帝樂德國餐廳 (Fashion Walk) (已結業)

朋友介紹銅鑼彎有間特色德國餐廳，味道同環境都好唔錯，今日放假就同朋友享受一個悠閑的Brunch。逢星期六日都有2小時半自助早午餐，連湯、沙律bar、凍肉冷盤、熱盤、海鮮、甜品同咖啡或茶，另外仲可以揀主菜，簡直抵食。自助bar好企理整潔，refill速度好快，店員收盤都好勤力，絕對唔會驚食物冇哂，或者無位放野食。扒大蝦·挪威三文魚柳配番茜新薯及蒜蓉牛油汁$260由於太多野食，我地2人揀左1份三文魚做主菜，三文魚輕煎，做到皮脆肉嫩，切開仍有肉汁，而且好夠份量，大蝦新鮮彈牙，配菜亦夠精緻。凍海鮮好搶手，有青口同大蝦，2樣都好新鮮，甜美彈牙，食到停唔到口。另外沙律亦都有好多選擇，可以自己揀沙律菜同醬，亦有已調好的例如長通粉、水果沙律等，另外仲有幾款火腿，真係多到數唔哂。熱盤亦都好豐富，一般德國腸緊係唔少得，仲有一出爐就搶住要的薄餅，夠哂薄脆香口、炸魚、炸雞、焗蛋餅、芝士肉醬焗薯皮。另外仲有餐湯同幾款麵包選擇，滿足到唔同口味的客人。最後又點少得甜口，首先有幾款新鮮水果，夏天熱辣辣，見到咁靚咁甜的西瓜真係雙眼發光，另外香濃芝士蛋糕、嫩滑焦糖燉蛋、脆口拿破崙，見到幾飽都忍唔住要試哂。📌帝樂 - 德國