Kailash Parbat

喺香港都可以食到高質素嘅印度素菜，餐廳裝修充滿印度風情，色彩繽紛，空間夠大唔會有壓迫感，燈光比較柔和，有好多打卡靚位🥰📌PANI PURI $69係一款好經典嘅印度街頭小食，口感鬆脆，裡面有啲薯仔，配備咗兩款汁，一款係羅望子酸甜醬，另一款係薄荷酸汁，兩款味道都好獨特。📌KP SPECIAL BIRYANI $109素印度香飯用長米製作，裡面加咗薑黃，咖喱等等調味料，配咗蕃茄三色豆，另外跟咗一小杯乳酪可以點嚟食，味道好清新。📌PANEER TIKKA LABABDAR $128原來係印度一種唔會溶化嘅鮮乳酪，有啲似食緊豆腐，配搭印度烤餅一齊食，口感層次豐富。📌TRUFFLE GHEE KULCHA ＄59 松露的獨特香味同 ghee 濃郁奶香完美融合，外層微脆，內裡鬆軟，帶有淡淡嘅鹹香同奶油感，好適合同咖哩一齊食。📌PANEER THREE PEPPERS $109 Paneer 本身口感軟嫩，吸收咗甜椒嘅香氣同香料嘅調味，整體味道濃郁但唔膩，使用咗印度香料如孜然，薑黃同辣椒粉，但不會過辣，都幾適合大眾口味。📌LASSI MALAI MARKE(MANGO) $65芒果乳酪口感好清新，每啖都有淡淡既香草嘅味道，仲可以解辣。📌PISTACHIO MILKSHAKE $65開心果奶昔口感有啲甜，裏面啲粒粒好有層次感，開心果迷一定飲唔停口。Kailash Parbat創於孟買,原來已經有70年歷史,多年嚟都堅持傳統印度素食,佢嘅菜式一啲都唔單調，職員仲會用心教我哋正宗嘅食法，真係值得一試。…查看更多

餐廳在孟買已經有70年歷史, 全球有80間分店, 不止受當地印度人歡迎, 還吸引到不少香港人來這間香港分店用饍 😆 餐廳非常光猛, 色彩繽紛, 尤其中間擺放很多飾物, 很適合打卡 😊 Bhatura $30Aloo mutter $99Saag paneer $128超巨型的圓型薄餅, 剛剛焗好熱騰騰卜卜脆, 跟一般薄餅有分別, 相對薄身, 而且口感有點像餅乾, 我跟朋友都非常喜歡 😋 另外我們點了2款咖喱配薄餅吃, 2款都不辣, 1款是鷹咀豆咖喱, 豆味比較濃郁, 另1款則是用菠菜做底, 帶少許青菜味 😌 如果要比較我喜歡鷹咀豆那款多一點。Paneer three peppers $109這款類似前菜般, 涼食的, 乳酪加紅蕃石榴, 酸酸甜甜很清新, 裡面有不少圓餅, 就算浸在乳酪裡都不減它的脆口 😀 圓餅使整個菜式不太單調。Papdi Chaat $89是1粒粒芝士, 芝士味道濃而不膩, 口感卻像蜂巢豆腐, 再咬久點就像薯仔, 醬汁偏濃並且微微辣, 很適合重口味的我 😬 很惹味的。Mango Lassi $65印度餐廳的Mango Lassi從不會令我失望, 雖然這杯Mango Lassi價錢比較貴, 不過來印度餐廳不喝Mango Lassi就是有點不習慣。食物不錯, 尤其大薄餅, 是必點之選!! 餐廳的staff全都是印度人, 而且有不少staff, 所以不用擔心沒有人理會你 🫶🏻…查看更多

香港都可以食高質素食印度菜 係尖沙咀全球已有80分店 既Kailash Parbat 作為創於孟買1952年70年歷史老字號印度素菜.✨TAKA TAK MUSHROOM咖哩黎講 呢款算是相當怡人口感順滑 不會過份辛辣 似coco咖哩蘑菇份量好足料 好食👍🏻✨GARLIC NAAN (Butter)烤麵包 鬆脆可口 牛油味香濃每塊鋪滿芝麻 點埋咖喱汁 相當惹味個人口味鍾意芝士嗰款多啲.✨MASAL CHEESE NAAN芝士烤麵包 👍🏻中間夾心夾住芝士 食落更有層次 同樣地相當香口✨PANEER TIKKA (2 TYPES) (6PIC)香料醃製成的印度奶酪 類似炭烤芝士 奶酪質地紮實，口感獨特，並且常搭配薄荷酸辣醬.✨CHOWMEIN炒麵 帶少少微辣 相當開胃 👍🏻亦都炒得相當乾身食落一啲都唔油膩 份量都相當多✨MANGO MILKSHAKE絕無假甜 鮮芒果香 酸酸甜甜 配合椰絲層次豐富 好飲！本來想試開心果 但係賣哂🫣…查看更多

