影片
更多
2021-11-29
82 浏览
我從來冇諗過去海港城有間咁舒適嘅日本鮨店。午餐set$780 有十二件，仲有玉子燒、碗物、甜品，其實係普通嘅日本鮨店都係呢個價錢，更何況係海港城。聽我老公講，師傅好似幾出名，但係當然我冇理到佢講乜嘢，我有得食就算，哈哈。全間餐廳其實只有十幾個位，非常舒適。左口魚先登場，有wasabi 在內，味道夠，醋飯剛剛好。深海池魚，同平時吃過的感覺細膩一點，醬汁同魚和飯的比例剛剛好。鰆魚，都算幾少見嘅魚，不錯的選擇，魚香濃。虎山縣白蝦，好正，白蝦一堆的爆炸感，令人難以忘懷。春子鯛，又叫鱲魚，好甜，原來加左點少少的點子，師傅好好咁講左俾我地聽，但唔想透露，唔想俾其他人炒橋。呑拿魚醬油漬，開始呑拿的時間，師傅俾左我地睇今日熟成左嘅貨色，呑拿魚醬油漬味道當然強同濃，幾好。中拖羅，漸入油香的佳景，油份強，有少少帶筋。大拖羅就一定係我最愛，入口即溶，無痕，好想立刻整多件。手釣池魚，好似第一次食，老公就話有食過，我覺得特別鮮味，真心係我食過最好食的池魚。筋子，師傅話就季尾，粗俗咁講食到口爆，好興奮。北海道根室的海膽，無特別多無放到山咁，但就係鮮甜的好吃。海鰻係最尾，相對有少少失望，因為係築地試過壽司大好好味的
午餐set$780 有十二件，仲有玉子燒、碗物、甜品，其實係普通嘅日本鮨店都係呢個價錢，更何況係海港城。
聽我老公講，師傅好似幾出名，但係當然我冇理到佢講乜嘢，我有得食就算，哈哈。
全間餐廳其實只有十幾個位，非常舒適。
左口魚先登場，有wasabi 在內，味道夠，醋飯剛剛好。
深海池魚，同平時吃過的感覺細膩一點，醬汁同魚和飯的比例剛剛好。
鰆魚，都算幾少見嘅魚，不錯的選擇，魚香濃。
虎山縣白蝦，好正，白蝦一堆的爆炸感，令人難以忘懷。
春子鯛，又叫鱲魚，好甜，原來加左點少少的點子，師傅好好咁講左俾我地聽，但唔想透露，唔想俾其他人炒橋。
呑拿魚醬油漬，開始呑拿的時間，師傅俾左我地睇今日熟成左嘅貨色，呑拿魚醬油漬味道當然強同濃，幾好。
中拖羅，漸入油香的佳景，油份強，有少少帶筋。大拖羅就一定係我最愛，入口即溶，無痕，好想立刻整多件。
手釣池魚，好似第一次食，老公就話有食過，我覺得特別鮮味，真心係我食過最好食的池魚。
筋子，師傅話就季尾，粗俗咁講食到口爆，好興奮。
北海道根室的海膽，無特別多無放到山咁，但就係鮮甜的好吃。
海鰻係最尾，相對有少少失望，因為係築地試過壽司大好好味的，未可以食到入口溶溶地個種感覺。
玉子近似saito口感似蛋糕，食落會流心咁。
尾聲的湯都不錯，甜品係勁特別嘅wasabi雪糕，覺得好似食另一件壽司咁滿足。
埋單一位八百幾蚊，海港城地舖，價錢算唔錯，不過聽師傅講其實絕對有機會加錢，無辦法，租太貴，但佢嘅好處係，我相信過咗十二月之後應該會又係另一間人氣店。
张贴
