安娣瑪萊

营业中

休息中

今日同幾個朋友去左海港城～Auntie MALAY 安娣瑪萊～食晚餐。餐廳窗景係維港海景，但我地更加比呢個巨型鳥籠沙發座吸引住，係呢個位瘋狂打卡。迷你魚醬蝦米春卷 傳統馬來西亞既餐前小食，脆卜卜既春卷多層包住少香既魚仔辣椒醬同魚鬆，辣辣甜甜，食唔停口。瑪萊沙嗲雞肉 ×豬肉串雞肉彈牙，豬肉juicy，點埋沙爹醬超惹味。黃金軟殼蝦蝦殼炸到脆卡，連蝦殼都可以食埋。勁多咸蛋黃粒，啲醬都比我撈埋飯食。海南雞鑊仔飯呢個煲仔飯咁款既海南雞飯，超豐富。雞油飯底上有蝦乾、芋頭及臘味粒，再連同香茅、班蘭、薑及蒜去蒸，滿滿香氣。食既時候撈埋葱油食，味道再昇華。海南雞雞肉又嫩又滑。班蘭咖椰多士 黎到呢度點可以唔食班蘭咖央多士，多士香脆，啖啖清香既班蘭吉味。話梅蜂蜜梳打，酸酸甜甜，好fresh。熱桂圓紅棗蜜，好滋潤。