The Pearl

係尖沙咀想搵間有氣氛嘅餐廳同男朋友二人世界，搵搵下就搵到呢間，入到嚟好有氣氛，可以慢慢同朋友或者另一半傾下計飲下酒咁，感覺都唔錯#無花果帕馬火腿沙律 配巴馬臣芝士、松子仁及黑醋橄欖油汁無花果嘅甜美味道搭配咗鹹香嘅帕馬火腿，形成咗一種絕妙嘅對比，無花果肉質柔軟，果汁豐富，咬落去甜中帶著一絲清新，正好中和咗火腿嘅鹹味，令整體味道更加平衡，而松子仁係其他餐廳嚟講都比較少見，估唔到會令成道菜式層次更加豐富，令沙律增添咗一絲脆口感，真係好過癮#吞拿魚牛油果泡沫他他配自製羅勒油 完全冇諗過原來吞拿魚同牛油果可以咁夾，既有魚肉嘅鮮香，又有牛油果嘅滑順，而加埋自製嘅羅勒油令成個味道好豐富，食落又會有少少辣辣地，有時又會食到清清地，好特別#和風醬油大蝦煙肉扁意粉 呢碟意粉係超級好味！！！首先啲蝦肉質彈牙，又大隻，完全唔係普通貨色，而煙肉經過煎香，外脆內嫩，撈埋意粉一齊食和味，而意粉比出面食開嘅比較硬食，男朋友超級鍾意，如果你都鍾意有咬口嘅意粉真係必試#香煎牛風門柳 牛柳經過香煎之後，外層形成咗一層微焦嘅金黃色，口感脆口，而牛肉肉質厚實，完全係啖啖肉，仲有牛肉嘅鮮香，加埋醬汁一齊食好清新而我哋仲叫咗兩杯野