影片
更多
2025-04-30
48 浏览
好友通知鮨燐做緊週年祭14貫壽司嘅廚師發辦只係$897係原價嘅65折！真係抵到爛即刻約齊朋友復活節前食餐好😆雖然係優惠價但絕對不惜工本先黎前菜三點由左至右先有九洲黃粟米配粟米凍湯粟米味超香濃飲落凍冰冰好開胃清甜得黎有少少奶滑好似高級版粟米湯啫喱鹽燒螢光魷魚魷魚細細隻但好彈牙燒過之後個煙燻味都幾搶眼好啱佐酒靜岡蕃茄配梅酒啫喱蕃茄甜中帶酸包住個梅酒啫喱一齊食幾有驚喜酸甜平衡得靚清爽得嚟有層次🍣愛媛縣蜜柑鯛：魚肉滑溜，入口有淡淡柑香，好fresh好清甜，成件事幾高雅🍣北海道帆立貝：咬落鮮甜得嚟有奶油感，唔洗加醬油都已經好夠味🍣墨魚：好煙韌，𠝹花增加墨魚黏糯口感，再加紫蘇葉添香，層次更豐富🍣長崎伊佐木配辣蘿蔔蓉：肉質結實中帶油香，辣蘿蔔蓉畫龍點睛，令魚味更突出🍣（季節限定）神奈川縣梭子魚：先火炙過，皮脆肉香，再加上鮮磨芝麻，令香氣成倍增，油香同堅果味撞出火花🍣大分縣深海池魚配麵豉：魚味鮮濃，肉感結實，麵豉唔會太鹹，反而帶少少甘味，幾出色🍣鹿兒島鰆魚：魚身厚實有彈性，咬落去啖啖脂香，簡單但滿足🍣岩手縣赤貝：又爽又彈牙🍣牡丹蝦配海膽：海膽搽喺牡丹蝦，creamy到一個點，入口即化，有海味又唔膩🍣鰹
14貫壽司嘅廚師發辦只係$897
係原價嘅65折！
真係抵到爛
即刻約齊朋友復活節前食餐好😆
雖然係優惠價
但絕對不惜工本
先黎前菜三點
由左至右
先有九洲黃粟米配粟米凍湯
粟米味超香濃
飲落凍冰冰好開胃
清甜得黎有少少奶滑
好似高級版粟米湯啫喱
鹽燒螢光魷魚
魷魚細細隻但好彈牙
燒過之後個煙燻味都幾搶眼
好啱佐酒
靜岡蕃茄配梅酒啫喱
蕃茄甜中帶酸
包住個梅酒啫喱一齊食幾有驚喜
酸甜平衡得靚
清爽得嚟有層次
🍣愛媛縣蜜柑鯛：魚肉滑溜，入口有淡淡柑香，好fresh好清甜，成件事幾高雅
🍣北海道帆立貝：咬落鮮甜得嚟有奶油感，唔洗加醬油都已經好夠味
🍣墨魚：好煙韌，𠝹花增加墨魚黏糯口感，再加紫蘇葉添香，層次更豐富
🍣長崎伊佐木配辣蘿蔔蓉：肉質結實中帶油香，辣蘿蔔蓉畫龍點睛，令魚味更突出
🍣（季節限定）神奈川縣梭子魚：先火炙過，皮脆肉香，再加上鮮磨芝麻，令香氣成倍增，油香同堅果味撞出火花
🍣大分縣深海池魚配麵豉：魚味鮮濃，肉感結實，麵豉唔會太鹹，反而帶少少甘味，幾出色
🍣鹿兒島鰆魚：魚身厚實有彈性，咬落去啖啖脂香，簡單但滿足
🍣岩手縣赤貝：又爽又彈牙
🍣牡丹蝦配海膽：海膽搽喺牡丹蝦，creamy到一個點，入口即化，有海味又唔膩
🍣鰹魚：魚肉油脂豐富，魚子帶鹹香，一齊食有層次感
🍣中拖羅：切得靚，冇筋，魚味厚實但唔腥，算係水準以上
🍣長崎縣生鯖魚：炙過之後油脂滲出，肉質厚而濃味，炙香好正
🍣青森縣三文魚子：師傅最後用匙羹逐粒舖上去，視覺上已經加晒分。魚子爆汁，好鮮好甜，結尾一貫夠晒精彩
🍣（追加）北海道赤馬糞：又甜又creamy❤️❤️
最後仲有麵豉湯同廚師自家製嘅宇治抹茶奶凍！
鮨燐嘅壽司真係有誠意
魚生新鮮度一流
調味正宗
每貫都食得出細節同手藝
唔係得個樣
平時價錢中高
今次週年祭值得一試！
张贴
