云手工火鍋店

营业中

休息中

尖沙咀瑞生酒店樓下有幾間餐廳，上次嚟食西餐時見到同一幢大廈仲有火鍋店，又幾吸引，一於嚟打個邊爐！ 火焰三椰雞鍋侍應會先快炒椰子、海底椰、蘿蔔同雞，加入酒後點火製造火焰效果，即刻帶出椰子嘅香氣。湯底用椰青水、椰皇水同椰奶，好creamy。 美國安格斯牛肉中size份量都好多，油花分明得嚟唔會太肥，夠嫩滑。台灣蛋餃 / 鳳城水餃蛋餃一向都係手工嘢，肉餡結實；鳳城水餃大粒，餃皮夠薄，蝦肉爽脆。 雜菜拼盤 有蕃茄、粟米、娃娃菜、西洋菜、油麥菜同唐生菜，好多種類。 自家製響鈴新鮮炸起嘅響鈴好香口，最鐘意蘸一下個湯，仲保留響鈴嘅脆口。 黃沙豬膶厚切大塊，豬膶好新鮮，處理得好乾淨。 好欣賞火鍋店嘅醬料，用九宮格裝起，好企理，睇得出真係用心。