Aqua

营业中

休息中

星期日同表姐妹去食brunch， 揀咗呢一間對住維港海景嘅餐廳。 餐廳空間感同光線都好充足，有一種好舒服嘅感覺。我哋幾個傾偈傾得好開心。由於自己有花生及堅果敏感，訂座之前已經確認咗有食物敏感。當日餐廳都仲會記得同再三確認有啲乜嘢我係食得，有啲乜嘢佢會幫我轉左無花生及堅果。雖然有部份食物係無限量供應，但係質素依然好新鮮。我哋encore 咗Sashimi。 上甜品嘅時候，餐廳都另外預備咗一份冇花生及堅果嘅甜品俾我。感覺非常之窩心。最後值得一讚嘅係，佢哋杯Americano好好飲。