柞木炭家

营业中

休息中

今日同朋友行街，行行吓見肚餓就去咗食晚餐，好耐冇食韓燒就去試呢間「柞木炭家」。第一碟嘅味噌擔擔茄子簡單啲講係擔擔醬配搭茄子，擔擔味濃郁，而重點係茄子新鮮，連啲皮食落去都唔會覺得硬。方切和牛油脂分布平均，有淡淡和牛香，擺盤其實係一塊塊正方形嘅和牛擺喺鹽磚上邊，佢嘅牛本身都冇調味，所以燒完都要點佢嘅醬增添口感，配搭埋佢送嘅生菜食就可以去左淨係食牛嘅油膩感。韓牛肋眼上蓋店員好好幫我哋剪開左塊扒同埋燒嚟食，牛味比較重但係油脂就冇咁多。大墨魚店員又係幫我哋燒完再剪，燒完佢嘅墨魚味十分香，一啲醒味都冇，值得一試。韓牛生牛肉石頭鍋飯都整得好好食，又係店員幫我哋連隻蛋同埋啲生牛肉攪勻佢整熟佢，放佢幾分鐘食仲有飯焦香味，有種食煲仔飯嘅感覺。最後嘅燒汁豬皮原本以為就咁食，店員話燒一燒會更加香口同埋肥膩，原來係真。食到停唔到口。最後叫咗兩杯梳打去做結尾，總體感覺店員親切有禮，環境乾淨，食物新鮮，值得一試。