影片
更多
2022-11-04
265 浏览
今次一行四人嚟淥鼎記打邊爐，貪佢哋無限時，可以同朋友慢慢食慢慢傾，唔洗擔心俾人趕咁掃興。新推出嘅鰲拜套餐有齊刺身小菜任食火鍋，價錢唔算貴，性價比幾高✨• 無限時火鍋放題 鰲拜套餐 $499/位 (四位起)先上檯嘅前菜有鹹蛋魚皮同豉椒鵝腸。魚皮新鮮炸起，所以食落仲暖暖哋，味道鹹鹹香香。鵝腸用豉椒爆香，口感爽脆。估唔到火鍋店都可以食到日本直送刺身，而唔係大路嘅三文魚帶子！呢日嘅時令刺身竟然有近排當造嘅香箱蟹、石垣貝同北寄貝，全部都勁鮮甜㗎🫶🏻除此之外仲有生醃刺身，味道近似泰式酸辣，非常開胃！包括原隻龍蝦、鮑魚同天使蝦，食落好重蒜香又唔會蓋過食材本身嘅鮮味，用料一樣都係咁新鮮😌至於主菜就有六款可以選擇，揀咗小辣版重慶雞煲，麻香比辣味更突出，雞肉量多而且夠多肉又嫩滑唔會得啲骨，醬汁濃郁惹味得嚟唔過鹹👍🏻食完雞煲就開始打邊爐，例牌揀返最愛嘅麻辣湯底，套餐已經包咗幾款高質火鍋料，食完唔夠都仲有好多食物可以任叫。現切牛拼盤有和牛、牛小排、牛舌同牛柳粒，個人反而鐘意牛小排多啲，個牛味最香濃！現切沙巴躉份量好足，厚薄適中，配落麻辣湯好有水煮魚feel。蔬菜籃都係精挑細選過，有水蓮菜、心內美、羽衣甘藍等，
• 無限時火鍋放題 鰲拜套餐 $499/位 (四位起)
先上檯嘅前菜有鹹蛋魚皮同豉椒鵝腸。魚皮新鮮炸起，所以食落仲暖暖哋，味道鹹鹹香香。鵝腸用豉椒爆香，口感爽脆。
估唔到火鍋店都可以食到日本直送刺身，而唔係大路嘅三文魚帶子！呢日嘅時令刺身竟然有近排當造嘅香箱蟹、石垣貝同北寄貝，全部都勁鮮甜㗎🫶🏻
除此之外仲有生醃刺身，味道近似泰式酸辣，非常開胃！包括原隻龍蝦、鮑魚同天使蝦，食落好重蒜香又唔會蓋過食材本身嘅鮮味，用料一樣都係咁新鮮😌
至於主菜就有六款可以選擇，揀咗小辣版重慶雞煲，麻香比辣味更突出，雞肉量多而且夠多肉又嫩滑唔會得啲骨，醬汁濃郁惹味得嚟唔過鹹👍🏻
食完雞煲就開始打邊爐，例牌揀返最愛嘅麻辣湯底，套餐已經包咗幾款高質火鍋料，食完唔夠都仲有好多食物可以任叫。現切牛拼盤有和牛、牛小排、牛舌同牛柳粒，個人反而鐘意牛小排多啲，個牛味最香濃！現切沙巴躉份量好足，厚薄適中，配落麻辣湯好有水煮魚feel。蔬菜籃都係精挑細選過，有水蓮菜、心內美、羽衣甘藍等，仲有超清甜嘅白粟米！最後甜品係每人一杯Haagen-daz雪糕😽
张贴
