Kailash Parbat

营业中

休息中

一直想試吓唔同類型嘅菜式，朋友建議試吓食印度菜，網上見到都有人介紹呢間，所以就試吓啦(留意番呢間係食素菜嘅印度餐廳😝)有別於我嘅刻板印象，呢間餐廳裝修簡約有特色，座位闊落，環境亦安靜👍🏻SEV PURI $79脆脆小兜仔裝住唔同嘅配料，有粟米、洋蔥、蕃茄，同埋薯仔粒，口感豐富，整體酸酸甜甜非常開胃🤤TRIPLE SCHEZWAN RICE $140炒飯份量好多，好香好惹味（注意：偏辣），炒飯仲要炒到粒粒分明～另外仲有一碗炒麵脆脆同埋素肉丸醬俾你撈埋個飯一齊食，可以中和返個辣度🌶️🥵PANEER TIKKA (2types) $129呢款係印度乳酪，餐廳用香料醃製成兩種口味（綠薄荷同橙色醃製嘅組合），外皮微焦，第一下以為係豆腐🤣個人覺得綠色嗰款比橙色鹹啲，可以配埋薄荷醬食，不過我覺得就咁食個cheese有啲膩，同埋可能我食唔慣，cheese 味好濃烈🥹KULCHA $49呢款薄餅底面烘得香脆，但食落好煙靭，入面係有餡嘅，今次揀咗Masala，佢係偏辣嘅黃咖喱🍛PANEER MAKHANWALA $118呢款醬就係用嚟點薄餅，係奶油番茄腰果肉汁烹調而成，入面都有好多印度乳酪，可以撈埋一齊食