家賀屋

一向鍾意食日本🇯🇵菜嘅我，今次嚟咗呢間位於銅鑼灣嘅「家賀屋」食晚飯！餐廳裝修得非常有和風嘅情調，環境開揚，坐得舒服！😌食物選擇好多，有刺身、壽司🍣、海鮮丼、沙律、小食、串燒等…啤酒🍻半價，非常抵飲呀！⭐️海膽龍珠卷，龍珠即是醬油漬蛋黃，加上新鮮吞拿魚蓉和海膽，入口即融，好滿足呀！⭐️花魚一夜干，外皮好香脆，內裏肉質嫩滑！⭐️鹽燒仙台熟成牛舌芯，牛舌芯燒到外脆內軟，口感彈牙，配上芥辣醬，好惹味！⭐️炙烤北海道鱿魚條，好彈牙，上面仲有芝麻、香蔥！⭐️清酒牛油煮蜆，蜆肉脹卜卜，味道清甜，清湯有清酒味同牛油味！⭐️生薑燒安格斯牛肉丼定食，牛肉juicy嫩滑，海帶味噌湯味道鮮甜，田園沙律🥗，沙律菜好新鮮，茶碗蒸，蒸蛋好嫩滑，好好味呀！⭐️巨峰乳酸梳打，味道清新！⭐️千層雲呢拿蛋糕，甜道適中！⭐️原個菠蘿雪葩，菠蘿🍍味清甜！