🌞 假日終於可以hea下！行完海港城之後，決定去尖沙咀試下最近成日見人推介嘅 *Kailash Parbat*。呢間由印度人主理嘅素食餐廳喺印度都好出名，主打地道印度素食，話明齋都可以好豐富、多層次～ 一入去就聞到濃郁嘅香料味，裝修亦好有印度風情：💡金銅色吊燈、彩色布藝牆飾同木製傢俬，配上柔和嘅燈光，感覺好溫暖又帶點異國味。午市時間客人都幾多，不過氣氛仍然好輕鬆，啱晒假日慢慢chill住食。🍽 今次午餐我試咗以下幾款人氣菜式：🧆 BAMBAIYA DAHI PURI ($89) - 一上枱就超吸睛～ 細細粒脆波波每個都包住薯仔泥，加埋酸甜醬汁同濃郁乳酪，最後灑滿香料同炸粉絲。食落又酸又甜又香，層次豐富，好開胃!🌰 BORIVALI KI DABELI ($79) - 呢個係印度街頭小漢堡，外層麵包香軟，入面夾住濃滑薯泥、花生碎、石榴粒同羅望子汁。口感好有驚喜，花生嘅脆、石榴嘅甜，加上香草清新味，整體唔覺得heavy!🍛 CHOLE BHATURA ($115) - 去印度餐廳必食！鷹嘴豆咖喱香料味濃但唔辣，汁稠稠地好巴飯。配埋炸得香脆外軟內空嘅Bhatura（麵包），撕開嚟蘸汁食超正～ 我揀咗芝士版本，味道更香更滑，飽足感十足！ 🍚 KP SPECIAL BIRYANI ($109) - 香料飯一上枱就已經聞到香味，飯粒分明、色澤金黃。入面有豆腐、雜菜、少少洋蔥絲，香料配得啱啱好，唔嗆、唔油膩。每啖都充滿層次! 🧀 MALAI PANEER TIKKA ($129) - 芝士控必試！厚切Paneer 用鮮忌廉、腰果蓉醃過再燒香。外層微焦，裡面仍然軟滑。配埋薄荷醬酸香解膩!🪔 Kailash Parbat 絕對打破我對「素食=淡而無味」嘅印象。菜式精緻，香料味唔嗆，好有層次，每一樣都值得慢慢品味。假日中午嚟食特別舒服，唔使趕場，食下又傾下偈，節奏啱啱好～ 而且店員都好親切，仲介紹得詳細又禮貌!真係一間吾錯嘅餐廳推介!👍…查看更多

