申子居酒屋

营业中

休息中

之前試過食申子晚飯好高質，同朋友講起先知原來午市有定食套餐好抵，做緊六折優惠！即刻去試下！我叫左刺身定食配雞白湯手打烏冬🌟佢有五款刺身，每片魚生都好厚切，一片三文魚腩係平時兩片加埋嘅厚度，油甘魚包住蔥絲好香，三文魚子同甜蝦好鮮甜，仲有伊左木魚，性價比好高！烏冬湯底無味精，飲晒成個湯都冇問題 。汁煮左口魚裙邊🌟第一次見到咁大塊嘅左口魚裙邊，火炙過帶出咗魚油香，仲有三文魚子送飯一流 。牛肉壽喜燒定食🌟牛肉量好多，配埋蛋黃好滑❤️，而且白飯可以免費添加，男士大食啲都唔怕唔飽 。要讚一讚佢嘅配菜好用心，有汁煮牛舌同埋原條蟹肉同蟹籽，冇諗過百零蚊嘅午餐可以食到咁高質嘅配菜 。下次去銅鑼灣lunch要再嚟申子encore 。