影片
更多
2024-02-15
37 浏览
去完馬拉旅行意猶未盡，年夜飯就揀咗近期新開業嘅「安娣瑪萊Auntie MALAY」，由馬籍華僑總廚Chef Han主理嘅正宗馬來西亞菜，實在令我太期待啦！餐廳以南洋風格嘅花磚同工藝品打造成好似娘惹大宅嘅環境，座位寬敞好坐，仲設有許多梳化位，門口巨型鳥籠極具特色，配合青翠綠色同馬拉圖案氛圍極似馬拉花園，真係打卡一流！迷你魚醬蝦米春卷 呢個餐前小吃系馬來西亞傳統新年食品，蝴蝶結形狀賣相好得意，炸得薄脆，用香口嘅魚鬆同魚仔做餡，點辣椒醬，惹味又開胃！蟹肉雜菜薄餅卷fusion菜式，口感好清爽，有別傳統馬拉菜嘅重口味，香脆薄餅皮包裹著爽脆雜菜絲好易入口！內裡系啖啖蟹肉，口感層次很豐富！海南雞鑊仔飯 (半隻)製作需時，將海南雞飯同瓦煲雞飯二合為一嘅神級構思，雞油飯上舖滿牡丹蝦乾、芋頭及臘味粒，再與香茅、班蘭、南薑、薑 及蒜同蒸，開蓋系撲鼻香氣！由店員熱辣辣現場撈鑊仔飯超有儀式感，去骨海南雞細膩香滑，仲嫩過馬拉好多。鐘意佢金黃香脆嘅飯焦，超級香口。亞參酸辣沙巴仔配黃金油條賣相超正，沙巴仔份量滿足，用亞參酸辣湯調味，加入羅望子、薑花、喇沙葉、南薑及馬拉盞蝦醬等，酸甜開胃醬汁，亦十分上色入味。搭配迷你
去完馬拉旅行意猶未盡，年夜飯就揀咗近期新開業嘅「安娣瑪萊Auntie MALAY」，由馬籍華僑總廚Chef Han主理嘅正宗馬來西亞菜，實在令我太期待啦！
餐廳以南洋風格嘅花磚同工藝品打造成好似娘惹大宅嘅環境，座位寬敞好坐，仲設有許多梳化位，門口巨型鳥籠極具特色，配合青翠綠色同馬拉圖案氛圍極似馬拉花園，真係打卡一流！
迷你魚醬蝦米春卷
呢個餐前小吃系馬來西亞傳統新年食品，蝴蝶結形狀賣相好得意，炸得薄脆，用香口嘅魚鬆同魚仔做餡，點辣椒醬，惹味又開胃！
蟹肉雜菜薄餅卷
fusion菜式，口感好清爽，有別傳統馬拉菜嘅重口味，香脆薄餅皮包裹著爽脆雜菜絲好易入口！內裡系啖啖蟹肉，口感層次很豐富！
海南雞鑊仔飯 (半隻)
製作需時，將海南雞飯同瓦煲雞飯二合為一嘅神級構思，雞油飯上舖滿牡丹蝦乾、芋頭及臘味粒，再與香茅、班蘭、南薑、薑 及蒜同蒸，開蓋系撲鼻香氣！由店員熱辣辣現場撈鑊仔飯超有儀式感，去骨海南雞細膩香滑，仲嫩過馬拉好多。鐘意佢金黃香脆嘅飯焦，超級香口。
亞參酸辣沙巴仔配黃金油條
賣相超正，沙巴仔份量滿足，用亞參酸辣湯調味，加入羅望子、薑花、喇沙葉、南薑及馬拉盞蝦醬等，酸甜開胃醬汁，亦十分上色入味。搭配迷你香脆油條，南洋風味十足。
斑蘭咖椰多士
馬拉旅行最鐘意美食之一就係佢地斑蘭咖椰醬多士，呢度雖然多士未及馬拉食過咁脆香，但佢斑蘭咖椰勁creamy，而且佢香甜可口唔會太油膩。
斑蘭椰汁紅豆冰同三色冰奶茶
尤其喜歡斑蘭椰汁紅豆冰，極邪惡！佢個椰香味太惹味啦，斑蘭同紅豆完美結合，口感香滑綿密。
张贴
