北斗

营业中

休息中

呢間日本餐廳主打廚師發辦，位於九龍城福佬村道，之前去過，覺得味道唔錯，今日再帶埋朋友嚟試試。首先係牡丹刺身加海膽～賣相好靚，蝦肉彈牙，海膽綿滑，非常新鮮。跟住係地甲湯。湯係用茶壺裝住，倒出嚟，細細杯，好精緻。湯頭非常甜味，好開胃。另外有炸沙追魚，外脆內軟，好好味。希零魚都好出色，食落去有嚼勁。大拖配三文魚子，材料矜貴，識落口好多魚油，加埋大大粒嘅魚子，味道層次立即提升，好豪華。機煮鮑魚都好出色，鮑魚彈牙，口感好好。而炸日本真蠔就更加吸引，蠔味濃郁，又好軟滑，令人回味無窮。魚子茶漬飯～魚子嘅鹹味同飯嘅清淡相輔相成，味道出奇地搭配得好。最後嘅甜品係北海道閃電密瓜。佢嘅顏色好似哈密瓜，但食落去就似蜜瓜咁，好清甜。呢個甜品係完美嘅結束，令我哋整個用餐體驗更加美好。總括而言，呢間廚師發辦，菜式味道出色，特別係魚子嘅使用同搭配，令味覺更豐富。服務亦好，環境舒適。如果你想試吓，正宗日式廚師發辦，呢間餐廳絕對值得一試。