銘興山西刀削麵 (民泰街)

营业中

休息中

今日嚟到黃埔探朋友，朋友帶我哋去試呢間刀削麵~ 刀削麵有好多唔同款嘅餸可以揀，亦都可以選擇冷或熱乾拌，或者湯刀削麵！面底係有擔擔醬同麻醬，跟少少青瓜絲同花生！撈埋一齊有啲混醬嘅感覺~擔擔醬係微辣，好惹味！刀削麵麵質煙煙韌韌，係有咬口嘅，同啲醬汁好夾，好好食！我哋揀咗豬頸肉，醉雞同埋牛筋腩做餸，牛筋腩好腍好好食，豬頸肉嗰邊有啲焦脆，幾好食！醉雞係差唔多半隻，仲有糖心蛋添，醉雞好入味好重酒味，雞都幾滑！而且份量都幾多~感覺性價比好高！飲品方面，叫做阿華田脆脆！阿華田凍飲上邊鋪滿咗脆脆，口感好豐富！更餐只係加$8好抵抵 ！