灘五郷

📍灘五鄉💡灣仔早幾日收早，我同朋友去咗灣仔灘五鄉食lunch，叫左一份刺身五種定食（Sashimi Set），真心話俾你聽，呢餐食到我好滿足！日式簡約風同木枱木椅，感覺好舒服，燈光又暖暖地，成個人都放鬆晒，似足喺日本食飯咁刺身定食有五款刺身：鯖魚、金目鯛、中拖羅、赤蝦同赤身。仲有啲紫蘇葉同蘿蔔絲點綴，望住都覺得賞心悅目。我第一啖試鯖魚，入口好清爽，帶啲微酸嘅海水味，肉質又嫩，完全係鯖魚嘅精髓！跟住試金目鯛，肉質軟中帶彈，油脂好平均，食落甜甜地，入口即化，超正！中拖羅真係我最愛，油花靚，肥美但一啲都唔膩，赤蝦又係另一種驚喜，爽脆彈牙，最後嗰赤身就簡單直接，肉質結實，魚味好濃除咗刺身，定食仲有好多配菜！前菜係醃黃瓜同海藻沙拉，酸酸甜甜好開胃。漬物微鹹，配白飯食一流，茶碗蒸真係要讚，滑到似布丁，蛋香同高湯味一齊爆出來！麵豉湯有蔥花同豆腐，湯頭濃但唔死鹹，暖笠笠咁飲落去