金酒屋

营业中

休息中

呢日同男朋友去橕枱腳，我哋去咗荔枝角呢間居酒屋食dinner，我地坐喺吧枱隔離，可以睇住師傅整野食，氣氛好好。首先，我地點左金糖盒，佢係海膽三文魚籽日式豆腐，擺盤好靚，食材亦都非常新鮮。另外，仲點左金龍珠海膽吞拿魚蓉卷，入面有超多料，有啖啖鮮味既吞拿魚蓉，新鮮肥美既海膽，仲有金龍珠，即係醬酒漬蛋黃，一啖咬落去，層次豐富。日式金柑帆立貝刺身好fresh，酸酸甜甜既金柑好開胃。粟米脆餅壽司好特別，估唔到日本菜都可以crossover Taco，入面有海膽三文魚籽。我地叫左兩個丼飯，分別係戀丼同埋金丼。戀丼係月見特厚燒牛舌三文魚籽，牛舌燒到勁香勁惹味。金丼係月見海膽三文魚籽拖羅蓉，又係我至愛既海膽呢度既串燒都勁正！