呢間印度素菜餐廳創於1952年嘅孟買，擁有70年悠久歷史，全球80間分店，帶來正宗又獨特嘅孟買街頭風味！特色菜式充滿濃厚印度文化氣息，唔係處處有得試，令人一試難忘！Bambaiya Dahi Puri正宗孟買街頭小食嘅代表！酥脆嘅炸麵團外殼薄脆可口，內裡填滿綿密薯蓉同酸甜醬，入口爆汁，酸甜交織☺️面頭淋上清涼酸奶、撒上香脆sev（炸麵條）同特調香料，味道層次豐富😍每一啖都係孟買街頭嘅風情！小巧精緻🥰Baigan Masala
Baigan Masala將茄子嘅美味發揮出色🤣茄子慢煮至軟嫩，吸滿濃郁嘅洋蔥蕃茄醬汁，配以手搗香料，散發陣陣辛香，惹味而不辣👍🏻醬汁濃稠入味，茄子入口即化，帶有微甜同香料嘅層次感，配搭牛油烤餅（Naan Butter），完美提升風味☺️Aamchi Mumbai Sandwich
係孟買街頭嘅經典再現！軟綿白麵包塗上鮮香嘅香草醬，夾住薯蓉、爽脆青瓜同蕃茄片，仲有中間融化流心嘅芝士🤤入口濃郁又滿足😍每咬一口，薯蓉嘅綿密同芝士嘅香濃完美融合，配上酸甜番茄醬同香脆薯片，口感同味道層次分明👍🏻Pot Rice
Pot Rice係一道充滿亞洲風味嘅炒飯！飯粒炒得粒粒分明，配上多款異國蔬菜同蒜香醬油，蔬菜爽脆，蒜香同醬油嘅鹹香完美融入飯中，每一口都充滿鑊氣同風味☺️簡單卻不平凡，適合鍾意炒飯嘅朋友🤣Naan Butter
Naan係印度餐嘅靈魂！烤餅烘得外層微焦，內裡軟韌，塗上濃郁牛油，散發誘人香氣☺️撕開一啖，牛油香同烤餅嘅麵香完美融合，無論單食定用來沾Baigan Masala嘅濃醬，都係絕配🥰Mango Lassi呢杯係經典印度飲品嘅代表！芒果嘅濃郁甜香同酸奶嘅順滑口感完美結合，入口清新又creamy，甜度適中，解膩又解渴☺️Chilli Guava
呢杯係一杯充滿驚喜嘅飲品🤩芭樂汁清甜爽口，杯邊灑上辣椒粉，入口微辣刺激，帶來意想不到嘅過癮感🤣甜中帶辣嘅組合令人振奮，飲落去清新又醒神，完美平衡濃味菜式🤤外觀仲帶點趣味😍…查看更多

朋友話帶我食印度素菜🌿，本來仲驚頂唔順濃烈香料，試過先知有驚喜~餐廳裝修充滿異國風情，每個角落都係打卡靚位📸 🌽CRISPY CORN BASKET驚喜開胃菜！面上撒滿繽紛配料—脆卜卜嘅印度sev（炸麵條）、紅寶石般嘅石榴粒，再淋上酸甜開胃嘅羅望子汁，未食已經睇到流口水！🥯BHATURA去印度餐廳必食！ 炸得金黃香脆嘅巨型圓形薄餅，外層脆卜卜，撕開竟然係軟綿綿嘅空心結構！熱辣辣上枱，蘸上秘製醬汁，外脆內軟嘅口感真係無得輸～ 同一般薄餅唔同，佢更薄身，食落有啲似餅乾嘅酥脆感，但又帶點煙韌，好過癮！✨🔥PUNJABI SAMOSA經典印度小食！🥟 三角酥角外皮焗到金黃酥香，餡料用咗薯仔、青豆同多種印度香料炒製，入口濕潤但唔會糊口，層次分明～ 點埋酸甜薄荷醬，清新解膩，份量好大一隻~🌿SAAG PANEER必試之選！💚 新鮮菠菜打成蓉，燉煮至綿滑，再加入印度芝士Paneer，菠菜嘅清香完美平衡芝士嘅濃郁～ 最正係用Naan蘸盡最後一滴醬汁，濃稠嘅菠菜蓉掛喺烤餅上，未諗過菠菜同芝士可以咁夾！👏🫕DAL MAKHANI扁豆同紅腰豆加入番茄、奶油，用印度香料慢燉數小時，入口濃郁滑順～ 帶有番茄嘅微酸同奶油嘅香醇，溫和唔辣，配Naan一流！👍…查看更多

今次同大家介紹一間隱藏喺萬事昌廣場嘅印度菜寶藏餐廳！作為素食者都可以大飽口福，每道菜都充滿驚喜✨BOMBAY BASKET CHAAT脆脆麵粉籃子裝住酸香鷹嘴豆醬、薯蓉、乳酪同甜酸醬，仲有石榴同香料點綴！一啖放入口，酸甜辣鹹一次過爆發，口感層次多到數唔晒😋SABZ AUR METHI KI SABZI時令蔬菜用洋蔥番茄醬燴煮，面頭鋪滿炸香嘅 Fenugreek leaves，香氣撲鼻！蔬菜煮得啱啱好，唔會太淋，配薄餅食一流～MASALA CHEESE NAAN熱辣辣嘅Naan面包包住濃郁芝士同香料，拉絲效果滿分！芝士控絕對唔可以錯過，食完成個人都幸福晒MUSHROOM IN PEPPER GARLIC蘑菇炒得香口，黑胡椒同蒜香完美融合，惹味得嚟唔會太辣，送飯或者就咁食都得！VEG KHEEMA PAV自家製咖喱用咗 Nutrela 同蘑菇煮成，配上軟熟面包、洋蔥同檸檬，地道風味十足！麵包點咖喱汁食，真係停唔到口～…查看更多

