯有甜品部只能說是「正常」，以這個價格簡直是浪費時間，就算平一半價錢我覺得都不值，算是人生吃過最難食的自助餐，沒有之一。如果只是想享受優美環境的，其實可以去旁邊的lobby lounge區叫杯咖啡或叫件蛋撻一樣可以享受同一個風景，自助餐就真係非常垃圾！介紹我去的朋友應該是整蠱…Read More

上年生日是假日食過一次覺得環境好！食材都唔錯！但今次平日嚟食冇一樣嘢係新鮮好味的😖尤其是龍蝦韌度好似橡膠一樣！完全吞唔到！冷凍海鮮只有蝦比較爽口👍大螺食了兩隻都有沙😓刺身都唔知擺放咗幾耐！完全唔新鮮！好腥！甜品有很多款式！外型吸引🤩味道一般！印度咖哩羊是好味的👍但印度脆片是不脆口！口感淋了😓食得最多嘅係四季豆炒帶子和炒蘿蔔糕,正正常常！雖然而家係做緊特價,但我覺得一啲都唔值呢個價錢🤔俾三星酒店的自助餐還差！希望酒店能夠注意平日的食材🙏因為酒店距離海洋公園有一段路程,但有免費穿梭巴士提供,這個安排是值得一讚👍…Read More

是日Dinner Buffet 🍽優點 ：•環境一流， 10分滿分可以俾到10，坐既位置係好舒服• 即煎個 part 係最好， 煎牛肉好好食•甜品：Cheesecake 係甜品中最好，好好食，仲有M字牌雪糕，都有5，6款味可以揀缺點：•明顯補食物唔夠快，好多盤都俾人拎哂吉左•款式唔夠多•凍海鮮有大路龍蝦，青口，蟹腳， 凍蝦，如果要食生蠔就會失望•壽司類賣相好一般•蛋糕都係唔夠多款，反而多左好多其他類，好似啫喱糖，芝麻糊呢d…Read More

今次入住富麗敦酒店順便食埋樓下自助晚餐自助餐超多菜式選擇，我由七點食到九點半冇停過新鮮刺身壽司、龍蝦長腳蟹、自製沙律、亞洲美食、西式美食、多款芝士、即切燒牛扒、即煎鐵板雞翼、魷魚、牛肉、即製海鮮雜燴、西湯及中式燉湯、超大甜品區、飲品仼飲等欣賞餐廳以下幾點：🌟中式燉湯超足料，鮮甜到飲左兩碗🌟即煎鐵板熱辣辣香噴噴，必食！🌟甜品超多款式選擇，而且好有特色…Read More

早幾日母親大人生日🎂,知佢一定會去海洋公園睇熊貓bb🐼🐼~所以訂咗富麗敦海洋公園酒店嘅自助餐~其實呢間bookmark咗好耐🔖,今次終於有機會去試下啦!訂呢間最大原因係佢啲冷盤海鮮好吸引😍~有母親大人喜歡食嘅龍蝦,仲有我喜歡食嘅蟹腳🦀~我訂嘅時候咁啱KKday做緊特價,兩位只係八百零蚊,每人四百幾,真係超抵!不過而家好似無咗呢個快閃優惠~所以可以睇晒KKday同Klook兩邊,睇下邊個有特價~Klook可以用埋我95折優惠碼👉HELENC5KLOOK👈添!講返嘢食,一入門口其實最搶眼係甜品部~因為有啲好精緻嘅小蛋糕🧁,仲有鯛魚燒同可麗露~而我哋第一站當然係海鮮冷盤~龍蝦勁搶手🦞,但係職員都fill得好快~我哋食到夜晚8點幾都keep住有好多供應👍~而蟹腳係好鮮甜😋,無平時成日食到嘅死鹹~可以話係呢兩年食過嘅自助餐中最好味嘅蟹腳~其餘仲有龍蝦鉗,蝦同埋蜆都OK👌~熱食方面選擇唔太多,天婦羅最好食🍤,炸漿好脆,不過唔太夠薄~我仲試咗佢啲咖喱🍛,薄脆同埋壽司都唔錯🍣~刺身方面有三文魚,鯛魚,希靈魚等等~不過因為真係好專心食海鮮,所以其他嘢食拎得唔多🤭~最後係甜品部份,佢啲細細粒甜品全部都整得好精緻🍰,而且味道好好~除咗小蛋糕,仲有其他甜品,例如木糠布甸同埋桂花糕🌼~而佢嘅雪糕係movenpick🍨,仲有我一直都勁想試嘅薄荷朱古力味添🌱!雖然呢度可以由6點食到9點半⏰️,但好多人都8點幾就食飽咗離場了~我哋都係差不多時間,因為實在飽到不得了🤰~食咗好多蟹腳同龍蝦,好幸福🥰~…Read More

之前嚟過lunch buffet覺得環境好好,服務亦很好。今次同朋友買一送一嚟試下Dinner buffet,收碟好快,電話回覆亦好快,酒店有任飲酒套餐＄248/$348+10%（紅白酒,香檳）,視乎你想飲咩。食物方面如果減少款式增加一些蒸海鮮／刺身款式就更好,不過買一送一真係值得去,亦好高興見到餐廳滿座,始終地點比較輸蝕,但南區人既我哋就好OK^^食物：刺身-甜蝦,吞拿魚,三文魚,希靈魚,油甘魚凍海鮮：長腳蟹,龍蝦,蜆,青口,龍蝦鉗沙律菜：好多種類藍芝士好好味。即燒大蝦,燒西冷,土耳其燒肉飲品：自助咖啡機,凍/熱檸茶,橙汁,蘋果汁甜品：M字雪糕,日式主題甜品,🐼蛋糕,等等燉湯,湯粉麵,炒蟹鉗用餐至21:30,員工亦有善提我哋22:00收工用餐有一個夾公仔既幣,今次嚟已經無得夾🐼公仔…Read More

#星耀廳hmmm we buy from online platform 718 for 2. place is a but far, u can to go mtr ocean park b exit and wait for shuttle go. car need 10mins and arrive. not very far but need shuttle bus.place is nice, very new, environment good, surrounded by sea.food there is downgraded.all hot food is fair. beef is ok. korea theme food is disseater.....jp sashimi is ok, hamachi is not fresh. salmon is ok.ultimate the sweet bar is the best.large variety of cake. very yum.probably not comin back unless i want sweet.…Read More