同朋友去咗食印度素食，尼間「Kailash Parbat」係老字號印度素菜，1952 年創於孟買，已經有73 年歷史，堅持做傳統印度素食，全球已有80間分店，深然本地印度人喜愛🤩。入到店內已感受到印度風情，裝修色彩繽紛，仲掛了不少印度風餐具 - 茶煲 、砧板、鑊鏟、印度飯盒等等餐具，幾有特色，我未去過印度玩，感覺好似眼精去咗印度旅行🧳咁。🍽️ Sev Puri $79香脆的炸米餅，加了洋蔥、蕃茄、青瓜粒粒，酸酸甜甜，食起嚟幾開胃🤤。🍽️ Ragda Pattice $79 用咗薯仔整的餡餅煎到金黃色，外脆內軟，勁香薯仔味，入面粟米、薯仔，青豆粒粒，配搭辣用鷹嘴豆整醬汁，增加了層次感。🍽️ Chinese Bhel $79尼個印度中式炒麵，好似明星炒麵又香又脆有少少辣，配菜勁多料，有黃椒、紅椒、紅蘿蔔同椰菜絲等等。🍽️Chole Bhatura $115 叫咗餐廳招牌菜式，望落去好似巨大版煎堆，其實又蓬鬆又大的油炸麵包Bhatura，食落煙煙靭靭，本身食會冇味，點了惹味及香濃微辣咖喱醬汁，入邊重有鷹嘴豆，加埋辣椒、生洋蔥、檸檬汁一齊食更添口感。🍽️ Mushroom in Pepper Garlic $95有驚喜的黑胡椒香蒜煎蘑菇🍄‍🟫，蘑菇煎到外脆內軟，很香濃蒜味同黑胡椒香氣。🍹Mango Milkshake $55用咗芒果茸加Yogurt同奶溝成的芒果奶昔很芒果香氣，酸酸甜甜勁好飲。🍹Virgin Mojito $69滿滿薄荷葉Virgin Mojito，加埋鮮檸檬又清新又清爽。總結第一次食印度素食估唔到可以咁豐富，完全唔似食素食，比西式或中式素食更加多選擇，唔食素菜的朋友都可以試吓有驚喜的。…查看更多

四周圍搵美食嘅為食之之🤓人仔細細都叫試過唔同地方菜式🥣印度菜真係第一次食😮老字號印度素菜🥦🥬🌶️@kailashparbat.hongkong有成70年歷史🕰️主打傳統印度素食全球🌍已有80分店🏘️對於第一次食印度菜嘅客人老闆都會非常好客介紹幾款必點菜式🔎📝🌶️開胃前菜Paneer ‘65 印度芝士🧀配Chicken Tikka惹味烤雞🐣🌶️Butter Chicken Masala 牛油咖喱雞🐥🫓，配Mushroom Pulao 蘑菇炒飯🍛，食到停唔到🌶️仲有每枱必點嘅Butter Dosa 牛油薄煎餅，長過張枱啊‼️‼️配上不同醬料包括薯仔醬🥔、薄荷🌿、椰子🥥🌶️ Mango Lassi芒果印度奶昔🥭🍹中和返辣味🎉🎉餐廳而家仲做緊優惠🎉🎉即場喺社交平台story打卡 tag返餐廳即可享9折…查看更多

素食餐廳香港已經好少有，仲要係有特色有70年歷史既印度菜，連當地人都吸引嚟食～全球80間分店嘅實力，試完都真心firm👏🔸Chilli Paneer Gravy $109Paneer係印度淡味芝士🧀用秘製豉油醬汁烹煮，每粒芝士都掛滿醬汁～外脆內軟口感似濃郁版硬豆腐，香辣中帶豆香，配Masala Cheese Naan簡直絕配！🔸Saag Paneer $128新鮮菠菜🥬打成蓉燉煮印度芝士，菠菜清香平衡芝士濃膩～最正係用Naan蘸盡最後一滴醬汁✨未諗過菠菜同芝士可以咁夾！🔸Masala Cheese Naan $49熱辣辣烤餅充滿濃郁車打芝士味，混合瑪莎拉香料～就咁食已經好滿足，蘸咖喱食更加邪惡度爆錶🔥必點之選！🔸Ragda Pattice $79外層香脆薯餅，內裡藏有腰果碎同毛豆🥔，咬開時香料香氣湧出！配搭綿密鷹嘴豆醬，外脆內綿雙重口感🔸Veg Hakka Noodles $89印式中華炒麵🍜！三色椒爽脆清甜，麵條乾身！🔸開心果奶昔/Mango Lassi $65🧡堅果香濃郁到似食緊液體開心果，芒果甜與優格酸比例剛好…查看更多

✨朋友帶我嚟尖沙咀正宗印度菜，印度廚師處理，多年堅持傳統印度素食，全球已有80分店。***** ***** ***** ***** *****店內環境色彩繽紛，裝修有心思，侍應都是印度人。AAMCHI MUMBAI IN A GRILLED SANDWICH麵包非常脆口，CHILLY GARLIC NOODLES印度炒麵，非常地道。PEPPER MUSHROOM IN GARLIC DRY 蘑菇菇整得咁惹味，第一次試。CHEESE BUTTER MASALA第一次吃混合芝士的印度咖喱，芝士同咖喱味道好夾，非常香濃。GARLIC NAAN 蒜蓉味嘅薄餅，蘸滿咖喱醬，味道豐富，一口接一口，停唔到口。PANI PURI…查看更多

跟朋友相約到尖沙咀食印度菜，知道寶勒巷樓上有一間老字號印度素菜，始創於孟買1952年，全球更有80間分店，菜式種類豐富，無論傳統街頭小食或特色菜式都齊全，應有盡有！BAMBAIYA DAHI PURI 這道是傳統街頭小食，外層脆卜卜的圓殼，中間灌滿乳酪、薯蓉同辣味薄荷醬和甜酸羅望子醬，口感對比分明，乳酪清新解辣，入口微酸微甜，非常醒胃PUNJABI SAMOSA 餡料主要用薯仔、青豆同印度香料，外皮酥香，餡心濕潤但不糊，入口有層次，醬汁有酸甜配搭，食落不會太滯PAV BHAJI 蔬菜薯蓉咖喱配上厚切牛油餐包，蔬菜味道濃郁，咖喱香料足，餐包烤香後再吸滿咖喱汁，咬落鬆軟又夠惹味PANEER TIKKA HARA MASALA BIRYANI 飯粒粒分明，香料和薄荷、香菜味突出，不會太油，混入茅屋芝士在飯中，質感軟滑且不膩，食落開胃，而且份量十足CHEESY BROCOLI TIKKA 西蘭花加芝士再焗烤後外層微焦，西蘭花依然保持清脆口感，配上薄荷醬，食落無油膩感LASSI - MALAIMARKE 印度芒果乳酪飲口感厚滑，芒果味香濃又帶微微酸甜，乳酪香濃不膩，飲落清新解辣MOJITO 無酒精Mojito以新鮮薄荷、青檸同汽水調製，薄荷香同青檸酸爽感覺突出，清新解膩最後埋單果陣知道原來現在只要ig打卡和tag餐廳，可享9折優惠，真的超值…查看更多

今次去呢間印度素菜餐廳，1952年創於孟買，已經有70年歷史嘅老字號，堅持做傳統印度素菜，全球有成80間分店，當然要去朝聖下喇。入門口一刻已經聞到餐廳充滿印度獨特嘅香氣，令人好放鬆舒服，中間特色間隔架掛滿印度風餐具，同時播放着印度歌曲，再食埋印度素菜，簡直係沉浸式印度體驗。🥢Tikki Chaat $89底層係口感濕潤軟糯嘅薯泥餅，淋上軟腍惹味嘅咖哩鷹嘴豆、羅望子醬、辣椒醬及乳酪，口感層次豐富又開胃。🥢Paneer Tikka HaraMasala Biryani $129米飯粒粒分明乾爽，帶濃郁嘅香料味，芳香惹味，飯內有好多軟糯濕潤充滿奶香味嘅Cottage Cheese，同時配上濃濃香草乳酪醬，內裡有甜辣椒、青瓜等配料，可令米飯層次更豐富更平衡。🥢Chole Bhatura $115Bhatura炸麵餅口感煙韌Q彈嚼勁十足，Chole鷹嘴豆咖哩軟腍咖哩味香濃，帶少少辣多多香，同時配上鹹香醃漬青椒及辛辣生洋蔥絲，增添風味。🥢Cheesy Brocoli Tikka $109西蘭花被芝士及乳酪包住一齊燒，表面雖然燒焦，但西蘭花仍然濕潤，帶濃郁嘅芝士香，配搭清新嘅薄荷乳酪醬，令整度菜嘅口感更為平衡。🍹Mango Lassi $65濃稠又順滑，帶香甜嘅芒果味。🍹Chill Guava $65口感清新酸爽，帶芭樂嘅清新甜香，並帶輕微辣感，層次豐富。响 社交平台story打卡同時tag返餐廳，仲有9折優添。…查看更多

系香港既印度餐廳相當多 但呢間位於尖沙咀寶勒巷既老字號印度素食「Kailash Parbat」🇮🇳🍴創於孟買1952年 已經有70年既歷史 素食種類豐富 應有盡有😌Sev Puri $79呢款「印度式既脆脆小點心」😆 用上扁平既圓形脆餅 口感酥脆🫓 鋪上洋蔥蕃茄芒果等配料 味道清新 帶點辛辣🤤Mushroom in Pepper Garlic $95蘑菇口感多汁 嫩滑且有嚼勁🍄 黑胡椒提供辛辣同香氣 而大量既大蒜帶黎濃郁既蒜香🧄辛辣開胃🌶️Veg Hakka Noodles $89用上椰菜 洋蔥 彩椒配上有彈性既面條🥢 食落口仲有啲中式炒麵既感覺😂 帶有少少鹹香Paneer Tikka Lababdar $128非常經典既北印度咖喱菜餚🍛 主角就系「Cottage cheese」🧀 外觀呈白色 質地鬆散 而咖喱非常濃郁順滑😍Garlic Naan $45外皮略帶酥脆 内裡非常柔軟🫓 同咖哩真系絕配🤩Mango Lassi $65集香甜 清涼 順滑於一體🥭 酸甜可口 非常解膩Bombay Cutting Chai $45香甜濃郁且有姜同豆蔻等香料既印度拉茶☕ 滿滿既孟買風味😆📣 即場社交平台Story打卡 再Tag埋餐廳 即可享九折優惠…查看更多

食印度野吾洗去印度既😉初試印度孟買正宗印度素菜好有趣, 店內擺放好多色彩繽紛飾物充滿印度風情，原來都有好多香港人食印度菜, 餐牌有圖, 所以唔使擔心點菜, 叫左幾個特色印度素菜BOMBAY BASKET CHAAT $109孟買籃式恰特 係一個酥脆既籃做碗 入面有好多薯仔泥鷹嘴豆、碎蔬菜,再淋上酸甜的羅望子醬、香辣的綠咖喱醬, 再加上酥脆的印度脆條, 酸甜辣層層遞進, 整體重口味而且層次豐富PANEER TIKKA(2TYPES)(6PCS)$129印度奶酪烤串味道有奶香辛香加上焦香，兩種口味有少少不同，整體食落似芝士,主鹹香為主但又冇芝士咁重味, 大推TAKA TAK MUSHROOM $109蘑菇塔克塔克印度素食咖喱, 主要以菌為底, 咖啡辛香與番茄的酸甜,層次豐富且口感飽滿, 微辣酸甜, 口感豐富, 配合洋蔥庫查(薄餅)KULCHA(ONION)$49洋蔥庫查(薄餅)有洋蔥與香料鹹香交織的印度風味外酥內軟薄餅, 配合咖哩食PAV BHAJI(CHEESE)$109芝士帕夫巴吉用多種蔬菜(土豆、胡蘿卜、豌豆)做到好似肉醬, 面頭有d 芝士, 增加奶香配上印度圓麵包及生洋蔥, 整體就係辛香鹹香奶香既肉醬麵包同時可擠檸檬酸解膩MASALA COKE $49瑪莎拉冷可樂可樂的甜味與印度香料的辛香、酸感的融合,加上恰特瑪薩拉(印度香料粉)酸香、黑鹽鹹鮮，再加入檸檬清新同薄荷清涼, 係一款多種味覺刺激型可樂COLD MASALA MILK TEA $66瑪莎拉冷奶茶奶茶加上印度瑪莎拉香料, 有微辣感,整體係甜, 有煉乳既香甜及香料既味道整體感覺就係好岩食素既人, 同埋未試過印度菜既人去試, 所以菜式都充滿香料既味度, 顛覆左我本身對印度菜既認知, 有興趣既你都可以試下…查看更多